default_image

1 year ago

May 4, 2023

गुरुङ मनाङको नयाँ मुख्य प्रशिक्षकमा नियुक्त

206 views

0 Bookmark

काठमाडौं (हाम्रो खेलकुद ) – ए डिभिजन लिगको सर्वाधिक सफल टोली मनाङ मर्स्याङ्दी क्लबले विष्णु गुरुङलाई मुख्य प्रशिक्षक नियुक्त गरेको छ ।


जारी लिगमा लगातार ६ खेलमा पराजित भएपछि किरण श्रेष्ठले राजीनामा दिएयता टोलीको मुख्य प्रशिक्षक पद रिक्त थियो।

गुरुङलाई चालू सहित दुई सिजनका लागि क्लबमा अनुबन्ध गरिएको मनाङले बिहीबार जानकारी दिएको छ । क्लबका अध्यक्ष विजय घले र मुख्य प्रशिक्षक गुरुङबीच सम्झौता पत्रमा हस्ताक्षर गरे ।

युवा प्रशिक्षकको नेतृत्वमा क्लबले आगामी दिन घरेलु र अन्तराष्ट्रिय फुटबलमा राम्रो नतिजा निकाल्ने विश्वास लिएकाे जनाएको छ । गण्डकीलाई आधार बनाएर घरेलु फुटबलमा योगदान गर्ने क्लबको उद्धेश्यमा गुरुङको नियुक्तिले थप टेवा पुग्ने विश्वास छ ।

गुरुङले पछिल्लो पटक संकटा क्लबलाई प्रशिक्षण दिएका थिए। छोटो समय राष्ट्रिय फुटबल टोलीको सहायक प्रशिक्षक रहिसकेका गुरुङको नेतृत्वमा हालै महिला यू १७ टोलीले एएफसी च्याम्पियनसिप छनोट खेलेको थियो।

क्लबका अध्यक्ष विजय घले भने, ‘घरेलु फुटबललाई विकेन्द्रिकरण गर्दै क्लबलाई व्यवसायीक बनाउने उद्धेश्यमा हामी दृढ छौं । नयाँ प्रशिक्षकको आगमनले क्लबले राष्ट्रिय र अन्तराष्ट्रिय क्लब फुटबलमा थप सफलता हासिल गर्नेमा विश्वस्त छु । मनाङ परिपक्क ढङ्गले घरेलु फुटबलमा पुरानो विरासतलाई माथि उठाउने योजनामा तयार छ ।’

मुख्य प्रशिक्षक गुरुङ भने, ‘यस क्लबबाट खेल्ने सधै धोको रहने गर्दथ्यो । अहिले आएर मुख्य प्रशिक्षकको रुपमा नेतृत्व गर्न पाउँदा खुसी छु । युवा प्रतिभाले भरिएको यति राम्रो टिम निर्माण गरिदिएकोमा किरण श्रेष्ठलाई धन्यवाद दिन चाहन्छु ।’
श्रेष्ठले छाडेपछिको पहिलो खेलमा बुधबार मनाङले त्रिभुवन आर्मी फुटबल क्लबलाई १-०ले हराएको थियो। सर्वाधिक ८ पटक ए डिभिजन लिगको उपाधि जितेको मनाङ यसपटक १४ खेलको समाप्तीमा आठौं स्थानमा छ ।

July 17, 2024

एनआरटी र चर्च ब्वाइजको जित

काठमाडौं (हाम्रो खेलकुद) – ललित स्मृति यु-१८ लिगमा बुधवार भएका खेलमा न्यूरोड टिम (एनआरटी) र चर्च ब्वाइज युनाइटेड विजयी भएका छन् । दिनको पहिलो खेलमा चर्च ब्वाइजले अमन बहादुर तामाङले ४५औं मिनेटमा गरेको गोलको मद्दतले थ्रीस्टार क्लब माथि १-० ले जित हात पारेको हो । जित सँगै चर्च ब्वाइजको २ खेलमा ३ अंक भएको छ […]

July 17, 2024

मोड्रिच रियलको नयाँ कप्तान

एजेन्सी – मिडफिल्डर लुका मोड्रिच स्पेनिस क्लब रियल म्याड्रिडको नयाँ कप्तान नियुक्त भएका छन् । क्लब सँग एक वर्ष सम्झौता नवीकरण गर्दै क्रोएसियन खेलाडी मोड्रिच क्लबको नयाँ कप्तान बनेका हुन् । गत सिजनको अन्त्यमा सकिएको सम्झौता मोड्रिचले १ वर्षका लागि नवीकरण गरेका हुन् । रियलका कप्तान नाचो क्लब छोडेर साउदी लिगमा गएसँगै कप्तानीको भूमिका खाली […]

July 17, 2024

रियलले भित्र्याउन खोजेको योरो युनाइटेड जाने

एजेन्सी – रियल म्याड्रिडले भित्र्याउन खोजेको फ्रेन्च डिफेन्डर लेनी याेरो म्यानचेस्टर युनाइटेड जाने लगभग पक्का भएको छ । विभिन्न युरोपेली सञ्चार माध्यमका अनुसार १८ वर्षीय योरो युनाइटेड जाने भएका हुन् । रियलले योरोका लागि करिब २० मिलियन युरोको प्रस्ताव गरेको थियो । अर्कोतर्फ युनाइटेडले ५० मिलियन युरो भन्दा बढीको प्रस्ताव गर्यो जुन रियलको भन्दा निकै […]

Success

Thank you for your time.