default_image

10 months ago

May 20, 2023

सातदोबाटोसँग थ्री स्टारको हार

काठमाडौं (हाम्रो खेलकुद) – सातदोबाटो युथ क्लबले सहिद स्मारक ‘ए’ डिभिजन लिगमा थ्री स्टार क्लबलाई पराजित गरेको छ । सातदोबाटोले थ्री स्टारमाथि २–० को सहज जित हात पारेको हो । त्रिपुरेश्वरस्थित दशरथ रंगशालामा शनिबार भएको खेलमा सातदोबाटोको जितमा दुवै गोल विलियम ओपोकुले गरे । उनले पहिलो र दोस्रो हाफमा गोल गर्न सफल भएका थिए । […]

74 views

0 Bookmark

काठमाडौं (हाम्रो खेलकुद) – सातदोबाटो युथ क्लबले सहिद स्मारक ‘ए’ डिभिजन लिगमा थ्री स्टार क्लबलाई पराजित गरेको छ । सातदोबाटोले थ्री स्टारमाथि २–० को सहज जित हात पारेको हो ।

त्रिपुरेश्वरस्थित दशरथ रंगशालामा शनिबार भएको खेलमा सातदोबाटोको जितमा दुवै गोल विलियम ओपोकुले गरे । उनले पहिलो र दोस्रो हाफमा गोल गर्न सफल भएका थिए ।

प्रतिस्पर्धात्मक खेलमा सातदोबाटोले पाएको अवसर सदुपयोग गर्दा थ्री स्टारले मौकालाई सदुपयोग गर्न नसक्दा पराजित हुन पुग्यो ।

खेलको २४औं मिनेटमा ओपोकुले गोल गर्दै सातदोबाटोलाई १–० को अग्रता दिलाए । क्रसबाट आएको बललाई दीपकराज सिंह ठकुरीले प्रहार गर्न खोज्दा नभेटेको बललाई गोलरक्षक पूर्ण चेम्जोङ र डिफेन्डर योगेश गुरुङले क्लियर गर्न नसक्दा अनमार्क रहेका ओपोकुले गोल गर्न सफल भए ।

४७औं मिनेटमा ओपोकुले व्यक्तिगत र टोलीका लागि दोस्रो गोल गर्दै सातदोबाटोको अग्रता दोब्बर पारे । पिटर सेगुनले दीपक राज सिंह ठकुरीलाई फउल गरेपछि पेनाल्टी बक्सबाहिर प्राप्त फ्रिकिकमा ओपोकुले गोल गर्न सफल भए ।

त्यसपछि थप गोल निस्कन नसक्दा सातदोबाटो विजयी हुन सफल भयो । यस जितसँगै सातदोबाटोले पहिलो राउन्डमा भोगेको हारको बदला लिएको छ । सातदोबाटो पहिलो राउन्डमा १–० ले पराजित भएको थियो ।

यस जितसँगै सातदोबाटोले थ्री स्टारलाई नै पछि पार्दै लिगको चौथो स्थानमा उक्लन सफल भएको छ । सातदोबाटोको १९ खेलबाट २९ अंक पुगेको छ । पराजित थ्री स्टार २६ अंकसहित पाँचौ स्थानमा झरेको छ ।

चर्च ब्वाइज १९ खेलबाट ३६ अंक जोडेर शीर्षस्थानमा छ । दोस्रो स्थानको जावलाखेलको ३२ तथा तेस्रो स्थानको मछिन्द्रको ३१ अंक छ ।

March 2, 2024

यु-१६ महिला साफ: नेपाल बंगलादेशविरुद्ध भिड्दै 

काठमाडौँ (हाम्रो खेलकुद) – हिजो देखि सातदोबाटो स्थित एन्फा कम्प्लेक्समा सुरु भएको साफ यु-१६ महिला च्याम्पियनसिपमा आज नेपाल पहिलो खेल खेल्दै छ । नेपालले आज बंगलादेश विरुद्ध दिनको ३ बजे खेल्ने छ । घरेलु मैदानमा भइरहेको यस प्रतियोगितामा नेपाललाई राम्रो प्रदर्शन गर्ने दवाब समेत रहेको छ । गत वर्ष यु-१५ महिला साफ जितेको नेपाललाई यसपटक […]

March 2, 2024

केपी ओली कपको उपाधि भिडन्त आज

काठमाडौं (हाम्रो खेलकुद) – नेपाल युवा संघ द्वारा आयोजित दोस्रो संस्करणको केपी ओली कपको फाइनल खेल आज हुँदै छ । साँझ ५ बजे दशरथ रंगशालामा हुने उपाधि भिडन्तमा साविक विजेता मछिन्द्र एफसी र न्यू रोड टिम (एनआरटी) भिड्ने छन् । पहिलो संस्करणको उपाधि उचालेको मछिन्द्र यसपटक पनि उच्च लयमा देखिएको छ । अधिकांस राष्ट्रिय टोलीका […]

March 2, 2024

पिएसजी र मोनाकोको बराबरी

एजेन्सी – उपाधि होडमा रहेको पेरिस सेन्ट जर्मेन (पिएसजी) र मोनाकोले फ्रेन्च लिग वानमा बराबरी खेल्दै अंक बाँडेका छन् । पिएसजी र मोनाकोले गोलरहित बराबरी खेलेका हुन् । मोनाकोमा शुक्रबार राति भएको खेलमा पाहुना टोली पिएसजीले बल पोसेसन राख्दै दवाव बढाएपनि गोल गर्न नसक्दा बराबरीमा रोकिन पुग्यो । पिएसजीका प्रशिक्षक लुइस एनरिकले पिएसजी छाड्ने चर्चामा […]

Success

Thank you for your time.