एजेन्सी – इंग्लिस क्लब चेल्सीका जर्मन सेन्टर ब्याक एन्टोनियो रुडिगर स्पेनिस क्लब रियल म्याड्रिडमा अनुबन्धित भएका छन् । रुडिगरले रियलसँग ४ वर्षको सम्झौता गरेको हो ।

सम्झौता अनुसार रुडिगर सन् २०२६ सम्म म्याड्रिडमा रहनेछ । उनले बुधबार मेडिकल गराइसकेका छन् । जर्मन सेन्टरब्याक जसको चेल्सीसँगको सम्झौता जुनमा सकिदैछ । उनले आफ्ना एजेन्टमार्फत फ्रि ट्रान्सफरमा सान्टियागो बर्नाबेउ आइपुग्नेछन् ।
यद्यपि, रुडिगरको विषयलाई क्लबले आधिकारिक रुपमा केही भनेको छैन, क्लबले मे २८ मा पेरिसमा च्याम्पियन्स लिग फाइनलपछि घोषणा गर्ने अपेक्षा गरिएको छ ।

यो सम्भवत अर्को हप्ता हुनेछ किनकि यो खेलाडीले नेसन्स लिगको लागि जर्मन राष्ट्रिय टोलीसँग प्रशिक्षण सुरु गर्नुअघिको योजना हो । रियल म्याड्रिड र रुडिगर पहिले नै एक सम्झौतामा पुगिसकेका थिए, तर केहि कागजी प्रक्रिया रहँदा मंगलबार सबै पुरा भएको हो ।

मुख्य प्रशिक्षक कार्लो एन्सेलोटीले पनि रुडिगरलाई अनुबन्ध गर्न आग्रह गरेका थिए । सेन्टरब्याकको रूपमा जर्मन र इडर मिलिसाओको साथमा डेभिड अलाबाले खेल्नेछन् ।

२९ वर्षीय रुडिगरले यो सिजन चेल्सीमा उत्कृष्ट समय व्यतित गरेका छन् । विशेषगरी च्याम्पियन्स लिगमै रियलविरुद्ध रुडिगरले गज्जवको प्रदर्शन गरेका थिए । सन् २०१७ देखि चेल्सीमा रहेका रुडिगरले हालसम्म चेल्सीका लागि १९९ खेल खेल्दा १२ गोल गरेका छन् ।