1 year ago
June 10, 2023
काठमाडौं (हाम्रो खेलकुद) – नाइजेरियाली फरवार्ड ओलावाले ओलाडिपो आफिज चम्कँदा मछिन्द्र फुटबल क्लबले सहिद स्मारक ‘ए’ डिभिजन लिगमा मनाङ–मर्स्याङ्दी क्लबमाथि सहज पूनरागमन जित निकालेको छ ।
एक गोलले पछि परेको स्थिति उल्ट्याएर मछिन्द्रले मनाङमाथि ३–१ को पूनरागमन जितसहित लिगको सुखद् अन्त्य गरेको हो ।त्रिपुरेश्वरस्थित दथरथ रंगशालामा शनिबार भएको खेलमा मछिन्द्रको पूनरागमन जितमा ओलावाले ओलाडिपो आफिजले दुई तथा विमल घर्ती मगरले एक गोल गरे । मनाङका विजय श्रेष्ठको गोल सान्त्वना बन्यो ।
खेलको १६औं मिनेटमा विजय श्रेष्ठले गोल गर्दै मनाङलाई १–० को अग्रता दिलाए । रन्दिप पौडेलेको क्रस पासलाई विजयले नियन्त्रणमा लिदै गरेको प्रहारले जाली चुम्दा मछिन्द्रका गोलरक्षक प्रदीप भण्डारीले डाइभ दिदै बचाउने प्रयास गरेपनि सफल भएन ।
पहिलो हाफमा १–० ले पछि परेको मछिन्द्रले दोस्रो हाफमा विमल घर्तीमगर र आन्द्रेस नियालाई मैदानमा छिराएपछि खेलमा लय समातेको थियो । मछिन्द्रको लगातारको आक्रमणलाई मनाङका गोलरक्षक जियारथ शेखले बचाइरहेपनि ७९औं मिनेटमा भने ओलावालेलाई रोक्न सकेन ।
७९औं मिनेटमा ओलावाले ओलाडिपो आफिजले गोल गर्दै मछिन्द्रलाई खेलमा फर्काए । विमलले दिएको त्रस पासलाई उनले पोस्ट नजिकैबाटै वान टचमा सहज गोल गरे ।
८६औं मिनेटमा विमल घर्तीमगरले गोल गर्दै मछिन्द्रलाई खेलमा २–१ को अग्रता दिलाए । छिरिङ गुरुङको क्रसमा उनले वान टचमा सहज फिनिस गरे ।
इन्ज्युरी समयको थप गरिएको पाँचौं मिनेटमा ओलावालेले व्यक्तिगत र टोलीका लागि तेस्रो गोल गर्दै मछिन्द्रलाई ३–१ को सहज पूनरागमन जित दिलाए । लिगको सर्वाधिक गोलकर्ता रहेका ओलावालेले आफ्नो गोलसंख्या २३ पु¥याएको छ ।
यस जितसँगै मछिन्द्रको २६ खेलबाट ४५ अंक पुगेको छ । साविक विजेता तथा यसअघिको दुवै संस्करणको च्याम्पियन मछिन्द्र यो सिजन भने दोस्रो भएर लिगको अन्त्य गरेको छ । ८ पल्टको च्याम्पियन मनाङले यो सिजन २६ खेलबाट ३२ अंक जोडेर आठौं स्थानमा रहँदै लिगको अन्त्य गरेको छ ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]