काठमाडौं (हाम्रो खेलकुद)– भारतको बैंगलरुमा जारी साफ च्याम्पियनसिपको समूह ‘बी’ रोमाञ्चक मोडमा पुगेको छ । पहिलो खेलमा लेवनानसँग हार बेहोरेको बंगलादेशले आइतबार माल्दिभ्समाथि रोमाञ्चक निकालेपछि समूहबाट अघिल्लो चरण पुग्ने समिरकण रोमाञ्चक अवस्थामा पुगेको हो ।

बंगलादेशले पूनरागमन जित निकाल्ने क्रममा माल्दिभ्सलाई ३–१ ले हराएको छ । रकिव हुसेनले पहिलो हाफको ४२ औं मिनेटमाबराबरी गोल गरेका थिए । दोस्रो हाफमा तारिक काजीको गोलबाट अग्रता लिएको बंगलादेशका लागि अन्तिम मिनेटमा शेख मोर्सालिनले गोल गरेका थिए । तारिकले ६७ औं र मोर्सालिनले ९० औं मिनेटमा गोल गरेका थिए । हम्जा मोहम्मदको गोलबाट माल्दिभ्सले १८ औं मिनेटमा खेलमा अग्रता लिएको थियो ।

पहिलो खेलमा माल्दिभ्सले भने भुटानलाई २–० ले हराएको थियो । २ खेलको समाप्तीमा माल्दिभ्स र बंगलादेश तथा १ खेल खेलेको लेवनानको ३ अंक छ । भुटान अंक विहिन छ । आइतबार नै साँझ लेवनान र भुटानबीच प्रतिस्पर्धा हुनेछ ।

समूह ‘ए’बाट भने भारत र कुवेत लगातार दुई जितसँगै सेमिफाइनलमा पुगिसकेका छन् । नेपाल र पाकिस्तान भने दुई हारसँगै प्रतियोगिताबाट बाहिरिसकेका छन् । यसपटक दक्षिण एसियाली बाहिरबाट कुवेत र लेवनानलाई च्याम्पियनसिपमा सहभागी बनाएको छ ।