काठमाडौं (हाम्रो खेलकुद) – सातदोबाटो युथ क्लबले सहिद स्मारक ‘ए’ डिभिजन लिगमा विभागीय त्रिभुवन आर्मी क्लबलाई पराजित गरेको हो ।

सातदोबाटोले आर्मीलाई २–१ ले पराजित गरेको हो । सातदोबाटोको जितमा शिव सुवेदी र दिपेन्क राज सिंह ठकुरीले गोल गरे । आर्मीका नवयुग श्रेष्ठले एक गोल फर्काए ।

च्यासलस्थित च्यासल मैदानमा शनिबार भएको प्रतिस्पर्धात्मक खेलको दोस्रो मिनेटमा नै शिव सुवेदीले गोल गर्दै सातदोबाटोलाई १–० को अग्रता दिलाए । २९औं मिनेटमा नवयुगले गोल गर्दै खेललाई १–१ गोलको बराबरीमा ल्याए ।

२१औं मिनेटमा आर्मीले पेनाल्टी पाएपनि सातदोबाटोका खेलाडीले लगातार असन्तुष्टि जनाएपछि खेल झन्डै सात मिनेट रोकिएको थियो । त्यसपछि नवयुग श्रेष्ठको पेनाल्टीलाई सातदोबाटोका गोलरक्षक अभिषेक रिजालले बचाएपनि रिवाउन्डमा गोल गर्न सफल भए ।

त्यसपछि ६३औं मिनेटमा दिपेन्क राज सिंह ठकुरीले पेनालटीमा गोल गर्दै सातदोबाटोलाई २–१ को अग्रता दिलाए । पेनाल्टी बक्समा दीपक गुरुङले सुरज गुरुङलाई फउल गरेपछ रेफ्रीले पेनाल्टी प्रदान गर्दा दिपेन्क चुकेनन् ।

यस जितसँगै सातदोबाटो २४ खेलबाट ३२ अंक जोडेर पाँचौं स्थानमा उक्लिएको छ । पराजित आर्मी ३० अंक जोडेर नवौं स्थानमा छ ।