default_image

3 years ago

September 14, 2022

भारतका प्रशिक्षक भन्छन् – ‘घरेलु समर्थकमाझ नेपालको सामना गर्न कठिन’

171 views

0 Bookmark

काठमाडौं (हाम्रो खेलकुद) – भारतीय महिला राष्ट्रिय फुटबल टोलीका प्रशिक्षक सुरेन क्षेत्रीले छैटौं महिला साफ च्याम्पियनसिप अन्तर्गत सेमिफाइनलमा घरेलु समर्थकमाझ नेपालको सामना गर्न कठिन हुने बताएका छन् ।

मंगलबार सम्पन्न समूह चरणको अन्तिम खेलमा बंगलादेशसँग ३-० ले पराजित भएपछि भारत समूह ए को उपविजेता बन्यो । उपविजेता बनेसँगै सेमिफाइनलमा अब घरेलु टोली नेपाल र भारत भिड्ने भएका छन् । नेपाल समूह बी को विजेता बन्दै अन्तिम चरम प्रवेश गरेको थियो ।

बंगलादेशसँग पराजित भएपछि प्रशिक्षक क्षेत्रीले आफ्नो टोलीले खराब खेलेको कारण हारेको बताए । ‘म बंगलादेशलाई बधाई दिन चाहन्छु । उनीहरुले निकै राम्रो खेले । पूरा जोशका साथ खेले । उनीहरुमा खेल्नको लागि भोक देखिन्थ्यो र जित हासिल गर्न सफल रहे,’ उनले भने, ‘म आज खराब दिन भन्दिन, हाम्रो टोलीले नै खराब खेल्यो । हामीले व्यक्तिगत रुपमा र टिमका रुपमा गल्ति गर्यौं । त्यसले नै हामीलाई हारसम्म पुर्यायो ।’

बंगलादेशले दशौं पटकको प्रयासमा भारतलाई हराएको हो । प्रशिक्षक क्षेत्रीले सधैं विपक्षी टोलीको सम्मान गर्ने गरेको बताए । ‘हामीले बंगलादेशलाई कमजोर आँकेका थिएनौं । हामी आज मात्र होइन, सधैं विपक्षीको सम्मान गर्छौं । बंगलादेशले जोशका साथ खेल्यो । मैले टिममा भनेको पनि थिएँ कि आज खेल सहज हुने छैन । म बंगलादेशलाई निकै सम्मान गर्छु,’ उनले थपे ।

प्रशिक्षक क्षेत्रीले सेमिफाइनलअघि हार बेहोर्नुले टोलीका खेलाडीलाई पनि पाठ भएको बताए । ‘आजको हारको जिम्मेवारी म लिन्छु । आज तिम्ले नै राम्रो खेल्न सकेन । हामीले सुधार गर्नुपर्ने पक्ष पनि छन् । हामी त्यसबारे छलफल गरेर अझ बलियो भएर आउनेछौं,’ उनले भने ।

‘हामी उपाधि दाबेदार हौं र अझैपनि उपाधि होडमा छौं । हामी सेमिफाइनलमा नेपालको सामना गर्दैछौं । नेपाल राम्रो टोली हो र आजको खेलले हामीलाई पाठ पढाएको छ । यदि मिहिनेत गरेनौं भने के हुन्छ भन्ने थाहा पाएका छौं । अरु टोलीले हराउन सक्छन् भन्ने पनि खेलाडीले बुझेका छन्,’ क्षेत्रीले थपे ।

प्रशिक्षक क्षेत्रीले नेपालमा घरेलु समर्थकविरुद्ध खेल्न कठिन हुने पनि स्वीकारे । ‘नेपालसँगको खेल सधैं कठिन हुने गर्दछ । अझ नेपालमै आएर खेल्न थप गाह्रो हुन्छ किनभने समर्थक पनि साथमा हुन्छन् । हामीले यसअघि विराटनगर पनि खेलेका छौं तर काठमाडौंमा धेरै मान्छे आएर टोलीको समर्थन गर्नुहुन्छ । तर हामीसँग पुरानो अनुभव छ । नेपाललाई नेपालमै हराएका खेलाडी पनि टोलीमा छन् । अब हाम्रो ध्यान उक्त खेलको तयारीमा हुनेछ,’ उनले भने ।

यो पनि : नेपालले दोस्रो पटक सेमिफाइनलमा भारतको सामना गर्ने

November 14, 2025

पोर्चुगल पराजित, रोनाल्डोलाई रातो कार्ड

एजेन्सी – पोर्चुगलले २०२६ विश्वकपको छनोटमा बिहीवार दोहोरो मार बेहोरेको छ। आयरल्याण्डसँग २-० ले पराजित भएपछि विश्व कपमा स्थान सुरक्षित गर्न प्रतीक्षा गर्नुपर्ने भएको छ। त्यस्तै खेलमा कप्तान क्रिस्टियानो रोनाल्डोले रातो कार्डको सामना गरे। रोनाल्डोले अन्तर्राष्ट्रिय फुटबलमा पहिलो पटक रातो कार्डको सामना गरेका हुन् । घरेलु टोलीका ट्रोय प्यारोटले पहिलो हाफमै दुई गोल गर्दै आयरल्याण्डलाई […]

November 14, 2025

फ्रान्स विश्वकपमा छनोट

एजेन्सी – फ्रान्सले बिहीवार युक्रेनलाई ४-० ले हराउँदै २०२६ विश्वकपमा आफ्नो स्थान पक्का गरेको छ। खेलमा किलियन एमबाप्पे स्टार बने । उनले दुई गोल गरे। पहिलो हाफमा गोलरहित बराबरीमा टुंगियो । दोस्रो हाफमा फ्रान्सले उत्कृष्ट खेल्दै लगातार गोल गर्‍यो। माइकल ओलिसेलाई बक्सभित्र फाउल गरिएपछि फ्रान्सले पाएको पेनाल्टीबाट एमबाप्पेले ५५ औं मिनेटमा पहिलो गोल गरे त्यसअघि युक्रेनले […]

November 13, 2025

नेपाल र बंगलादेशको बराबरी

काठमाडौं (हाम्रो खेलकुद)- नेपाल र बंगलादेश मैत्रीपूर्ण खेल २-२ गोलको बराबरीमा सकिएको छ। नेपालको लागि रोहित चन्द र अनन्त तामाङले गोल गरे। बंगलादेशको लागि दुबै गोल उसको स्टार खेलाडी हम्जा चौधरीले गरे। बंगलादेशको ढाकामा भएको खेलको २९ औं मिनेटमा नेपालले घरेलु टोली विरूद्ध अग्रता बनायो। सुमित श्रेष्ठको कटब्याकमा बक्सको ठिक बाहिरबाट रोहितले हानेको सुन्दर प्रहार […]

Success

Thank you for your time.