default_image

8 months ago

June 15, 2023

नेपालले आज फिलिपिन्ससँग खेल्दै

काठमाडौं (हाम्रो खेलकुद) – नेपाली राष्ट्रिय पुरुष फुटबल टोलीले साफ च्याम्पियनसिपको तयारीका रुपमा रहेको अन्तर्राष्ट्रिय मैत्रीपूर्ण खेलमा फिलिपिन्सको सामना गर्दैछ । खेल फिलिपिन्सको मनिलास्थित रिजाल मेमोरियल रंगशालामा दिउँसो ४:४५ बजे सुरु हुनेछ । नेपाली टोली खेलका लागि बुधबार नै फिलिपिन्स पुगिसकेको छ । टोलीले बुधबार र विहीबार प्रशिक्षण समेत गरिसकेको छ । आजको खेलमा नेपालले […]

120 views

0 Bookmark

काठमाडौं (हाम्रो खेलकुद) – नेपाली राष्ट्रिय पुरुष फुटबल टोलीले साफ च्याम्पियनसिपको तयारीका रुपमा रहेको अन्तर्राष्ट्रिय मैत्रीपूर्ण खेलमा फिलिपिन्सको सामना गर्दैछ । खेल फिलिपिन्सको मनिलास्थित रिजाल मेमोरियल रंगशालामा दिउँसो ४:४५ बजे सुरु हुनेछ ।

नेपाली टोली खेलका लागि बुधबार नै फिलिपिन्स पुगिसकेको छ । टोलीले बुधबार र विहीबार प्रशिक्षण समेत गरिसकेको छ । आजको खेलमा नेपालले नतिजाका लागि नै खेल्ने प्रशिक्षक भिन्सेन्जो अल्बर्टो अनेसेले बताएका थिए ।

प्रशिक्षक अनेसेले नेपालले फिलिपिन्सविरुद्ध खेलमा टोलीमा रहेका नयाँ खेलाडीलाई डेब्यु दिने पनि बताएका थिए । यस्तोमा टोलीमा रहेका तीन नयाँ खेलाडी मिडफिल्डर लाकेन लिम्बु तथा डिफेन्डरद्वय विमल पाण्डे र सिमान्त थापा पहिलो पटक राष्ट्रिय टोलीबाट खेल्ने प्रयासमा हुनेछन् ।

लेफ्ट ब्याकमा विमल पाण्डेले सुरुवात गर्ने सम्भावना छ । उनकै क्लब सहकर्मी विकास खवास चोटका कारण टोलीमा नपर्दा प्रशिक्षक अनेसेले उनलाई विकल्पका रुपमा हेरेका छन् । यसबाहेक टोलीमा मिडफिल्डमा पनि लाकेनले सुरुवाती रोजाइमा पर्न चुनौती दिनेछन् ।

नेपाल र फिलिपिन्सबीच यसअघि पनि पटक पटक प्रतिस्पर्धा भएको छ । पछिल्लोपटक नेपालले घरेलु मैदानमा फिलिपिन्ससँग गोलरहित बराबरी खेलेको थियो । सन् २०१७ नोभेम्बर १४ मा एएफसी एसियन कप छनोटको समूह चरणको खेल एन्फा कम्प्लेक्समा भएको थियो । उक्त खेलबाट तत्कालिन कप्तान अनिल गुरुङले अन्तर्राष्ट्रिय फुटबलबाट सन्न्यास लिएका थिए ।

त्यसबाहेक नेपालले सन् २०११ यता अन्य ४ खेलमा भने हार बेहोरेको छ । नेपाललले पछिल्लो ५ खेलमा मात्र १ गोल फर्काएको छ भने १४ गोल खाएको इतिहास छ । नेपालले आज मैत्रीपूर्ण खेल खेलेपछि भोली नै भारत प्रस्थान गर्नेछ ।

साफ च्याम्पियनसिप भारतको बैंग्लोरमा ६ देखि १९ असारसम्म हुँदैछ । दक्षिण एसियाली फुटबलको सबैभन्दा प्रतिष्ठित प्रतियोगिता साफ च्याम्पियनसिपमा नेपाल कठिन समूह ‘ए’ मा छ । नेपाल रहेको समूहमा आयोजक भारतसँगै पाकिस्तान र पहिलो पटक सहभागी हुन लागेको कुवेत छ । अर्को समूहमा लेबनान, माल्दिभ्स, भुटान र बंगलादेश छन् ।

नेपालले ६ असारमा कुवेतविरुद्ध खेल्दै साफको सुरुवात गर्नेछ । ९ असारमा नेपालले साविक विजेता भारतसँग खेल्नेछ । १२ असारमा नेपालले समूह चरणको अन्तिम खेलमा पाकिस्तानसँग खेल्नेछ । हरेक समूहका विजेता र उपविजेता सेमिफाइनलमा पुग्नेछ । सेमिफाइनल १६ असारमा तथा फाइनल १९ असारमा हुनेछ ।

नेपाली टोली :

गोलरक्षक : किरण चेम्जोङ (राउन्ड ग्लास पन्जाब एफसी), दीप कार्की (मनाङ मर्स्याङ्दी), विशाल श्रेष्ठ (मछिन्द्र)

डिफेन्डर : विमल पाण्डे (त्रिभुवन आर्मी फुटबल क्लब), सनिश श्रेष्ठ (एपीएफ फुटबल क्लब), अनन्त तामाङ (चर्च ब्वाइज युनाइटेड), देवेन्द्र तामाङ (मछिन्द्र), निशान्त खड्का (संकटा क्लब), रोहित चन्द (पर्सिक केडीरी), सिमान्त थापा (जावलाखेल युथ क्लब)

मिडफिल्डर :पुजन उपरकोटी (मछिन्द्र), एरिक विष्ट (चर्च ब्वाइज), नविन लामा (एपिएफ), मणीकुमार लामा (एपिएफ), लाकेन लिम्बु (थ्री स्टार), आभाष लामिछाने (एपिएफ)

फरवार्ड : आयुष घलान (संकटा), नवयुग श्रेष्ठ (आर्मी), दीपकराज सिंह ठकुरी (सातदोबाटो), अन्जन विष्ट (चर्च ब्वाइज), मनीष डाँगी (संकटा), आशीष चौधरी (चर्च ब्वाइज), विमल घर्तीमगर (मछिन्द्र)

February 25, 2024

म्यानचेस्टर सिटी र आर्सनलको‌ जित

एजेन्सी – इंग्लिस प्रिमियर लिगमा उपाधि दौडमा रहेका म्यानचेस्टर सिटी र आर्सनल शनिबार विजयी भएका छन् । सिटीले फिल फोडेनको गोलमा बर्नमाउथलाई १-० ले पराजित गरेको छ । उनले २४ औं मिनेटमा गोल गरे । आर्सनलले न्युकासल युनाइटेडलाई ४-१ ले पराजित गर्यो । स्भेन बुटमनले १८औं मिनेटमा आत्मघाती गोल गरेपछि आर्सनलले अग्रता लियो। काइ हाभार्टले […]

February 25, 2024

नेपाल समूह विजेता बन्दै सेमिफाइनलमा

काठमाडौं (हाम्रो खेलकुद) – नेपाली राष्ट्रिय महिला फुटबल टोली समूह विजेता बन्दै वाफ महिला च्याम्पियनसिप २०२४ को सेमिफाइनलमा प्रवेश गरेको छ । शनिबार समूह चरणको अन्तिम खेलमा प्यालेस्टाइनलाई ४-० को फराकिलो अन्तरले पराजित गर्दै नेपालले समूहको शीर्षस्थानमा रहेर अन्तिम चारको यात्रा पक्का गरेको हो । नेपाल लगातार तेस्रो जितका साथ ९ अंक जोड्दै शीर्षस्थानमा रह्यो […]

February 24, 2024

साम्बाको गोलमा नेपाललाई अग्रता

काठमाडौं (हाम्रो खेलकुद) – फरवार्ड सावित्रा भण्डारीको गोलमा नेपालले वाफ महिला च्याम्पियनसिप २०२४ अन्तर्गत समूहको अन्तिम खेलमा प्यालेस्टाइनविरुद्ध अग्रता लिएको छ । समूह चरणको अन्तिम खेलमा नेपालले १-० को अग्रता लिएको छ । साम्बाले पहिलो हाफको ४१ औं मिनेटमा गोल गरेकी हुन् । रेखा पौडेलको पासलाई उनले पहिलो टचमै गोलमा परिणत गरेकी थिइन् । आजको […]

Success

Thank you for your time.