एजेन्सी- आज भएको स्पेनिश ला लिगको खेलमा बार्सिलोनाले ओसासुनालाई ३-०ले पराजित गरेको छ । यो नजिता पश्चात क्याटालान क्लबले रियल मड्रीडसँगको अंक दुरी ३ मा घटाएको छ यधपी रियलले एक खेल कम खेलको छ ।
आजको दिनको पहिलो खेल मै घरेलु टोली ओसासुनालाई बार्सिलोनले ३-०ले पराजित गरेको हो । बार्सिलोनका लागि प्रतिबन्धका कारण खेल्न नपाएका नेमारको स्थानमा च्याम्पियन्स लिगमा ह्याट्रीक गर्ने टुरन खेलेका थिए । खेलको पहिलो हाल्फमा बार्साले धेरै अवसर खेर फाल्यो र गोलको लागि ५९औ मिनटसम्म कुर्न पर्यो, सुआरेजले गोल गर्दै बार्साको लागि खाता खोलेका थिए ।
खेलको दोस्रो र तेस्रो गोल मेसीले ७३ र ९० मिनटमा गरेका थिए । यो दुइ गोल पश्चात मेसीको ओसासुना बिरुद्धको गोल संख्या २० पुगेको छ । आफ्नो क रि य रको ५५०औ खेल खेलेका मेसीले आफ्नो गोल संख्या ४७५ पुराएका छन ।
