1 year ago
April 27, 2023
काठमाडौं (हाम्रो खेलकुद) – सहिद स्मारक ए डिभिजन लिगको रेलिगेसनबाट जोगिने संघर्षमा रहेको नेपाल पुलिस क्लबले फुटबल क्लब खुमलटारलाई पराजित गरेको छ । दशरथ रंगशालामा विहीबार पुलिसले ३-१ को जित दर्ता गर्यो । विभागीय टोलीको जितमा अहमद हिजाजीले २ र मोजेस टुम ग्याबाले १ गोल गरे । सिजनको तेस्रो जितसँगै पुलिस १३ खेलमा १२ अंक […]
काठमाडौं (हाम्रो खेलकुद) – सहिद स्मारक ए डिभिजन लिगको रेलिगेसनबाट जोगिने संघर्षमा रहेको नेपाल पुलिस क्लबले फुटबल क्लब खुमलटारलाई पराजित गरेको छ । दशरथ रंगशालामा विहीबार पुलिसले ३-१ को जित दर्ता गर्यो ।
विभागीय टोलीको जितमा अहमद हिजाजीले २ र मोजेस टुम ग्याबाले १ गोल गरे । सिजनको तेस्रो जितसँगै पुलिस १३ खेलमा १२ अंक जोड्दै पुछारमै अवस्थित छ । खुमलटार १३ खेलमा ४ जित र १ बराबरीसहित १३ अंकका साथ १२ औं स्थानमै छ ।
खेलको २७ औं मिनेटमा पुलिसका लागि अहमद हिजाजीले गोल गरे । कर्नरमा मोजेस ग्याबाको हेडर गोलरक्षक देव लिम्बुले बचाएपछि ६ यार्ड बक्सभित्रबाट हिजाजीले लिगको पहिलो व्यक्तिगत गोल गरे ।
५४ औं मिनेटमा खुमलटारका मेसुके ओलोमोउले बराबरी गोल फर्काए । पेनाल्टी क्षेत्रभित्र क्लियर हुन नसकेको बललाई मेसुकेले शक्तिशाली प्रहारमार्फत गोल गरे ।
८४ औं मिनेटमा मोजेसले पुलिसलाई अघि बढाए । सर्ज डिकाको पासलाई मोजेसले पेनाल्टी क्षेत्र बाहिरबाट गोलमा परिणत गरेका थिए । मिडफिल्डमा सान्विल डी कोस्टाले बल गुमाएपछि सर्जले पहिलो टचमै दिएको पासलाई मोजेसले सदुपयोग गरे ।
इन्ज्युरी समयमा पुलिसका हिजाजीले पेनाल्टीमा गोल गर्दै जित पक्का गरे । गोलरक्षक देव लिम्बूले लडाएपछि उनले पेनाल्टी पाएका थिए ।
यसअघि दिनको पहिलो खेलमा फ्रेन्ड्स क्लब र नेपाल एपिएफ क्लबले १-१ को बराबरी खेलेका थिए ।
May 2, 2024
दिपक बोहरा, पाँचथर दुई महिना अघि फिदिममा भएको चौथो पाँचथर गोल्ड कप प्रतियोगिताको हिसाब सार्वजनिक गरिएको छ । आयोजक पाँचथर क्लबले बुधबार फिदिममा पत्रकार सम्मेलन गर्दै प्रतियोगिताको आयव्यय सार्वजनिक गरेको हो । फिदिममा फागुन १२ गतेबाट १९ गते सम्म चलेको प्रतियोगितामा ४६ लाख ६४ हजार ६ सय ६० रुपैयाँ आम्दानी भएको थियो। त्यसमा ७ लाख […]
May 2, 2024
एजेन्सी – युरोपेली च्याम्पियन्स लिगको दोस्रो सेमिफाइनलको पहिलो लेगमा जर्मन टोली बोरुसिया डर्टमुण्डले अग्रता लिएको छ । घरेलु मैदानमा बुधबार भएको पहिलो लेगमा डर्टमुण्डले फ्रेन्च टोली पेरिस सेन्ट जर्मेन (पिएसजी) लाई १-० हराएको छ । डर्टमुण्डको जितमा स्ट्राइकर निकलास फुलक्रुगले खेलको ३६औं मिनेटमा गोल गरे । डिफेन्स लाइनबाट निको श्लोटरबेकले दिएको उत्कृष्ट पासमा अफसाइड ट्र्याप […]
May 1, 2024
एजेन्सी – युरोपेली च्याम्पियन्स लिग अन्तर्गत दोस्रो सेमिफाइनलको पहिलो लेगमा आज राती बोरुसिया डर्टमुण्ड र पेरिस सेन्ट जर्मान (पिएसजी) भिड्दै छन् । राती १२:४५ बजे सुरु हुने खेल डर्टमुण्डको घरेलु मैदान सिग्नल इडुना पार्कमा सुरु हुनेछ । यी दुवै टोली यसै सिजन च्याम्पियन्स लिगको एकै समूहमा रहेका थिए । समूह चरणको दुई खेल मध्य एक […]
