एजेन्सी – इंग्लिस क्लब म्यानचेस्टर सिटीका प्रशिक्षक पेप गुआर्डीओलाले च्याम्पियन्स लिग जित्न असफल भएमा क्लबमा आफ्नो समय ‘पूर्ण नहुने’ बताएका छन् ।

गुआर्डीओलाले कतारमा विश्वकप जारी रहँदा प्रिमियर लिग क्लब म्यानचेस्टर सिटीसँगको सम्झौता नविकरण गरेका छन् । उनी २०२५ सम्म सिटीमा रहनेछन् ।

सन् २०१६ मा प्रशिक्षक बने यता सिटीले ९ वटा प्रमुख उपाधि जितेपनि अहिलेसम्म च्याम्पियन्स लिगको उपाधि जित्न सकेको छैन । सिटी २०२१ मा च्याम्पियन्स लिग जित्ने सबैभन्दा नजिक पुगेपनि फाइनलमा प्रिमियर लिग प्रतिद्धन्द्धी चेल्सीसँग १–० ले पराजित हुन पुग्यो ।

गत सिजनको सेमिफाइनलमा रियल म्याड्रिडसँग पराजित भएको सिटी तीन पटक क्वार्टरफाइनल चरणबाट बाहिरिएको थियो । मोनाकोसँग अन्तिम १६ को हारबाट गुआर्डीओलाले सिटीको प्रशिक्षण सम्हालेका थिए ।

‘यो एक मात्र होइन तर म स्वीकार्छु कि यो हामीले चाहेको ट्रफी हो र यदि हामीले यो जितेनौं भने मेरो अवधि पूरा हुनेछैन ।’ गुआर्डीओलाले भने, ‘म सँगै भएको समयमा सबै कुरा गर्नेछु तर म पहिले पनि त्यही भन्न चाहन्छु । यो हामीसँग नभएको ट्रफी हो र हामी यसलाई गर्ने प्रयास गर्नेछौं । मलाई विश्वास छ । ढिलै पनि हामी जित्न सक्छौं ।

सिटीले यस सिजनको अन्तिम १६ मा जर्मन क्लब आरबी लाइप्जिगसँग खेल्दैछ । यो सिजन, सिटीले लगातार तीन सिजनमा इङ्लिस उपाधि जित्ने पाँचौं क्लब बन्ने लक्ष्य राखेको छ र बिहीबार उसले इएफएल कपको चौथो राउण्डमा लिभरपुलसँग खेल्दैछ ।

गुआर्डीओलाले चार पटक त्यो ट्रफी जितेका छन् । उनले ब्रायन क्लाउ, सर एलेक्स फर्गुसन र जोसे मौरिन्होले प्रतियोगिताको इतिहासमा सबैभन्दा सफल व्यवस्थापकको रूपमा बराबरी गरिसकेक छन् ।

नाथन एके, म्यानुएल एकान्जी र रोड्री, एमेरिक लापोर्टेले यसै साता क्लबसँग प्रशिक्षण गरिसकेका छन् । केभिन डि ब्रएना, इल्के गुन्डोगन, एर्लिङ ब्राउट हालान्ड र रियाद महरेज यसअघि नै टोलीमा छन् । ‘हाम्रो खेलाडीहरु चरणबद्ध रुपमा फर्किएका छन् ।’ गुआर्डीओलाले भने, ‘हामी खुसी छौं कि तिनीहरू फर्किएका छन् । विश्वकपमा खेलेका खेलाडीहरू भन्दा राम्रो अवस्थामा छन् ।’

गुआर्डीओलाले २२ वर्षीय अर्जेन्टिनी फरवार्ड जुलियन अल्भारेजको प्रशंसा गरे, जो यस महिना कतारमा देशको विश्वकप जित्दा अर्जेन्टिनाका उत्कृष्ट स्टार मध्ये एक थिए । उनले बार्सिलोनामा ठूलो सफलता पाएका लियोनेल मेस्सी र पूर्व सिटी डिफेन्डर निकोलस ओटामेन्डीको पनि प्रशंसा गरे ।

‘हामी जुलियनको लागि खुसी छौं, उसले धेरै राम्रो खेल्यो, उसको योगदान टोलीको लागि अद्भुत थियो ।’ सिटी प्रशिक्षकले गुआर्डीओलाले भने, ‘हाम्रो टोलीमा विश्व च्याम्पियन छ । हामी खुसी छौं । अल्भारेज, ओटामेन्डी र व्यक्तिगत रूपमा मेस्सीलाई बधाई छ ।’