1 year ago
April 7, 2023
काठमाडौं (हाम्रो खेलकुद) – फरवार्ड कोफी कोउडुको दुई गोलमा मनाङ मर्स्याङ्दी क्लबले सहिद स्मारक ए डिभिजन लिगमा फ्रेन्ड्स क्लबलाई पराजित गरेको छ । च्यासल मैदानमा मनाङले २-० को जित दर्ता गरेको हो ।
खेलको सुरुवातमा फ्रेन्ड्सले पाएको अवसर सदुपयोग गर्न सकेन । त्यसपछि मनाङले लगातार दवाव कायम गर्दै अग्रता लियो । दोस्रो हाफको सुरुवातमै मनाङले अग्रता दोब्बर पार्यो । मनाङमका मिडफिल्डर कमल थापा घाइते भएपछि फ्रेन्ड्सले केहि अवसर सिर्जना गरेको थियो । तर फ्रेन्ड्स गोल फर्काउन पटक पटक चुकेपछि मनाङ जित दर्ता गर्न सफल रह्यो ।
यस जितसँगै मनाङले ६ खेलमा ४ जित र २ बराबरीका साथ १४ अंक जोडेको छ । यता फ्रेन्ड्स भने ६ खेलमा ४ अंकसाथ रेलिगेसनको डरमा छ ।
पाँचौ मिनेटमा फ्रेन्ड्सका कप्तान प्रकाश बुढाथोकीले पेनाल्टी क्षेत्र बाहिरबाट गरेको शक्तिशाली हाफ भलीलाई गोलरक्षक तथा कप्तान दिप कार्कीले विफल पारे । त्यसअघि भारतीय फरवार्ड उत्तम राईको प्रहार पनि गोल हुन सकेन ।
१८ अौं मिनेटमा मनाङले पनि अग्रता लिने अवसर सदुपयोग गर्न सकेन । सुमित श्रेष्ठले बाँया विंगबाट निर्माण गरेको उत्कृष्ट मुभलाई टोगोका फरवार्ड कोफी टिमोथी कोउडुले सदुपयोग गर्न सकेनन् । उनको हेडर पोस्टभन्दा बाहिर गएको थियो ।
२८ अौं मिनेटमा मनाङका लागि रोशन राना मगरको प्रहार पोस्ट नजिकबाट बाहिरियो । कमल थापाले डिफेन्स लाइन चिर्दै दिएको पासलाई रोशनले पेनाल्टी क्षेत्र भित्र दायाँ भागमा पाए । अफसाइड ट्र्याप बिट गरेपछि उनको अन्तिम प्रहारमा गोलरक्षक बिट भएपनि पोस्टबाट समेत बाहिरियो ।
खेलको ३५ अौं मिनेटमा मनाङले अग्रता लियो । कोउडुले पेनाल्टी क्षेत्र बाहिरबाट गरेको प्रहार मनाङकै पूर्व गोलरक्षक विशाल सुनारलाई बिट गर्दै बटम कर्नरमा गोल भएको थियो । पेनाल्टी क्षेत्र बाहिर फ्रेन्ड्सले पोसेसन गुमाएपछि गोलको अवसर सिर्जना भएको थियो ।
४२ अौं मिनेटमा कोफीकै प्रहारलाई गोलरक्षक विशालले विफल पारे । ४४ अौं मिनेटमा टोरिच जेब्रिनले पेनाल्टी क्षेत्र बाहिरबाट गरेको प्रहार गोलरक्षक दिपले मुस्किलले बचाए ।
दोस्रो हाफको सुरुवातमै मनाङले अग्रता दोब्बर पार्यो । कोफीले सुमित श्रेष्ठले दिएको पासलाई ६ यार्ड बक्स अगाडिबाट गोल गरे । काउन्टर अट्याकमा दीपले दिएको पासलाई रणदिप पौडेलले मिडफिल्डबाट सुमितलाई दिए । सुमितले बल पेनाल्टी क्षेत्र भित्र लगेर अन्तिम पास दिँदा गोलरक्षक र डिफेन्स बिट भएपछि कोफीले सहज फिनिस गरे ।
६१ अौं मिनेटमा कमल थापाको प्रहार पोस्टमा लाग्दा मनाङले अग्रता बढाउन सकेन । पेनाल्टी क्षेत्रको दायाँ भागबाट उनले आउटसाइड फुटले गरेको प्रहार पोस्टमा लागेको थियो ।
७७ अौं मिनेटमा मिडफिल्डर कमल थापा घाइते हुँदा उनलाई स्ट्रेचरमा बाहिर लग्नुपरेको थियो । ८० अौं मिनेटमा फ्रेन्ड्सका उत्तमको क्रसमा रफिक अमिनुको हेडर पोस्टभन्दा थोरै परबाट गयो । ९० अौं मिनेटमा श्याम बाबु क्यापछाकीको कर्नरमा उत्तमको हेडर बाहिरियो ।
इन्ज्युरी समयमा मनाङका जिवन गुरुङको प्रहार गोलरक्षक विशालले विफल पारे ।
May 13, 2024
काठमाडौं (हाम्रो खेलकुद) – एएफसी क्लब लाइसेन्स पाएसँगै चर्च ब्वाइज युनाइटेडले एएफसि प्रतियोगिता खेल्न बाटो खुलेको छ । अखिल नेपाल फुटबल संघ (एन्फा) ले सोमबार घोषणा गरेसँगै गत सिजनको लिग विजेता चर्च ब्वाइजले महादेशीय प्रतियोगिता खेल्न योग्य भएको हो । एन्फाले सोमबार सार्वजनिक गरेअनुसार चर्च ब्वाइज युनाइटेड र त्रिभुवन आर्मी फुटबल क्लबले आवश्यक मापदण्ड पूरा […]
May 13, 2024
एजेन्सी – पेरिस सेन्ट जर्मेन (पिएसजी) किलियन एमबाप्पेको गोलका बाबजुद पराजित भएको छ। फ्रान्सेली च्याम्पियन पिएसजी आइतबार टुलुजसँग ३-१ गोलले पराजित भएको हो । पिएसजी छोड्ने घोषणा गरिसकेका एमबाप्पेले खेलको आठौं मिनेटमा गोल गरेका थिए। तर टुलुजका थिज्स डलिङ्गाबाट १३ औं मिनेटमा बराबरी गोल फर्काए । यान गोबोहोको गोलबाट टुलुजले ६८ औं मिनेटमा अग्रता लिएको […]
May 12, 2024
एजेन्सी – म्यानचेस्टर युनाइटेडलाई हराउँदै आर्सनल इंग्लिस प्रिमियर लिगको शीर्षस्थानमा पुनः उक्लिएको छ । युनाइटेडको घरेलु मैदानमा आइतबार भएको खेलमा आर्सनलले १-० को जित दर्ता गर्दै तालिकाको शीर्षस्थानमा उक्लिन सफल भएको हो । आर्सनलको जितमा लियान्द्रो ट्रोसार्डले २०औं मिनेटमा खेलको एकमात्र गोल गरे । काई हाभेर्ट्जको पासमा ट्रोसार्डले बक्स भित्रबाट गोल गरेका थिए । सोही […]