पोखरा, (हाम्रो खेलकुद) – काजी पोखरीलाई टाई व्रेकरमा ३–२ ले हराउँदै नेपाली सेना पश्चिम पृतनाले प्रथम सेभेन ए साइड फुटबल प्रतियोगिताको उपाधि जितेको छ । उपाधि संगै नेपाली सेनाले १ लाख २५ हजार ५ सय ५५ रुपैयाँ प्राप्त गर्यो ।

शुक्रबार अमरसिंह मैदानमा भएको फाइनल खेलमा काजी पोखरीले खेलको १६औं मिनेटमा अग्रता लिए पनि सेनाले पहिलो हाफको इन्जूरी समयमा गोल फर्काउदै खेल बराबरी ल्यायो । दोस्रो हाफमा दुुवै टोलीबाट गोल हुन सकेन र खेल टाई ब्रेकरमा गएको थियो । टाइ ब्रेकरमाकाजी पोखरीका खेलाडीले सुरुवाती पेनाल्टीनैे खेरा फाले पछि नेपाली सेना पश्चिम पृतनालेकाजी पोखरीलाई टाइव्रेकरमा ३–२ ले पराजित गरेको हो ।

काजी पोखरीले ७५ हजार ५ सय ५५ रुपैयाँ पायो । प्रतियोगिताको उत्कृष्ट खेलाडी सेनाका खेलाडी सन्तोष गुरुङ्ग घोषित भए भने सार्बाधिक गोलकर्ता तारा एफ सिका सामसुङ्ग भए । त्यस्तै अनुशासित टीम अक्सिजन लेकसाईडले हात पा¥यो । प्रतियोगिताको उत्कृष्ट मिडफिल्डर काजी पोखरीका किरण दुरा भए । एलजी एशोशियसनका अजित गुरुङ्ग प्रतियोगिताका उत्कृष्ट खेलाडी चुनिए ।
प्रतियोगिताका बिजेता र उपबिजेता टीम र खेलाडीहरुलाई पश्चिम पृतनाका उपरथि जगदिश चन्द्र पोख्रेल, खम गुरुङ्ग,भरत के सी, ओम स्नेत, लाली गुराँस एशोशियसनका अध्यक्ष डम्बर जंग गुरुङ लगायतले पुरस्कार वितरण गरेका थिए ।