default_image

1 year ago

May 13, 2023

लिगमा आज शीर्ष टोलीको घमासान

166 views

0 Bookmark

काठमाडौं (हाम्रो खेलकुद) – सहिद स्मारक ए डिभिजन लिग अन्तर्गत शनिबार तीन खेल हुँदैछन् । दशरथ रंगशाला र च्यासल मैदानमा हुने खेलमा लिगको शीर्ष भागमा रहेका टोलीले एक अर्कासँग प्रतिस्पर्धा गर्नेछन् ।

दिउँसो ३ बजे दशरथ रंगशालामा चर्च ब्वाइज युनाइटेडले त्रिभुवन आर्मी फुटबल क्लबको सामना गर्नेछ । पछिल्लो ४ खेलमा लगातार जित दर्ता गरेको चर्च ब्वाइज शीर्ष स्थानमा उक्लन चाहन्छ । जावलाखेलसँग समान अंक रहेपनि हेड टु हेडमा पछि परेको चर्च ब्वाइजका लागि अन्जन विष्ट र अनन्त तामाङ चोटबाट फर्कनु सुखद बनेको छ । दुवैले एकसाथ खेलेको खेलमा चर्च ब्वाइज अपराजित छ ।

पहिलो लेगमा आर्मीसँग १-० ले हारेयता चर्च ब्वाइजले लिगमा लगातार जित हासिल गरेको छ । आजको खेलमा आर्मीका तीन खेलाडी प्रतिबन्धमा रहनेछन् । तीन पहेंलो कार्डका कारण कप्तान भरत खवास, डिफेन्डर विमल पाण्डे र विंगर सुदिल राई उपस्थित हुने छैनन् । आर्मी यसैपनि पछिल्लो ४ खेलमा जितविहिन छ ।

दिउँसो ३ बजे नै मच्छिन्द्र क्लब र थ्री स्टार क्लब च्यासल मैदानमा खेल्नेछन् । पछिल्लो ५ खेलमा जित निकाल्न नसकेको थ्री स्टारले पटक पटक शीर्षस्थानमा जाने अवसर गुमाएको छ । आजको खेलमा मच्छिन्द्रलाई थ्री स्टारभन्दा माथि उक्लने अवसर पनि छ । यद्यपि चोटका कारण मुख्य खेलाडी नहुँदा टोलीलाई समस्या पर्न सक्छ ।

चर्च ब्वाइजविरुद्ध टोलीको डिफेन्स कमजोर हुँदा मच्छिन्द्र हार बेहोर्न पुगेको थियो । गोलरक्षक तथा कप्तान विशाल श्रेष्ठको फिटनेस महत्त्वपूर्ण हुने देखिन्छ । यता थ्री स्टारका कप्तान विक्रम लामा पनि पछिल्लो खेलपछि बिरामी भएकाले शत प्रतिशत नहुन सक्छन् । पहिलो लेगमा यी दुई टोलीको खेल गोलरहित बराबरीमा सकिएको थियो ।

साँझ ६ बजे दशरथ रंगशालामा नेपाल एपिएफ फुटबल क्लब र सातदोबाटो युवा क्लबबीच खेल हुनेछ । यस खेलमा जित हासिल गर्ने टोलीले शीर्ष ४ मा उक्लने अवसर छ । एपिएफले पछिल्लो ५ मध्य २ खेलमा जित हासिल गरेको छ भने सातदोबाटो पछिल्लो ४ खेलमा जितविहिन छ ।

पहिलो लेगमा सातदोबाटोले १-० को जित दर्ता गरेको थियो । विलियम ओपोकुले सेन्टरबाट गोल गर्दै जित दिलाएका थिए । एपिएफले पछिल्लो खेलमा आर्मीलाई ३-० ले हराउनुअघि लगातार ३ खेल जित्न सकेको थिएन ।

लिगको अंक तालिका, खेल तालिका, पुरानो नतिजा, सर्वाधिक गोलकर्ता, सर्वाधिक असिस्ट, क्लिन सिट लगायत सम्पूर्ण जानकारीका लागि यहाँ थिच्नुहोस ।

July 24, 2024

सेल्टिकले म्यानचेस्टर सिटीलाई हरायो

एजेन्सी – प्रि-सिजन खेलहरुका लागि अमेरिका पुगेको इंग्लिश क्लब म्यानचेस्टर सिटी स्कटिस क्लब सेल्टिकसँग पराजित भएको छ । च्यपेल हिल शहरमा भएको खेलमा म्यानचेस्टर सिटी ४-३ ले पराजित भएको हो । सेल्टिकले पहिलो हाफमा नै ३-१ को अग्रता लिएको थियो । निकोलस-गेरिट कुह्नले १३औं मिनेटमा सेल्टिकलाई अग्रता दिलाएका थिए । ३३औं मिनेटमा सिटीका ओस्कार बबले […]

July 24, 2024

नेपालमा संचालित ‘रोड टु टोटेनहम’ अवैध

सुबास हुमागाईं, काठमाडौं भारतीय क्लब किकस्टार्ट फुटबल क्लबले स्थानीय क्लब र संस्थासँग मिलेर इंग्लिस प्रिमियर लिगको क्लब टोटेनहम हट्सपर सम्म पुर्याउने भन्दै नेपालमा आयोजना गरेको ‘रोड टु टोटेनहम’ कार्यक्रम अवैध भएको पाइएको छ । किकस्टार्टले नेपालको बी डिभिजन क्लब श्री भगवती क्लब टोखा र भकुन्डो एनपी नामक संस्थासँग मिलेर ‘रोड टु टोटेनहम’ नामक कार्यक्रम दुई […]

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

Success

Thank you for your time.