default_image

8 months ago

June 15, 2023

नेपाल फिलिपिन्ससँग पराजित

काठमाडौं (हाम्रो खेलकुद) – साफ च्याम्पियनसिपको तयारीको रुपमा रहेको अन्तर्राष्ट्रिय मैत्रीपूर्ण खेलमा नेपाल फिलिपिन्ससँग पराजित भएको छ । फिलिपिन्सको मनिलास्थित रिजाल मेमोरियल रंगशालामा नेपाल १-० ले पराजित भएको हो । दोस्रो हाफको सुरुवातमा लिएको अग्रता नै फिलिपिन्सका लागि जित निकाल्न पर्याप्त रहयो । नेपालले सेट पिसमा गोलको केहि अवसर सिर्जना गरेपनि त्यसको फाइदा उठाउन सकेन […]

200 views

0 Bookmark

काठमाडौं (हाम्रो खेलकुद) – साफ च्याम्पियनसिपको तयारीको रुपमा रहेको अन्तर्राष्ट्रिय मैत्रीपूर्ण खेलमा नेपाल फिलिपिन्ससँग पराजित भएको छ ।

फिलिपिन्सको मनिलास्थित रिजाल मेमोरियल रंगशालामा नेपाल १-० ले पराजित भएको हो । दोस्रो हाफको सुरुवातमा लिएको अग्रता नै फिलिपिन्सका लागि जित निकाल्न पर्याप्त रहयो । नेपालले सेट पिसमा गोलको केहि अवसर सिर्जना गरेपनि त्यसको फाइदा उठाउन सकेन । आफ्नै गल्तीमा पछि परेको नेपालले बराबरी गर्ने अवसर पाएको थियो, तर गोलरक्षकले केहि उत्कृष्ट बचाउ गर्दै घरेलु टोलीलाई जित दिलाए ।

१४ औं मिनेटमा एरिक विष्टको प्रहार पोस्टभन्दा थोरै परबाट बाहिरियो । लाकेनको पासमा नवयुग श्रेष्ठले पेनाल्टी क्षेत्र भित्रबाट सट प्रहार गर्न नसक्दा डिफेन्सले क्लिअर गरेको बललाई एरिकले पेनाल्टी क्षेत्र बाहिरबाट प्रहार गरेका थिए ।

२३ औं मिनेटमा अन्जन विष्टको क्रसमा आयुष घलान हेडरसम्म पुग्न सकेनन् । पहिलो हाफमा नेपालले खासै अवसर सिर्जना गर्न नसक्दा दोस्रो हाफमा भने फिलिपिन्सले सुरुवातमै अग्रता लियो ।

४९ औं मिनेटमा फिलिपिन्सले नेपालको कमजोरीको फाइदा उठाउँदै अग्रता लियो । कर्नरमा आएको बललाई पुजनले ६ यार्ड बक्स भित्रबाट क्लियर गर्न नसक्दा जाभिएर गायोसोले पोस्टको दिशा दिएका थिए ।

६२ औं मिनेटमा नेपाल खेल बराबरी गर्नबाट चुक्यो । एरिक विष्टको फ्रिकिकमा अनन्त तामाङको हेडर पोस्टमा लागेर फर्किएको थियो । ८८ औं मिनेटमा अनन्तकै हेडरमा गोलरक्षक बाधक बन्दा नेपाल बराबरी गोल फर्काउनबाट बन्चित भयो ।

नेपाली टोली शुक्रबार भारत प्रस्थान गर्नेछ । साफ च्याम्पियनसिप भारतको बैंग्लोरमा ६ देखि १९ असारसम्म हुँदैछ । दक्षिण एसियाली फुटबलको सबैभन्दा प्रतिष्ठित प्रतियोगिता साफ च्याम्पियनसिपमा नेपाल कठिन समूह ‘ए’ मा छ । नेपाल रहेको समूहमा आयोजक भारतसँगै पाकिस्तान र पहिलो पटक सहभागी हुन लागेको कुवेत छ । अर्को समूहमा लेबनान, माल्दिभ्स, भुटान र बंगलादेश छन् ।

नेपालले ६ असारमा कुवेतविरुद्ध खेल्दै साफको सुरुवात गर्नेछ । ९ असारमा नेपालले साविक विजेता भारतसँग खेल्नेछ । १२ असारमा नेपालले समूह चरणको अन्तिम खेलमा पाकिस्तानसँग खेल्नेछ । हरेक समूहका विजेता र उपविजेता सेमिफाइनलमा पुग्नेछ । सेमिफाइनल १६ असारमा तथा फाइनल १९ असारमा हुनेछ ।

नेपाली टोली :

गोलरक्षक : किरण चेम्जोङ (राउन्ड ग्लास पन्जाब एफसी), दीप कार्की (मनाङ मर्स्याङ्दी), विशाल श्रेष्ठ (मछिन्द्र)

डिफेन्डर : विमल पाण्डे (त्रिभुवन आर्मी फुटबल क्लब), सनिश श्रेष्ठ (एपीएफ फुटबल क्लब), अनन्त तामाङ (चर्च ब्वाइज युनाइटेड), देवेन्द्र तामाङ (मछिन्द्र), निशान्त खड्का (संकटा क्लब), रोहित चन्द (पर्सिक केडीरी), सिमान्त थापा (जावलाखेल युथ क्लब)

मिडफिल्डर :पुजन उपरकोटी (मछिन्द्र), एरिक विष्ट (चर्च ब्वाइज), नविन लामा (एपिएफ), मणीकुमार लामा (एपिएफ), लाकेन लिम्बु (थ्री स्टार), आभाष लामिछाने (एपिएफ)

फरवार्ड : आयुष घलान (संकटा), नवयुग श्रेष्ठ (आर्मी), दीपकराज सिंह ठकुरी (सातदोबाटो), अन्जन विष्ट (चर्च ब्वाइज), मनीष डाँगी (संकटा), आशीष चौधरी (चर्च ब्वाइज), विमल घर्तीमगर (मछिन्द्र)

February 25, 2024

म्यानचेस्टर सिटी र आर्सनलको‌ जित

एजेन्सी – इंग्लिस प्रिमियर लिगमा उपाधि दौडमा रहेका म्यानचेस्टर सिटी र आर्सनल शनिबार विजयी भएका छन् । सिटीले फिल फोडेनको गोलमा बर्नमाउथलाई १-० ले पराजित गरेको छ । उनले २४ औं मिनेटमा गोल गरे । आर्सनलले न्युकासल युनाइटेडलाई ४-१ ले पराजित गर्यो । स्भेन बुटमनले १८औं मिनेटमा आत्मघाती गोल गरेपछि आर्सनलले अग्रता लियो। काइ हाभार्टले […]

February 25, 2024

नेपाल समूह विजेता बन्दै सेमिफाइनलमा

काठमाडौं (हाम्रो खेलकुद) – नेपाली राष्ट्रिय महिला फुटबल टोली समूह विजेता बन्दै वाफ महिला च्याम्पियनसिप २०२४ को सेमिफाइनलमा प्रवेश गरेको छ । शनिबार समूह चरणको अन्तिम खेलमा प्यालेस्टाइनलाई ४-० को फराकिलो अन्तरले पराजित गर्दै नेपालले समूहको शीर्षस्थानमा रहेर अन्तिम चारको यात्रा पक्का गरेको हो । नेपाल लगातार तेस्रो जितका साथ ९ अंक जोड्दै शीर्षस्थानमा रह्यो […]

February 24, 2024

साम्बाको गोलमा नेपाललाई अग्रता

काठमाडौं (हाम्रो खेलकुद) – फरवार्ड सावित्रा भण्डारीको गोलमा नेपालले वाफ महिला च्याम्पियनसिप २०२४ अन्तर्गत समूहको अन्तिम खेलमा प्यालेस्टाइनविरुद्ध अग्रता लिएको छ । समूह चरणको अन्तिम खेलमा नेपालले १-० को अग्रता लिएको छ । साम्बाले पहिलो हाफको ४१ औं मिनेटमा गोल गरेकी हुन् । रेखा पौडेलको पासलाई उनले पहिलो टचमै गोलमा परिणत गरेकी थिइन् । आजको […]

Success

Thank you for your time.