2 years ago
August 21, 2022
एजेन्सी – म्यानचेस्टर युनाइटेडका समर्थकले सोमबार हुने लिभरपुलविरुद्धको खेलअघि आन्दोलनको तयारी गरिरहेका छन् । क्लबका मालिक ग्लेजर परिवारविरुद्ध ठूलो संख्यामा युनाइटेड समर्थकले विरोध प्रस्तुत गर्ने बुझिएको छ । सन् २०२१ मेमा पनि युनाइटेडका समर्थकले क्लबका मालिकविरुद्ध गरेको विरोध प्रदर्शनका कारण खेल स्थगित हुन पुगेको थियो । दुई प्रहरी घाइते भएको उक्त प्रदर्शनका कारण खेल संचालन […]
एजेन्सी – म्यानचेस्टर युनाइटेडका समर्थकले सोमबार हुने लिभरपुलविरुद्धको खेलअघि आन्दोलनको तयारी गरिरहेका छन् । क्लबका मालिक ग्लेजर परिवारविरुद्ध ठूलो संख्यामा युनाइटेड समर्थकले विरोध प्रस्तुत गर्ने बुझिएको छ ।
सन् २०२१ मेमा पनि युनाइटेडका समर्थकले क्लबका मालिकविरुद्ध गरेको विरोध प्रदर्शनका कारण खेल स्थगित हुन पुगेको थियो । दुई प्रहरी घाइते भएको उक्त प्रदर्शनका कारण खेल संचालन हुन सकेको थिएन । केही समर्थक मैदानभित्र नै प्रवेश गरेपछि कोरोना संक्रमणको डरले समेत खेल अघि बढेको थिएन ।
सोमबारको खेलअघि पनि युनाइटेडका समर्थकले ठूलो विरोध कार्यक्रम गर्ने बुझिएको छ । लामो समयदेखि युनाइटेड समर्थकले क्लबका मालिकविरुद्ध प्रदर्शन गर्दै आएका छन् । क्लबलाई फुटबल नभएर व्यापारका लागि प्रयोग गरेको समर्थकहरुको आरोप रहँदै आएको छ ।
क्लबका समर्थकले ग्लेजर परिवारको विरोधमा पहेंलो र हरियो रंग प्रयोग गर्दै आएका छन् । क्लबको स्थापना हुँदा ‘न्युटन हिथ’ नाम रहेको थियो र त्यसबेला क्लबले पहेंलो र हरियो रंग प्रयोग गर्थ्यो । आधुनिक फुटबलमा ग्लेजर परिवारले क्लबको पहिचान जोगाउन नसकेको भन्दै समर्थकहरु विरोध गर्दै आइरहेका छन् ।
खेलअघि क्लबका प्रशिक्षक एरिक टेन हागले भने मालिकहरु सधैं टोलीलाई जिताउन लागिरहेको बताए । ‘म यहि भन सक्छु कि मालिकले जित्न चाहन्छन् । र समर्थक, हामी सधैं क्लबकै साथमा रहेको हेर्न चाहन्छौं । अहिले हामी एकतृत भएर बढ्नुपर्ने समय हो ।’
सोमबार युनाइटेड र लिभरपुल दुवै सिजनको पहिलो जित निकाल्ने लक्ष्यमा हुनेछन् । लिभरपुलले सुरुवाती दुवै खेल बराबरी गर्दा युनाइटेडले अंक जोड्न सकेको छैन । पहिलो खेलमा ब्राइटनसँग पराजित युनाइटेड दोस्रो खेलमा ब्रेन्टफर्डसँग स्तब्ध भएको थियो ।
यता लिभरपुलका प्रशिक्षक योर्गेन क्लोपले भने समर्थकका कारण खेल संचालन हुन नसके आफ्नो टोलीलाई विजयी घोषित गर्नुपर्ने बताए । ‘खेल हुन सकेन भने ? हामी बस चढेर घर जानेछौं । म चाहन्छु खेल स्थगित नहोस, तर यदि भइहाले हामीले अंक पाउनुपर्छ ।’
‘त्यो स्थितिका लागि हामी जिम्मेवार छैनौं । यदि समर्थक खेल भएको चाहदैनन् भने खेल स्थगित गरेर निकै व्यस्त सिजनमा फेरी खेल्न सकिदैन । यदि खेल हुन नसकेको अवस्थामा सधैं पाहुना टोलीले अंक पाउनुपर्छ ।’
May 2, 2024
दिपक बोहरा, पाँचथर दुई महिना अघि फिदिममा भएको चौथो पाँचथर गोल्ड कप प्रतियोगिताको हिसाब सार्वजनिक गरिएको छ । आयोजक पाँचथर क्लबले बुधबार फिदिममा पत्रकार सम्मेलन गर्दै प्रतियोगिताको आयव्यय सार्वजनिक गरेको हो । फिदिममा फागुन १२ गतेबाट १९ गते सम्म चलेको प्रतियोगितामा ४६ लाख ६४ हजार ६ सय ६० रुपैयाँ आम्दानी भएको थियो। त्यसमा ७ लाख […]
May 2, 2024
एजेन्सी – युरोपेली च्याम्पियन्स लिगको दोस्रो सेमिफाइनलको पहिलो लेगमा जर्मन टोली बोरुसिया डर्टमुण्डले अग्रता लिएको छ । घरेलु मैदानमा बुधबार भएको पहिलो लेगमा डर्टमुण्डले फ्रेन्च टोली पेरिस सेन्ट जर्मेन (पिएसजी) लाई १-० हराएको छ । डर्टमुण्डको जितमा स्ट्राइकर निकलास फुलक्रुगले खेलको ३६औं मिनेटमा गोल गरे । डिफेन्स लाइनबाट निको श्लोटरबेकले दिएको उत्कृष्ट पासमा अफसाइड ट्र्याप […]
May 1, 2024
एजेन्सी – युरोपेली च्याम्पियन्स लिग अन्तर्गत दोस्रो सेमिफाइनलको पहिलो लेगमा आज राती बोरुसिया डर्टमुण्ड र पेरिस सेन्ट जर्मान (पिएसजी) भिड्दै छन् । राती १२:४५ बजे सुरु हुने खेल डर्टमुण्डको घरेलु मैदान सिग्नल इडुना पार्कमा सुरु हुनेछ । यी दुवै टोली यसै सिजन च्याम्पियन्स लिगको एकै समूहमा रहेका थिए । समूह चरणको दुई खेल मध्य एक […]