काठमाडौं (हाम्रो खेलकुद) – नेपाली युवा टोलीका कप्तान आयुष घलानले भारतमा यसैसाता आयोजना हुने यू–२० साफ च्याम्पियनसिपको फाइनलमा पुग्ने लक्ष्य रहेको बताएका छन् ।

प्रतियोगितास्थल भारतको भुवनेश्वरमा पुगेर पहिलो दिनको प्रशिक्षण सकिएपछि सञ्चारकर्मीसँगको कुराकानीका क्रममा कप्तान आयुषले माल्दिभ्ससँग ३ अंक जोड्दै फाइनलसम्म पुग्ने लक्ष्य रहेको बताएका हुन् ।

‘माल्दिभ्सविरुद्धको पहिलो खेलमा सकेसम्म ३ अंक जोड्दै उद्देश्य छ । हाम्रो अहिलेको लक्ष्य माल्दिभ्ससँगको खेलमा तीन अंक हासिल गर्नु हो र साफ च्याम्पियनसिपको फाइनलमा पुग्ने लक्ष्य छ ।’ कप्तान आयुषले भने, ‘युवा टोलीको कप्तान हुन पाउनु मेरो लागि निकै ठुलो अवसर हो । फुटबल हो, प्यासन भएर खेलेको हुँ । कसैको प्रेसर हुँदैन ।

यस्तै कप्तान घलानले टिमको तयारी राम्रो रहेको र टिममा सबै सकरात्मक रहेकाले जित्छौं भनेर जाने, बढी आत्मविश्वासी नभई खेल्ने बताएका छन् । उनले वर्षायाम भएकाले मौसममा काठमाडौं भन्दा खासै फरक नपाएपनि वर्षा नभएको अवस्थामा केही गाह्रो हुन सक्ने भएपनि टोली तयार रहेको थपे ।

टोलीका सहायक प्रशिक्षक बाल गोपाल साहुखलले डेढ महिनाको प्रहिक्षण गरेर भारत आएको र भुवनेश्वरको पहिलो प्रशिक्षणमा खासै फरक नपरेको बताएका छन् । युथ टिमलाई एक्सपोजर दिने नै हो, सबैमा त्यही नै हो । उमेर समूहमा दक्षिण एसियामा साफमा सबै बराबरीकौ स्थितिको टोली हो ।

गोलकिपिङ प्रशिक्षक उज्वल मानन्धरले टोली तयारी राम्रो रहेको प्रतिक्रिया दिए । उनले टोलीको लक्ष्य साफ जित्ने नै रहेको बताए ।

टोलीको मुख्य प्रशिक्षकमा मेघराममज केसी छन् भने सहायक प्रशिक्षकमा बालगोपाल साहुखल रहेका छन् । यस्तै गोलकिपिङ प्रशिक्षकमा उज्जल मानन्धर र व्यवस्थापकमा दिवाकर घले छन् ।

च्याम्पियनसिपमा आयोजक भारत, नेपाल, माल्दिभ्स, श्रीलंका र बंगलादेशको सहभागिता रहेको छ । नेपालले २५ जुलाईमा माल्दिभ्ससँग खेल्दै च्याम्पियनसिपको सुरुवात गर्नेछ । नेपालले श्रीलंकासँग जुलाई २७ मा, भारतसँग जुलाई ३१ र बंगलादेशसँग अगस्ट २ मा खेल्नेछ । शीर्ष दुई टोलीले उपाधिका लागि अगस्ट ५ मा प्रतिस्पर्धा गर्ने छ । च्याम्पियनसिपको सबै खेल भारतको भुवनेश्वरस्थित कालिंगा स्टेडियममा हुनेछ ।

नेपाली टोली
गोलरक्षक – ईश्वर गुरुङ, युनेश चौधरी र जियारथ शेख
डिफेन्डर – अमर श्रेष्ठ, सोनित दाहाल, आयुष श्रेष्ठ, अजय चौधरी, सुमित श्रेष्ठ, सृजन धानी, रोशन थापा र अभिषेक वाइबा
मिडफिल्डर – दिपेश गुरुङ, आशिष राई, सन्दीप कार्की, जन्मजय धामी, मोहित गुरुङ, कृतिश रत्न छुन्जु, सुगम सुवाल, मनग्य नकर्मी र आयुष घलान
फरवार्ड – रोहित सुब्बा, निरञ्जन मल्ल र रोहन खड्गी