1 year ago
October 16, 2022
खरा (हाम्रो खेलकुद) – त्रिभुवन आर्मी क्लब नवौं राष्ट्रिय खेलकुदअन्तर्गत पुरुष फुटबलको सेमिफाइनलमा पुगेको छ । दुई जितका साथ आर्मी अन्तिम चारमा पुगेको हो । समूह चरणको अन्तिम खेलमा आइतबार आर्मीले अर्को विभागिय टोली नेपाल पुलिस क्लब २–० ले हराउँदै आर्मीले सेमिफाइनलमा स्थान पक्का गरेको छ । आर्मीले समूह डीबाट सेमिफाइनल पुगेको गण्डकी प्रदेशसँग फाइनल […]
खरा (हाम्रो खेलकुद) – त्रिभुवन आर्मी क्लब नवौं राष्ट्रिय खेलकुदअन्तर्गत पुरुष फुटबलको सेमिफाइनलमा पुगेको छ । दुई जितका साथ आर्मी अन्तिम चारमा पुगेको हो ।
समूह चरणको अन्तिम खेलमा आइतबार आर्मीले अर्को विभागिय टोली नेपाल पुलिस क्लब २–० ले हराउँदै आर्मीले सेमिफाइनलमा स्थान पक्का गरेको छ । आर्मीले समूह डीबाट सेमिफाइनल पुगेको गण्डकी प्रदेशसँग फाइनल प्रवेशका लागि प्रतिस्पर्धा गर्नेछ ।
पोखरा रंगशालामा आर्मीको जितमा नवयुग श्रेष्ठ र दिनेश हेन्जनले गोल गरेका थिए । १०औं मिनेटमा कप्तान जर्जप्रिन्स कार्कीको प्रहारलाई पुलिसका गोलरक्षक शत्रुघन चौधरीले डाइभ दिदै बचाए । १५औं मिनेटमा नवयुगले गोल गर्दै आर्मीलाई १–० को अग्रता दिलाएका थिए । २९औं मिनेटमा दिनेशले गोल गर्दै आर्मीको अग्रता दोब्बर पारे ।
गोल गरेपछि आर्मीले पाराग्लाइडिङका आफ्ना खेलाडी निसिम थापाको निधनप्रति शोक व्यक्त गर्ने क्रममा मौन धारण गरेको थियो । पुलिस समूह बीको अर्को टोली लुम्बिनी प्रदेश प्रतियोगिताबाट बाहिरिएका छन् । आर्मीले पहिलो खेलमा लुम्बिनीलाई ४–० ले हराएको थियो ।
त्यसअघि प्रोटेष्ट लागेका ८ खेलाडीलाई समेत खेलाउने गरि गैर आवसिय नेपाली संघ (एनआरएनए) ले नवौं राष्ट्रिय खेलकुदअन्तर्गत फुटबलमा आफ्नो टोली उतार्न खोजेपछि खेल रद्द गर्दै विपक्षी गण्डकी प्रदेशलाई विजयी घोषित गरिएको छ ।
निर्धारित समय भन्दा डेढ घन्टा गोष्टे फुटबल मैदानमा पुगेको एनआरएनले टोलीले प्रोटेष्ट (उजुरी) लागेका ८ खेलाडीलाई समेत सहभागी गराउँदै वार्म अप गराएको थियो । प्रोटेष्ट लागेका खेलाडीलाई खेलाउन नपाउने भन्दै रेफ्रीहरुले सुचित गरेपनि टोलीले अटेर गरेको बताइएको छ । त्यसपछि रेफ्रीले खेल अघि बढाउन नसकिने जानकारी दिदै गण्डकीलाई विजयी घोषित गरिएको थियो ।
प्रदेश १ विरुद्ध गोल गरेका संजोक राई र विमल घर्ती मगरसहित अनन्त तामाङ, पुजन उपरकोटी, सुजल श्रेष्ठ, विशाल राई, इशान खड्का र अशोक खवासविरुद्ध प्रदेश १ ले प्रोटेष्ट राखेको थियो । नवौं राष्ट्रिय खेलकुदको प्राविधिक समितिले ८ खेलाडीविरुद्धको प्रोटेष्ट सदर गर्दै उनीहरुले बाँकी खेल खेल्न नपाउने निर्णय गरेको थिए ।
प्राविधिक समितिले टोलीमा बाँकी रहेका १२ खेलाडी मात्र राखेर भने एनआरएनएले खेलाउन पाउने जनाएको थियो एनआरएनए फुटबल टोलीका व्यवस्थापक सन्तोष कार्कीले शनिबार पत्रकार सम्मेलन गर्दै आफूहरुले खेल्न पाउनुपर्ने माग गरेका थिए ।
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]
March 27, 2024
एजेन्सी – स्पेनिस क्लब रियल म्याड्रिडका मिडफिल्डर जुड बेलिङहमले अन्तिम समयमा गोल गरेपछि अन्तर्राष्ट्रिय मैत्रीपूर्ण खेलमा इंग्ल्यान्ड हारबाट जोगिएको छ । घरेलु मैदानमा इंग्ल्यान्डले बेल्जियमसँग २–२ गोलको बराबरी खेलेको हो । एक गोल इभान टोनीले गरे । बेल्जियमका लागि दुवै गोल युरी टिलेमान्सले गरेपनि जितको लागि पर्याप्त भएन । वेम्वली स्टेडियम लन्डनमा मंगलबार राति भएको […]