लण्डन (एजेन्सी) – घरेलु मैदानमा म्यान्चेस्टर सिटिलाई सानो अन्तरले हराउदै लिभरपुलले दोस्रो स्थानमा ४ अंकको अग्रता बनाएको छ ।
विइलान्डमको पहिलो हाल्फमा गरेको ८ मिनेटको शानदार हेडरमा गरेको गोल निर्णायक हुँदा लिभरपुलले प्रीमियर लिगमा लगातार चौथो जित हासिल गरेको हो । पहिलो स्थानमा रहेको चेल्सी १३ खेलमा जित हासिल गर्दै लिभरपुल भन्दा ६ अंकको अग्रतामा छ ।
फर्ममा रहेका लालानाको देब्रे पट्टिको पासमा हेडर मार्फत जाली चुमाउदै विइलान्डमले गरेको गोल लिभरपुललाई सिटि भन्दा ४ अंक अगाडी बढ्न काफी रह्यो । दोस्रो हाल्फमा सिटिले गोल फर्काउन धेरै प्रयास गर्यो र लिभरपुल काउन्टर एयाट्याकमा सक्रीय रह्यो तर दुबै तर्फबाट गोल हुन नसक्दा खेल १-०मा टुङियो ।
