लण्डन (एजेन्सी) – माटा र इब्राहिमोबिकको गोलले युनाइटेडले १० खेलाडिमा सिमित वेस्टह्याम युनाइटेडमाथी २-० को जित हासिल गर्दै प्रिमियर लिगमा लगातार छैटौं जित हासिल गरेको छ ।

पहिलो खेल खेलेका  सोफिएन फेगौलिले १५ मिनेटमा फिल जोन्समाथिको ट्याकलमा रातो कार्ड पाएपछी वेस्ट ह्याम  १० खेलाडिमा सिमित भएको थियो । दोस्रो हाल्फको ६३ मिनेटमा गोल गर्दै माटाले युनाइटेडलाई अग्रता दिलाए । त्यस्तै ७८ मिनेटमा अर्को गोल गर्दै इब्राहिमोबिकले युनाइटेडको जित पक्का गरे ।

लगातार छैटौ जित दर्ता गरेको युनाइटेड ३९ अंक सहित छैटौ स्थानमा छ । तेस्रो स्थानमा रहेको सिटिभन्दा ३ अंक कम र १ खेल बढी खेल्दै चौथो आर्सनल भन्दा युनाइटेड १ अंक तल छ ।