काठमाडौं (हाम्रो खेलकुद) – अखिल नेपाल फुटबल संघ (एन्फा) को केन्द्रिय निर्वाचनका लागि अहिले जिल्ला फुटबल संघको निर्वाचन धमाधम भइरहेको छ ।

बिहीबार ६ जिल्ला फुटबल संघले नयाँ नेतृत्व पाएको छ । सुनसरीबाट नबिन राई, सप्तरीबाट राजकुमार परियार, संखुवासभाबाट भरत घिमिरे, बाराबाट रामचन्द्र लामा, नवलपरासीबाट धन प्रसाद गुरुङ र ललिपुरबाट पुरुषोत्तम थापाको नेतृत्वमा नयाँ कार्यसमिति चयन भएको छ ।

ललितपुरमा पुरुषोत्तम थापा पुनः निर्वाचित भएका हुन् । बिहीबार भएको संघको निर्वाचनबाट थापाले ६ ल्याएर विजयी भएका हुन् । उनका प्रत्यासी दिनेश व्यन्जनकारले ४ भोट पाए । उपाध्यक्षमा दिपक थापा मगर, प्रविन थापा र निरोज तुलाधर निर्वाचित भए ।

महासचिवमा प्रविन श्रेष्ठ र कोषाध्यक्षमा रजत राज खनाल मनोनित भएका छन् । सदस्यमा प्रितम शाक्य, पुस्कर केसी, शिव श्रेष्ठ, शिशिर बिक्रम हमाल, राजु केसी, शंकर कुमार थापा मगर, विश्वराज राई, कृष्ण कुमार थापा, सन्दन थापा मगर र राजन पन्त निर्वाचित भए ।

बाराको अध्यक्षमा रामचन्द्र लामा चयन भए । उपाध्यक्षमा राजकिशोर धामी, घनश्याम चौधरी र खुशी चौधरी चयन भएका छन् । यस्तै महासचिवमा उदय श्रेष्ठ चयन भएका छन् । सचिवमा विनोद प्रसाद साह र कोषाध्यक्षमा विनोद गुप्ता तथा सदस्यमा सन्तबहादुर वाइवा, शम्भुसिह ठकुरी, दुर्गाबहादुर थापा, महम्मद समिउल्लाह, कृष्णमणि चौधरी, मनोज कुमार जयसवाल, निरज कुवर र सोममाया रुम्बा निर्वाचित भए ।

यस्तै सुनसरी जिल्ला फुटबल संघको अध्यक्षमा नविन राई निर्वाचित भएका छन् । उपाध्यक्षमा मनोज थापा, भेषराज कार्की, महासचिवमा कोविद जंग कार्की, सचिवमा प्रताप तामाङ तथा कोषाध्यक्षमा सतिश केसी र महिला सदस्यमा शारदा लिम्बु चयन भए ।

सदस्यमा बाबुराम प्रसाद बजगाईं, देवचरण बहरदार, पशुपती कुमार सरदार, केशव कुमार कार्की, खेमराज कोइराला, घनश्याम बुढाथोकी, धन बहादुर राई, हिमाल थापा मगर, देबिन्द्र बास्तोला, अकलेश कुमार राई र गोपाल कार्की चयन भए ।