एजेन्सी – अर्काे सातापछि कतारमा सुरु हुने फिफा विश्वकप २०२२ का लागि एसियाली राष्ट्र इरानले आफ्नो टोली घोषणा गरेको छ ।

मुख्य प्रशिक्षक कार्लोस क्विरेजले २५ सदस्यीय अन्तिम टोली घोषणा गरेको हो । निकारागुआविरुद्धको खेलमा बिहीबार ग्रोइनमा चोट लागेका ओमिद इब्राहिमी यस सूचीमा अनुपस्थित छन् ।

इरानले आफ्नो अन्तिम अभ्यासमा कतारको दोहामा २०२२ को विश्वकप अघि ट्युनिसियासँग खेल्नेछ । समूह बी मा इरानसँगै इंग्ल्याण्ड, वेल्स र अमेरिका छन् ।

नोभेम्बर २१ मा ग्यारेथ साउथगेटको इंग्ल्याण्डविरुद्ध खेल्दै इरानले विश्वकपको शुरुवात गर्नेछ । त्यसपछि इरानले २५ नोभेम्वरमा वेल्ससँग त्यसको चार दिनपछि अमेरिकासँग खेल्नेछ ।

इरानी टोली
गोलकिपर – अलिरेजा बेइरानभाड, अमिर बदेदजादेह, होसेन होसेइनी र पायम निएजमान्ड
डिफेन्डर – एहसान हाजासाफी, मोर्तेजा पाउरालिगान्जी, रामिन रेजाइन, मिलद मोहम्मदी, होसेन कानाजिजादेगन, शोजाई खालीजादेह, सादेघ मोहरामी, रोउजबेह चेस्मी, मजिद होसेनी र अबोलफजल जाली

मिडफिल्डर – भहिद अमिरी, अलिरेजा जाहानबाख्स, साइद एजातोलाही, मेहदी तोराबी, सामान घोडोस, अली घोलिजादेह, अहमद नोउरोलाही र हलि करिमी

फरवार्ड – करिम अन्सारीफार्द, सर्दार अजमोन र मेहदी तारेमी