1 year ago
December 27, 2022
एजेन्सी – इंग्लिस प्रिमियर लिगको शीर्षस्थानमा रहेको आर्सनलले सानदार पूनरागमन जित निकालेको छ । घरेलु मैदानमा १–० ले पछि परेको स्थिति उल्ट्याएर आर्सनलले वेस्ट ह्याम युनाइटेडमाथि ३–१ को सानदार पूनरागमन जित निकालेको हो ।
आर्सनलको पूनरागमन जितमा बुकायो साका, गाब्रिएल मार्टिनेली र इडवार्ड एनकेइटाले गोल गरे । वेस्ट ह्यामका सेड बेनरहमाको गोल सान्त्वना बन्यो ।
इमिरेट्स स्टेडियमा लन्डनमा सोमबार राति भएको खेलको २७औं मिनेटमा सेड बेनरहमाको गोलबाट आर्सनल पहिलो हाफमा १–० ले पछि परेको थियो ।
पहिलो हाफमा पछि परेको आर्सनलले दोस्रो हाफमा सानदार प्रदर्शन गर्दै पूनरागमन गर्दै जित निकाल्न सफल भयो । ५३औं मिनेटमा बुकायो साकाले मार्टिन ओडेगार्डको पासमा गोल गर्दै खेललाई १–१ गोलको बराबरीमा ल्याए ।
५८औं मिनेटमा गाब्रिएल मार्टिनेलीले गोल गर्दै आर्सनललाई २–१ को अग्रता दिलाए । उनले ग्रानिट झाँकाको पासमा गोल गर्न सफल भएका थिए ।
त्यसपछि ६९औं मिनेटमा इडवार्ड एनकेइटाले गोल गर्दै आर्सनललाई सहज जिततर्फ अघि बढाए । उनले कप्तान मार्टिन ओडेगार्डकै पासमा गोल गर्न सफल भएका थिए । त्यसपछि थप गोल निस्कन नसक्दा आर्सनल विजयी हुन सफल भयो ।
यस जितसँगै शीर्षस्थानमा आर्सनलले ७ अंकको अग्रता बनाएको छ । आर्सनलले एक खेल बढी खेलेको न्यूक्यासल युनाइटेडलाई ७ तथा एक खेल कम खेलेको म्यानचेस्टर सिटीलाई ८ अंकले पछि पारेको छ ।
आर्सनलको १५ खेलबाट ४० अंक पुगेको छ । आर्सनलले १३ जित र समान एक बराबरी र हारको नतिजा निकालेको छ । १६ खेल खेलेको न्यूक्यासलको ३३ तथा १४ खेल खेलेको सिटीको ३२ अंक छ । पराजित वेस्ट ह्याम १४ अंक जोडेर १६औं स्थानमा छ ।
अन्य नतिजा
ब्रेन्टफर्डविरुद्ध टोटेनहम (२–२)
क्रिस्टल प्यालेसविरुद्ध फुलहम (०–३)
एभर्टनविरुद्ध वल्भ्स (१–२)
लेस्टरविरुद्ध न्यूक्यासल (०–३)
साउथह्याम्टनविरुद्ध ब्राइटन (१–३)
एस्टन भिल्लाविरुद्ध लिभरपुल (१–३)
May 17, 2024
एजेन्सी – पोर्चुगिज भेट्रान फुटबल स्टार क्रिस्टियानो रोनाल्डो बेलायती म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा रहेका छन् । उनी आफ्नो करिअरमा चौथोपटक म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा पुगेका हुन् ।गत वर्ष साउदी अरेबियाको अल नासर गएपछि रोनाल्डो यो सुचीको शीर्षस्थानमा थिए । यसवर्ष पनि उनी शीर्षस्थानमा रहेका हुन् […]
May 17, 2024
एजेन्सी – स्पेनिस युवा विंगर फर्मिन लोपेजको दुई गोल मद्दतमा बार्सिलोनाले स्पेनिस ला लिगामा सहज जित दर्ता गरेको छ । बार्सिलोनाले रेलिगेसनमा परिसकेको घरेलु टोली अल्मेरियामाथि २–० को सहज जित दर्ता गरेको हो । फर्मिनले दुवै हाफमा गोल गर्दै बार्सिलोनालाई जित दिलाए । अल्मेरियामा बिहीबार राति भएको खेलको १४औं मिनेटमा पहिलो गोल गरेका लोपेजले ६७औं […]
May 16, 2024
ललितपुर (हाम्रो खेलकुद) – चन्द्रागिरी नगरपालिका र काठमाडौं महानगरपालिका प्रथम गोदावरी उपत्यका ब्यापी अन्तर पालिका मेयर कप फुटबल प्रतियोगिताको उपाधिका लागि भिड्ने भएका छन् । च्यासल मैदानमा बिहीबार चन्द्रागिरीले महालक्ष्मी नगरपालिकालाई तथा काठमाडौंले मध्यपुर थिमि नगरपालिकालाई हराउँदै एकअर्कासँगको भेट पक्का गरेका हुन् । पहिलो सेमिफाइनलमा चन्द्रागिरीले महालक्ष्मीलाई १–० ले हराएको हो । ५५ औं मिनेटमा […]