default_image

10 months ago

May 8, 2023

विमल तीन साता मैदानबाहिर

काठमाडौं (हाम्रो खेलकुद) – मच्छिन्द्र फुटबल क्लबका स्टार फरवार्ड विमल घर्ती मगर चोटका कारण तीन साता मैदानबाहिर रहने भएका छन् । आइतबार एपिएफविरुद्ध खेलका दौरान दायाँ खुट्टामा चोट लागेपछि विमल विश्राममा रहने भएका हुन् । क्लबका फिजियोथेरापिस्ट सुरज भुषालका अनुसार विमलको दायाँ खुट्टाको एन्कलमा सेकेन्ड डिग्री स्प्रेन भएको छ । ‘एपीएफविरुद्ध खेलमा ल्यान्डिङ नमिल्दा चोट […]

190 views

0 Bookmark

काठमाडौं (हाम्रो खेलकुद) – मच्छिन्द्र फुटबल क्लबका स्टार फरवार्ड विमल घर्ती मगर चोटका कारण तीन साता मैदानबाहिर रहने भएका छन् । आइतबार एपिएफविरुद्ध खेलका दौरान दायाँ खुट्टामा चोट लागेपछि विमल विश्राममा रहने भएका हुन् ।

क्लबका फिजियोथेरापिस्ट सुरज भुषालका अनुसार विमलको दायाँ खुट्टाको एन्कलमा सेकेन्ड डिग्री स्प्रेन भएको छ । ‘एपीएफविरुद्ध खेलमा ल्यान्डिङ नमिल्दा चोट लागेको हो । सेकेन्ड डिग्री एन्कल स्प्रेन छ । विश्राम गर्नुपर्ने भएकाले नै स्ल्याब हालेर प्लास्टर गरेका छौं । अब तीन साता विश्राममा रहनेछन्,’ भुषालले भने ।

विमल एपिएफविरुद्ध खेलको पहिलो हाफमा कर्नरबाट हेडर प्रहार गरेपछि ल्यान्डिङ गर्ने क्रममा घाइते भएका थिए । उनले त्यसपछि केही समय मैदानमा खेल्ने प्रयास गरेपनि अत्यधिक दुखाइ भएपछि ३३ औं मिनेटमा मैदान छाडेका थिए ।

जारी सिजन विमलले लिगको सुरुवाती दुई खेल चोटका कारण खेल्न सकेका थिएनन् । विमल नखेलेको दुवै खेलमा मच्छिन्द्र पराजित भएको थियो । विमलको आगमनपछि टोली १२ मध्य ११ खेलमा अपराजित रहेको थियो । उनले १३ खेल सुरुवात गर्दै ४ गोल समेत गरेका थिए ।

विमलले प्रशिक्षक भिन्सेन्जो अल्बर्टो अनेसेको रणनीतिक प्रशिक्षणमा पनि स्थान बनाएका थिए । उनले साफ च्याम्पियनसिप खेल्ने टोलीमा स्थान बनाउने बलियो सम्भावना रहेको अवस्थामा यो चोटले त्यसमा ठूलो धक्का दिएको छ ।

विमलले अब तीन साता मैदानबाहिर रहेसँगै लिगको बाँकी खेल गुमाउने देखिन्छ । यसैपनि सुजल श्रेष्ठ र रंजित धिमाल पलायन भएपछि चेन्चो ग्याल्सेनको चोटले पिरोलिएको मच्छिन्द्रलाई विमलको अनुपस्थितिले लिग उपाधि रक्षा गर्न कठिन हुने भएको छ ।

March 1, 2024

एट्लेटिको मड्रिडलाई हराउँदै बिल्वाओ फाइनलमा

एजेन्सी – ला लिगा प्रतिद्धन्द्धी एट्लेटिको मड्रिडलाई पराजित गर्दै एथलेटिको क्लब बिल्वाओ कोपा डेल रेको फाइनला प्रवेश गरेको छ । सेमिफाइनलको दोस्रो लेगमा ३–० को तथा समग्रमा ४–० को जितसँगै बिल्वाओले फाइनलमा स्थान पक्का गरेको हो । पहिलो लेगमा बिल्वाओले १–० को जित निकालेको थियो । सान मेमेस बारिया, बिल्वाओ स्पेनमा बिहीबर राति भएको खेलमा […]

March 1, 2024

रोनाल्डोविना अल नासर रोकियो

एजेन्सी – कप्तान तथा स्टार भेट्रान फरवार्ड क्रिष्टियानो रोनाल्डो अनुपस्थित रहँदा ब्राजिली फरवार्ड एन्डर्सन टालिस्काको ह्याट्रिकका बावजुत अल नासर साउदी प्रो लिगमा रेलिगेसन क्षेत्रमा रहेको अल हाजिमसँग बराबरीमा रोकिएको छ । घरेलु मैदानमा अल नासर चार पटक अग्रता लिएरपनि त्यसलाई जोगाउन नसक्दा अल हाजिमसँग ४–४ गोलको बराबरीमा रोकिन पुगेको हो । अल नासरका लागि एक […]

March 1, 2024

साम्बा वाफकी सर्वाधिक गोलकर्ता

काठमाडौं (हाम्रो खेलकुद) – राष्ट्रिय महिला फुटबल टोलीकी फरवार्ड सावित्रा भण्डारी साम्बा बिहीबार साउदी अरेबियामा सम्पन्न पश्चिम एसियाली फुटबल महासंघ (वाफ) को सर्वाधिक गोलकर्ताको बनेकी छिन् । व्यवासयिक जिम्मेवारीका कारण फाइनल खेल्न नपाएकी साम्बाले सेमिफाइनलसम्ममा ९ गोल गरेकी थिइन् । सेमिफाइनलसम्म पहिलो रोजाईमा खेलेकी सम्बाले सिरियाविरुद्ध ४–१ को जितमा १ गोल गरेकी थिइन्। इराकविरुद्ध ५–० […]

Success

Thank you for your time.