काठमाडौं (हाम्रो खेलकुद) – एएफसी यू–२० महिला एसियन कप छनोटको दोस्रो चरण खेल्न नेपाली युवा महिला टोली आइतबार प्रतियोगितास्थल म्यानमार प्रस्थान गरेको छ ।

नेपाली टोली आइतबार नै त्यसतर्फ प्रस्थान गरेका छन् । टोलीलाई अखिल नेपाल फुटबल संघ (एन्फा) का अध्यक्ष पंकज बिक्रम नेम्वाङलगायत एन्फा पदाधिकारीले नेपाली टोलीलाई सफलताको शुभकामनासहित बिदाई गरे ।

छनोटको दोस्रो चरणमा नेपाल समूह ‘बी’ मा रहेको छ । नेपाल रहेको समूहमा चीन, म्यानमार र चाईनिज ताइपे रहेका छन् ।समूह ‘ए’ मा अष्ट्रेलिया, भियतनाम, इरान र लेबनान रहेका छन् ।

प्यालेस्टाइनमा भएको पहिलो चरणको छनोटबाट नेपाल दोस्रो चरणमा पुगेको हो । समूह ’बी’ मा रहेको नेपाल समूह विजेता बन्दै दोस्रो चरणमा पुगेको हो ।

दोस्रो चरणको छनोट जुन ३ देखि ११ सम्म हुनेछ । जसबाट उत्कृष्ट ४ टोलीले उज्वेकिस्तानमा हुने यू–२० महिला एसियन कप खेल्नेछ ।

उज्वेकिस्तानमा हुने यू–२० महिला एसियन कप २०२४ को मार्च ३ देखि १६ सम्म हुनेछ । यू–२० महिला एसियन कपमा १६ टोलीले प्रतिस्पर्धा गर्ने छन् ।

म्यानमारमा आयोजना हुने छनोटका लागि मुख्य प्रशिक्षक याम प्रसाद गुरुङले २३ सदस्यीय टोली घोषणा गरिसकेका छन् ।

नेपाली टोली
गोलरक्षक – कविता विक, लिला जोशी र सावित्री किसान
डिफेन्डर – सबिना चौधरी, तुलसा बोहरा, सुनिता भुलान, सिमरन राई, दिव्या यस्माली मगर, प्रतिक्षा चौधरी,सजनी थोकर र कुमारी तामाङ

मिडफिल्डर – सरस्वती हमाल, मनमाया दमाई, सुनकला राई, दीपा शाही, हिमा रावत, सुस्मा जीटी, सारा बज्राचार्य र अञ्जली मचामासी

फरवार्ड – गरिमा राई, अमिषा कार्की, ममता पुन र सन्दिपा भोलान