default_image

2 years ago

July 2, 2022

महिला साफ च्याम्पियनसिप नेपालमा हुने

283 views

0 Bookmark

काठमाडौं (हाम्रो खेलकुद) – महिला साफ च्याम्पियनसिप नेपालमा आयोजना हुने भएको छ । दक्षिण एसियाली फुटबल महासंघ (साफ) ले नेपालको प्रस्तावलाई स्वीकार गरेपछि महिला साफ च्याम्पियनसिप नेपालमा आयोजना हुने पक्का भएको हो ।

अब साफ च्याम्पियनसिप भदौं १३ देखि २५ (अगस्ट २९ देखि सेप्टेम्वर १०) सम्म आयोजना हुनेछ । अखिल नेपाल फुटबल संघ (एन्फा) का महासचिव किरण राईको नेतृत्वमा रहेको नेपाली टोलीले साफ च्याम्पियनसिप काठमाडौंमा आयोजना गर्न प्रस्ताव गरेको थियो । नेपाली टोलीले शुक्रबार बंगलादेशको ढाकामा साफका महासचिव अनवरुल हक हेलालसँग पनि भेट गरेको थियो ।

यो प्रस्तावलाई साफ अर्डिनरी कंग्रेस २०२२ अघिको साफको कार्यकारी समितिको बैठकले अअनुमोदन गरेको थियो ।
साफ अर्डिनरी कंग्रेस २०२२ ढाकामा भएको थियो । यो कंग्रेसले काजी मोहम्मद सलाहुद्दीनलाई साफको अध्यक्षमा निपर्वरोध निर्वाचित गरेको छ । उनले अअब २०२६ सम्म कार्यभार सम्हाल्नेछन् ।

क्ंग्रेसले भुटान फुटबल फेडेरसनका उगेन वाङ्चुकलाई साफको कार्यकारी सदस्य र श्रीलंका फुटबल महासंघका अध्यक्ष जसवर उमरलाई साफको प्रतिनिधित्व गर्ने एएफसी कार्यकारी समितिको सदस्यमा नियुक्त गरेको छ । त्यस्तै साफ अनुशासन तथा आचार संहिता र साफ आचार संहिता पनि कार्यकारी समितिबाट स्वीकृत भएको छ ।

नेपालले यसअघि पाँचौं संस्करणको महिला साफ विराटनगरमा आयोजना गरेको थियो । जसमा नेपाल फाइनलमा भारतसँग पराजित भएको थियो ।

साफ कंग्रेसमा सहभागी हुन महासचिव राईको नेतृत्वमा तीन सदस्यीय टोली बिहीबार ढाका प्रस्थान गरेको थियो । एन्फा सदस्य विकास नारायण श्रेष्ठ र न्यूरोड टिम (एनआरटी) का अध्यक्ष सुन्दर नरसिंह जोशी सहभागी छन् ।

June 13, 2024

यु-२० एशियन कप: नेपाल समूह ‘बी’ मा  

काठमाडौं (हाम्रो खेलकुद) – नेपाल एएफसी यू–२० एसियन कप २०२५ छनोटको समूह ‘बी’ मा परेको छ । एएफसीको मुख्यालय क्वालालम्पुरमा बुधबार भएको ड्र समारोहमा नेपाल समूह बी मा परेको हो । नेपालको समूहमा उज्वेकिस्तान, बहराइन, चाइनिज ताइपेई र कम्बोडिया रहेका छन् । नेपालको समूहका खेलहरू सेप्टेम्बरमा चाइनिज ताइपेईमा हुनेछन् । नेपाली टोलीले छनोट खेल्न अघि […]

June 13, 2024

नेपाल, जापान र कतार एउटै समूहमा

काठमाडौं (हाम्रो खेलकुद) – एएफसी यु-१७ एसियन कप छनोटमा नेपाल एसियाली महारथी जापान र कतारसँगै एकै समूहमा परेको छ । बिहीबार भएको ड्र पछि नेपाल छनोटको समुह एफ मा परेको हो । समूहमा नेपालसँगै जापान र कतार बाहेक मंगोलिया रहेको छ । यस समुहका सबै खेल कतारले आयोजना गर्नेछ । छनोटका खेल आउँदो अक्टोबर महिनामा […]

June 12, 2024

यु-२० साफ: उद्दघाटन खेलमा नेपालले श्रीलंकाविरुद्ध खेल्ने

काठमाडौं (हाम्रो खेलकुद) – नेपालमा आउँदो अगस्ट १६ देखि २८ सम्म हुने साफ यु-२० पुरुष च्याम्पियनसिपको उद्दघाटन खेलमा नेपालले श्रीलंकाविरुद्ध खेल्ने भएको छ । दक्षिण एसियाली फुटबल महासंघ (साफ) ले बुधवार सार्वजनिक गरेको तालिकामा नेपालले उद्दघाटन खेलमा श्रीलंका विरुद्ध खेल्ने भएको हो । समूह ए मा रहेको नेपालले दोस्रो खेल पाकिस्तान विरुद्ध अगस्ट १९ मा […]

Success

Thank you for your time.