default_image

1 year ago

November 11, 2022

रियल म्याड्रिडले बार्सिलोनासँगको अंक दुरी छोट्यायो

एजेन्सी – युरोपेली च्याम्पियन रियल म्याड्रिडले क्याडिजलाई हराउँदै स्पेनिस ला लिगाको शीर्षस्थानमा रहेको बार्सिलोनासँगको अंक दुरी छोट्याएको छ । घरेलु मैदानमा रियलले क्याडिजलाई २–१ ले पराजित गर्दै बार्सिलोनासँगको अंक दुरी २ मा छोट्याएको हो । सान्टियागो बर्नबेउमा बिहीबार राति भएको खेलमा रियलको जितमा इडर मिलिसाओ र टोनी क्रुसले गोल गरे । क्याडिजका पेरेजले एक गोल […]

111 views

0 Bookmark

एजेन्सी – युरोपेली च्याम्पियन रियल म्याड्रिडले क्याडिजलाई हराउँदै स्पेनिस ला लिगाको शीर्षस्थानमा रहेको बार्सिलोनासँगको अंक दुरी छोट्याएको छ ।

घरेलु मैदानमा रियलले क्याडिजलाई २–१ ले पराजित गर्दै बार्सिलोनासँगको अंक दुरी २ मा छोट्याएको हो । सान्टियागो बर्नबेउमा बिहीबार राति भएको खेलमा रियलको जितमा इडर मिलिसाओ र टोनी क्रुसले गोल गरे । क्याडिजका पेरेजले एक गोल फर्काए ।

खेलको ४०औं मिनेटमा इडर मिलिसाओले गोल गर्दै रियललाई पहिलो हाफमा १–० को अग्रता दिलाए । कप्तान लुका मोड्रिचबाट टोनी क्रुसले दिएको क्रसलाई मिलिसाओले अफसाइड बिट ट्रयाप गर्दै हेडरमार्फत गोल गर्न सफल भएका थिए । उक्त गोललाई भिडियो सहायक रेफ्री (भिएर) ले अफसाइड जाँच गरेपछि मान्यता दिएको थियो ।

५४औं मिनेटमा रियलका फेडे भाल्भेर्डे चुके । ७०औं मिनेटमा क्रुसले पेनाल्टी क्षेत्र बाहिरबाट उत्कृष्ट भलीमार्फत गोल गर्दै रियलको अग्रता दोब्बर पारे । उनले भिनिसियस जुनियरको पासमा सुन्दर फिनिस गरे ।

८०औं मिनेटमा रियल अर्काे गोल थप्नबाट चुक्यो । निकै मिहेनत गरेर भिनिसियसले दिएको पासमा कप्तान लुका मोड्रिचले खाली पोस्टमा गोल गर्न सकेनन् । लगत्तै ८१औं मिनेटमा परिवर्तित खेलाडी लुकास पेरेजले गोल गर्दै खेललाई २–१ को स्थितिमा ल्याए ।

बोनगोन्डाको प्रहारलाई थिवाउट कोर्टुवाले नियन्त्रणमा लिन नसकेको बललाई अल्भारो नेग्रेडोको प्रहार रिवाउन्ड हुँदा ७२औं मिनेटमा मैदान छिरेका लुकास पेरेजले खाली पोस्टमा जाली चुमाए । त्यसपछि थप गोल निस्कन नसक्दा रियल विजयी हुन सफल भयो ।

यस जितसँगै रियलको १४ खेलबाट ३५ अंक पुगेको छ । समान खेलबाटै शीर्षस्थानमा रहेको बार्सिलोनाको ३७ अंक छ । तेस्रो स्थानमा रहेको रियल सोसिडाड २६ अंकसहित रियलभन्दा ९ पछि छ । क्याडिज ११ अंक जोडेर तालिकाको १९औं स्थानमा छ ।

ला लिगाकै अर्काे खेलमा भ्यालेन्सियाले १० खेलाडीमा समेटिएको रियल बेटिसलाई ३–० ले पराजित गरेको छ । भ्यालेन्सियाको जितमा आन्द्रे अल्मेइडा, ह्युगो गुइलामोन र जस्टिन क्लुइभर्टले गोल गरे ।

इडगर गोन्जालेस ६१औं मिनेटमा दोहोरो पहेलो कार्ड खाँदै मैदानबाट बाहिरिएपछि रियल बेटिस १० खेलाडीमा समेटिन पुगेको थियो । त्यसको फाइदा भ्यालेन्सियाले उठाउन सफल भयो ।

यस जितसँगै भ्यालेन्सिया १९ अंक जोडेर १०औं स्थानमा उक्लिएको छ । पराजित रियल बेटिस २४ अंक जोडेर छैटौं स्थानमा रहेको छ । फिफा विश्वकप कतार २०२२ का कारण अब स्पेनिस ला लिगा ३१ डिसेम्बरदेखि सुचारु हुने छ ।

April 15, 2024

लिभरपुलपछि आर्सनल पनि पराजित

एजेन्सी – लिभरपुलको हारपछि इंग्लिस प्रिमियर लिग शीर्षस्थानमा उक्लने मौकालाई आर्सनलले गुमाएको छ । आर्सनल आइतबार एस्टन भिल्लासँग २–० ले पराजित भएको छ । उपाधि होडमा रहेका दुई टोली लिभरपुल र आर्सनल पराजित भएपछि त्यसको फाइदा म्यानचेस्टर सिटीलाई पुगेको छ । खेलको अन्त्यतिर एस्टन भिल्लाले २ गोल गर्दै आर्सनलमाथि सानदार जित निकालेको हो । लियोन […]

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

April 14, 2024

उपाधि आकांक्षी लिभरपुल स्तब्ध

एजेन्सी – प्रशिक्षक योर्गन क्लपको अन्तिम सिजनको सुखद अन्त्य गर्ने आशामा रहेको लिभरपुलको उपाधि आकांक्षामा धक्का लागेको छ । पछिल्लो हप्ता म्यानचेस्टर युनाइटेड विरुद्ध बराबरी खेलेको लिभरपुल आज भने क्रिस्टल प्यालेस विरुद्ध पराजित भएको हो । क्रिस्टल प्यालेसले लिभरपुलकै घरेलु मैदानमा १-० को जित हासिल गरेको हो । प्यालेसको जितमा एबेरिचे एजेले खेलको १४औं मिनेटमा […]

Success

Thank you for your time.