default_image

1 year ago

May 5, 2023

श्री मेहर गणलाई जेसिज कप फुटबल उपाधि

214 views

0 Bookmark

अर्जुन कार्की, बागलुङ

नेपाली सेनाको श्री मेहर गण घोडाबाधेले प्रथम अर्ना जेसिज कप २०२३ फुटबल प्रतियोगिताको उपाधि जितेको छ । वीर गोर्खाली युवा क्लबलाई शुक्रबार १–० ले हराउँदै श्री मेहरले उपाधि जितेको हो ।

३० औं मिनेटमा कप्तान पिताम्बर घर्ती मगरले गरेको गोल खेलको निर्णय बन्यो । वीर गोर्खालीका गोलकिपर अफ्रिन खेलाडी कौसाइ अगाडी बढेको अवस्थामा प्रकाश निरौलाले दिएको पासलाई कप्तान पिताम्बरले गोल गरेका हुन् । वीर गोर्खालीले दोस्रो हाफमा बराबरीको अवसर सदुपयोग गर्न सकेन । श्री मेहर गणले उपाधिसहित १ लाख ५० हजार र वीर गोर्खालीले ७५ हजार रुपैयाँ प्राप्त गर् ।

बागलुङ जेसिजले आयोजना गरेको प्रतियोगितामा बिधागत पुरस्कारमा वीर गोर्खालीका खेलाडीहरुको बर्चश्व रह्यो । वीर गोर्खालीका कप्तान संजिव अर्याल सर्वोत्कृष्ट खेलाडी, सशिल थापा मगर उत्कृष्ट स्ट्राइकर, एलेक्स उत्कृष्ट मिडफिल्डर, जोन उत्कृष्ट डिफेन्डर, श्री मेहर विप्लप गुरुङ उत्कृष्ट गोलरक्षक घोषित हुँदै पुरस्कृत भए ।

प्रतियोगितामा ५ गोल गरेका चिल्ड्रेन लाईफ स्पोट्र्स क्लबका जोन ग्लोरी सर्वाधिक गोलकर्ता बने भने कालिपुल युनाइटेड क्लब बेनीले अनुशासित टिमको उपाधि जित्यो । यस्तै क्वाटरफाइनल खेलमा भीमापोखरा खेलकुद विकास समिति विरुद्ध श्री मेहरका विकास मगरले गरेको गोल प्रतियोगिताकै सर्वोत्कृष्ट गोल चुनियो ।

प्रतियोगिताका विजेता उपविजेता टोलीका खेलाडीलाई बागलुङ नगरपालिकाका मेयर वसन्त कुमार श्रेष्ठ, बागलुङका प्रमुख जिल्ला अधिकारी रोशनी कुमारी श्रेष्ठ लगायतले पुरस्कार वितरण गरेका थिए । प्रतियोगितामा साविकको धौलागिरी अञ्चलका चार जिल्ला (बागलुङ, पर्वत, म्याग्दी र मुस्ताङ)का ११ टोलीको सहभागिता थियो ।

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.