एजेन्सी – क्याटलान क्लब बार्सिलोनाले लामो कसरतपछि अन्तत पोल्यान्डका फरवार्ड रोबर्ट लेवान्डोस्कीलाई जर्मन च्याम्पियन बायर्न म्युनिखबाट अनुबन्ध गर्यो ।

लेवान्डोस्की अनुबन्धन भएलगत्तै बार्सिलोनासँग अमेरिका टुरमा समावेश भइसकेका छन् । उनलाई सोमबार नै क्लबले आधिकारिक रुपमा प्रस्तुत गर्ने भएको छ । त्यसअघि लेवान्डोस्कीले आवश्यक स्वास्थ्य परिक्षण र कागजी प्रक्रिया पूरा गर्नेछन् ।

बार्सिलोनामा अनुबन्धित भएपछि उनले समर्थकलाई संदेश पनि दिएका छन् । उनले आफू बार्सिलोना आउँदा निकै खुसी रहेको बताए । ‘म बार्सिलोना आउन पाउँदा निकै खुसी छु । बार्सिलोना आउने निर्णय मेरो लागि निकै सहज थियो,’ उनले भने ।

‘अब बार्सिलोना फर्किएको छ । मलाई लाग्छ क्लबलाई युरोपको शीर्ष टोली बनाउन म सहयोग गर्न सक्छु । मलाई उपाधि जित्न मनपर्छ । मेरो लागि यो नयाँ अध्याय हुनेछ र नयाँ चुनौती पनि ।’

‘मेरो लागि व्यक्तिगत रुपमा अवसर पनि हो । मलाई सधैं ला लिगा खेल्न मन थियो र ठूलो टोलीबाट पनि । मैले जाभीसँग छलफल गरिरहेको छु । उनको योजना पनि बुझेको छु । उनी राम्रा खेलाडी थिए र प्रशिक्षकका रुपमा पनि राम्रो भविष्य देख्छु ।’

लेवान्डोस्कीको आगमनपछि बार्सिलोनाको स्थितिबारे बुझ्न यो पनि पढ्नुहोस : आक्रमणमा डरलाग्दो बन्दै बार्सिलोना