default_image

2 years ago

April 29, 2023

वर्षाले रोकिएको ‘ए’ डिभिजन लिगका दुई खेल भोली हुने

125 views

0 Bookmark

काठमाडौं (हाम्रो खेलकुद) – भारी वर्षाका कारण रोकिएको सहिद स्मारक ‘ए’ डिभिजन लिग अन्तरगत शनिबारको दुवै खेल भोलि (आइतबार) हुने भएको छ ।

भारी वर्षाका रंगशालामा हिमालयन शेर्पा क्लब र विभागीय त्रिभुवन आर्मी क्लबबीचको तथा च्यासलमा संकटा क्लब र जावलाखेल युथ क्लबबीचको खेल रोकिन पुगेको छ ।

अखिल नेपाल फुटबल संघ (एन्फा) ले शनिबार रोकिएको दुई खेल रोकिएको समयबाटै आइतबार शुरु हुने बताएको छ । शेर्पा र आर्मीबीचको खेल सोमबार दिउँसो ४ः३० बजेपछि हुने एन्फाले जनाएको छ । यस्तै संकटा र जावलाखेलबीचको खेल एन्फा कम्प्लेक्समा दिउँसो १ बजेपछि हुनेछ ।

त्रिपुरेश्वरस्थित दशरथ रंगशालामा हिमालयन शेर्पा क्लब विभागीय त्रिभुवन आर्मी क्लबबीचको खेल भारी वर्षापछि बल नै गुड्न नसक्ने भएपछि खेल रोकिन पुगेको थियो ।

खेलको ७२औं मिनेटम चलिरहँदा रेफ्री कविन व्यन्जनकारले खेललाई रोकेका हुन् । ७२औं मिनेटको खेलसम्म शेर्पा र आर्मीले १–१ गोलको बराबरीमा छ ।

खेलको ३६ सेकेन्डमा नै नवयुग श्रेष्ठले गोल गर्दै आर्मीलाई १–० को अग्रता दिलाए । जिलेस्पी जंग कार्कीले दुई डिफेन्डरलाई बिट गर्दै दिएको क्रसमा नवयुगले क्लोज रेन्जबाट हेडरमार्फत गोल गर्न सफल भए । जारी लिगमा यो सबैभन्दा छिटो गोल हो । यसअघि सातदोबाटोका दीपक राज सिंह ठकुरीले शेर्पाविरुद्ध नै ४६ सेकेन्डमा गोल गरेका थिए ।

२१औं मिनेटमा मुताम्वा पिस्टोनको प्रहार पहिलो बार च्याप्दै थोरै बाहिरिदा शेर्पा बराबरीबाट चुक्यो । २५औं मिनेटमा मिलन राईको वान भर्सेस प्रहारलाई गोलरक्षक विकेशले विफल पारे । २९औं मिनेटमा एबायोमी फकुन्लेको पेनाल्टी बक्सबाहिरको सशक्त प्रहारलाई गोलरक्षक विकेशले पञ्च गर्दै बचाए ।

५५औं मिनेटमा कप्तान विश्वास श्रेष्ठले फ्रिकिकमा सिधै गोल गर्दै खेलर्ला १–१ गोलको बराबरीमा ल्याए । भरत चौधरीले सुशिल राईलाई फउल गरेपछि झन्डै ३५ यार्डमा प्राप्त फ्रिकिकमा विश्वासको प्रहार वान बाउन्स हुँदै गोलमा परिणत हुँदा आर्मीका गोलरक्षक विकेशले बचाउने प्रयास गरेपनि सफल हुन सकेन ।

यस्तै च्यासल रंगशालामा संकटा क्लब र जावलादेल युथ क्लबबीचको खेल पनि रोकिएको छ । ५१औं मिनेटमा रेफ्री प्रज्वल क्षेत्रीले खेललाई रोकेका छन् ।

उक्त खेलमा जावलाखेल १–० ले अघि छ । ३३औं मिनेटमा फोडे फोफानाले जावलाखेलका लागि गोल गरेका थिए । उनले फ्रिकिकबाट आएको बललाई हेडरमार्फत सदुपयोग गरेका थिए ।

आज हुने दोस्रो खेल साँझ ६ः३० बजे हुनेछ । नियमित तालिका अनुसार खेल ६ बजेका लागि तय थियो ।

February 8, 2025

अन्तरपालिका महिला फुटबल – बिर्तामोडको सानदार सुरुवात

हिमाल खरेल,बिर्तामोड सुनकला राईको ४ गोल मद्दतमा आयोजक बिर्तामोड नगरपालिकाले प्रथम झापा अन्तरपालिका महिला फुटबल प्रतियोगितामा सानदार सुरुवात गरेको छ । बिर्तामोडको डोमालाल राजवंशी रंगशालामा शनिवार उद्घाटन खेलमा बिर्तामोडले छिमेकी पालिका बुद्धशान्ति गाउँपालिकालाई ५-० गोल हरायो । एकोहोरो दबाब सिर्जना गरेको खेलमा बिर्तामोडका लागि सुनकलाले १० औं, १७ औं, १९ औंमा गोल गर्दैै ह्याट्रिक पूरा […]

February 8, 2025

एपिएफ ‘बी’ र ग्रिन भिलेजको बराबरी

काठमाडौं (हाम्रो खेलकुद)- कीर्तिपुरस्थित नेपाल एपिएफ स्कुलमा जारी दोस्रो अन्तर विद्यालय सशस्त्र प्रहरी महानिरीक्षक रनिङ ट्रफी फुटबल प्रतियोगितामा शनिवार आयोजक ‘बी’ टोली र ग्रिन भिलेज एजुकेशन फाउण्डेशनबिचको खेल २-२ बराबरीमा टुंगिएको छ। खेलमा ग्रिन भिलेजका स्वप्निल निल बस्नेतले गोल गर्दै आफ्नो टोलीलाई अग्रता दिलएका थिए । सो पछि ग्रिन भिलेजबाट आत्मघाती गोल उपहार दिएपछि खेल […]

February 8, 2025

प्लानिङ ब्वाइज फाइनलमा

हिमाल खरेल, बिर्तामो सहिद स्मारक ‘बी’ डिभिजन क्लब प्लानिङ ब्वाइज काठमाडौं झापाको बुद्धशान्तिस्थित जयपुरमा जारी आठौं नव ज्योति च्यालेन्ज कप फुटबल प्रतियोगिताको फाइनलमा प्रवेश गरेको छ । आज भएको अन्तिम सेमिफाइनल खेलमा आयोजक नव ज्योति युथ क्लबलाई १–० ले हराउँदै प्लानिङ ब्वाइज उपाधिनजिक पुगेको हो । प्लानिङ ब्वाइजका प्रताप राईले खेलको ५८ औँ मिनेटमा गरेको […]

Success

Thank you for your time.