एजेन्सी – ब्राजिलका महान खेलाडी पेलेको क्यान्सरको तह बढ्दै गइरहेको अस्पतालले जनाएको छ । ८२ वर्षीय पेलेको तीन साताभन्दा लामो समयदेखि उपचार भइरहेको छ ।

तीन पटकको विश्वकप विजेता तीन साताभन्दा बढी समयदेखि अस्पतालमा रहेपछि उनकी छोरीले सामाजिक सञ्जालमा क्रिसमस अस्पतालमै बिताउने बताएकी छन् ।

अस्पताल इजरायलिटा अल्बर्ट आइन्स्टाइनले ‘पेलेको क्यान्सरको तह बढ्दै गइरहेको र मृगौला र हृदय रोगसँग सम्बन्धित थप हेरचाह चाहिने बताएको छ ।’ सेप्टेम्बर २०२१ मा पेलेको पेटबाट ट्युमर हटाइएको थियो र त्यसपछि नियमित उपचार भइरहेको छ । ‘हाम्रो घरमा क्रिसमस निलम्बित गरिएको छ ।’ पेलेकी छोरी केली नासिमेन्टोले इन्स्टाग्राममा लेखेकी छिन् ।

उनी भर्ना भएलगत्तै, साओ पाउलोको अस्पतालले पेलेलाई श्वासप्रश्वासको संक्रमण हेरचाहको उपचारमा राम्रो प्रतिक्रिया आएको’ र उनले ‘केमोथेरापी उपचार भइरहेको छ ।

पेले ९२ खेलमा ७७ गोलसहित आफ्नो देशको सबैभन्दा धेरै गोलकर्ता हुन् रआफ्नो देशलाई १९५८, १९६२ र १९७० मा विश्वकप जिताउन मद्दत गरेका थिए । पेलेकाे ७७ गाेलकाे कीर्तिमानलाई नेयमारले क्राेएसियािविरुद्व एक गाेल गर्दै कीर्तिमान भेट्टाएका छन् ।

ब्राजिलका खेलाडीहरूले २०२२ को विश्वकपमा दक्षिण कोरियामाथि अन्तिम १६ मा ४–१ जित निकालेपछि पेलेको स्वास्थ्यलाभको कामना गर्दै उनको नाम र तस्विरसहितको ब्यानर प्रदर्शन गरिएको थियो ।