default_image

1 year ago

November 23, 2022

प्रशिक्षक बन्न सफाइ कर्मचारीको काम गरेका साउदी प्रशिक्षक

एजेन्सी – अर्जेन्टिनामाथि साउदी अरेबियाको २–१ को ऐतिहासिक जित एसियाली राष्ट्र कतारमा जारी फिफा विश्वकप २०२२ को अप्रत्याशित नतिजा मध्येको एक हो । उपाधि दावेदार टोलीकै रुपमा हेरिएको अर्जेन्टिनाले साउदीसँग यस्तो हार बेहोर्ला भन्ने कसैले पनि सोचेका थिएनन् । तर नतिजा त्यस्तै आयो । साउदीको ऐतिहासिक जितमा साउदीका खेलाडीको प्रदर्शन निकै उत्कृष्ट थियो । यो […]

156 views

0 Bookmark

एजेन्सी – अर्जेन्टिनामाथि साउदी अरेबियाको २–१ को ऐतिहासिक जित एसियाली राष्ट्र कतारमा जारी फिफा विश्वकप २०२२ को अप्रत्याशित नतिजा मध्येको एक हो । उपाधि दावेदार टोलीकै रुपमा हेरिएको अर्जेन्टिनाले साउदीसँग यस्तो हार बेहोर्ला भन्ने कसैले पनि सोचेका थिएनन् । तर नतिजा त्यस्तै आयो ।

साउदीको ऐतिहासिक जितमा साउदीका खेलाडीको प्रदर्शन निकै उत्कृष्ट थियो । यो जितको पछाडिको नायक अर्थात् परिकल्पनाकार भने फ्रान्सेली प्रशिक्षक हर्भ रेनार्ड थिए । ५४ वर्षीय रेनार्ड सन् २०१९ मा साउदी अरेबियाको प्रशिक्षक बने र यो अवधिमा टोलीलाई अभूतपूर्व सफलता दिलाए । खेलाडी छँदा डिफेन्डर यिनले खासै सफलता भने हात पार्न सकेनन् । उनले फ्रान्सको तल्लो श्रेणीका क्लबमा मात्रै खेले । सन् १९९८ मा घुँडाको चोटपछि उनले आफ्नो खेल करिअर टुंग्याए ।

खेल करिअरबाट विश्राम लिएको केही समयपछि, ३० वर्षको उमेरमा उनी दक्षिणी फ्रान्सको सानो टोली ड्रागुइनान एससीका लागि प्रशिक्षक बने । उनले प्रशिक्षण करिअर सुरु गर्दा प्रशिक्षण सेसनको बिचमा एक क्लिनरको रूपमा पनि काम गरेका थिए । प्रशिक्षणको प्यासनलाई जारी राख्दै गर्दा व्यावसायिक रुपमा उनले आफ्नै क्लिनिङ कम्पनीको पनि स्थापना गरे । आफ्नो प्रारम्भिक कोचिङको समयमा उनले विश्वकप खेल्ने टोलीको प्रशिक्षक बन्ने कुनै महत्वकांक्षा बोकेका थिएनन् ।

‘यो निकै टाढाको कुरा थियो । यो बाल्यकालको सपना थियो, जुन अकल्पनीय पनि देखिन्थ्यो,’ उनले एएफपीसँग कुरा गर्दै भने ।

सन् २००४ रेनार्ड क्याम्ब्रिज युनाइटेडको प्रशिक्षक बने । उनी छोटो समयमै बर्खास्तीमा परे । त्यसपछि उनले थुप्रै आरोह र अवरोह खेपे । सन् २०१० पछि भने उनको प्रशिक्षण यात्राले नयाँ मोड लियो । २००८ देखि ०१० मा जाम्बियाका टोली हेरेका हार्भेले त्यसपछि केही समय अंगोला र अल्जेरियन क्लबको प्रशिक्षक बनेर पुन: जाम्बिया फर्किए ।

जाम्बियालाई २०१२ मा अफ्रिका कप अफ नेसन्सको च्याम्पियन बनाएपछि उनी चर्चामा आए । त्यसपछि उनले २०१५ मा आइभोरी कोस्टलाई पनि अफ्रिका कप अफ नेसन्सको च्याम्पियन बनाए । उनी दुई फरक राष्ट्रबाट दुई पटक अफ्रिका कप अफ नेसन्सको च्याम्पियन जित्ने पहिलो प्रशिक्षक बने । उनको प्रशिक्षण गति यतिमै रोकिएन ।

आइभोरी कोस्ट पछि उनले फ्रेन्च क्लब लिललाई प्रशिक्षण दिए । त्यहाँ एक सिजन बिताएपछि उनी मोरोक्कोको प्रशिक्षक बने । उनकै प्रशिक्षणमा मोरोक्को सन् १९९८ पछि २०१८ को विश्वकपमा छनोट हुन सफल भएको थियो । मोरोक्को २०१९ को अफ्रिका कप अफ नेसन्सको बाट बाहिरिएपछि जिम्मेवारी लिदै राजीनामा दिए र त्यही समयमा उनले साउदी अरेबियासँग सम्झौता गरे । विगत ३ वर्षदेखि साउदी उनकै प्रशिक्षणमा रहेको छ ।

उनको नियमित मिहिनेतले नै खाडी मुलुकले अर्जेन्टिनाविरुद्ध २–१ को सनसनीपूर्ण जित दर्ता गर्न सफल रहयो । यतिमात्रै होइन उनी अर्जेन्टिनाको ३६ खेलसम्मको अपराजित यात्रामा पूर्णविराम लगाउने प्रशिक्षक बनेका छन् । अर्जेन्टिनामाथिको जितसँगै उनको चर्चा पनि चुलिएको छ ।

अर्जेन्टिनामाथिको ऐतिहासिक जितसँगै हर्भ रेनार्ड आफ्नो खेलाडीको प्रशंसा गर्न निकै खुले । ‘यि उत्कृष्ट खेलाडीहरूलाई बधाई छ । मैले साढे तीन वर्षअघि यो देशमा आउने निर्णय गरेको थिएँ । यस समयदेखि मसँग व्यवस्थापन, साउदी सरकार, राष्ट्रपति र खेलकुद मन्त्रालयसँग राम्रो समन्वय रह्यो,’ प्रशिक्षक रेनार्डले भने ।

‘हामीले तीन हप्ताअघि हाम्रा राजकुमारलाई भेटेका थियौ । हामीलाई राम्रो गर्न शुभकामना दिनुभएको थियो । हामीले धेरै राम्रो तयारी गरेका थियौं र यो नतिजा त्यसकै परिणाम हो,’ उनले थपे ।

‘यो नबिर्सनुहोस् कि अर्जेन्टिना अझै पनि उत्कृष्ट टोली हो । तिनीहरू ३६ मा कुनै पनि खेल नहारीकन यहाँ आएका थिए र तिनीहरू दक्षिण अमेरिकी च्याम्पियन हुन् । उनीहरूसँग अद्भुत खेलाडीहरू छन्, तर यो फुटबल हो,’ रेनार्डले टुंग्याए ।

April 23, 2024

महिला लिग छनोटमा लुम्बिनीको पहिलो जित

सुर्खेत (हाम्रो खेलकुद) – लुम्बिनी प्रदेशले महिला लिग छनोटमा पहिलो जित हासिल गरेको छ । उत्कृष्ट पूनरागमन गर्दै लुम्बिनीले मंगलबार बागमती प्रदेशलाई ३–१ को नतिजामा माथ दिएको हो । सर्खेतस्थित कर्णाली प्रदेश रंगशालामा भएको खेलमा पहिलो अग्रता बागमतीले बनायो। २४औं मिनेटमा सुमित्रा तामाङको गोलमा बागमती अगाडि लागेको थियो । तर यो अग्रता खेलको ४०औं मिनेटमा […]

April 23, 2024

आदर्श च्यालेन्ज कप – आदर्श र ध्रुवताराबीच उद्घाटन खेल हुने

हिमाल खरेल, मेचीनगरझापाको बुद्धशान्तिमा शनिबार सुरु हुने तेस्रो आदर्श च्यालेन्ज कप फुटबल प्रतियोगिताको खेल तालिका सार्वजनिक भएको छ । खेल मैदान बुद्ध आदर्श माविको सभाहलमा आज भएको पत्रकार सम्मेलनमा खेल तालिका सार्वजनिक भएको हो । खेल तालिकाअनुसार उद्घाटन खेलमा आयोजक आदर्श युवा क्लबले दमकको ध्रुवतारा स्पोर्टिङ क्लबको सामना गर्नेछ । त्यस्तै, दोस्रो खेल आइतबार बिर्तामोड […]

April 23, 2024

बेलिङहमले जिते ब्रेकथ्रु अवार्ड

एजेन्सी – इङ्ल्यान्ड तथा स्पेनिस क्लब रियल म्याड्रिडका युवा मिडफिल्डर जुड बेलिङहमले अवार्ड जितेका छन् । बेलिङहमले सन् २०२४ को लौरेस वल्ड स्पोर्ट्स ब्रेकथ्रु अफ द इयर अवार्ड जितेका हुन् । गत समरमा जर्मन क्लब बोरुसिया डर्टमुन्डबाट ८९ मिलियन पाउण्डमा रियल आएका २० वर्षीय बेलिङहम क्लबका लागि महत्वपूर्ण खेलाडी बनेका छन् । उनले आइतबार एल […]

Success

Thank you for your time.