फोडेन पुत्र रोन्नीको एक दिनमै १३ लाख फलोअर्स

एजेन्सी – म्यानचेस्टर सिटी तथा इंग्लिस राष्ट्रिय फुटबल टोलीका मिडफिल्डर फिल फोडेनका पुत्र रोन्नी फोडेनको सामाजिक संजालमा खाता खोलेको १ दिनमै १३ लाख फलोअर्स पुगेको छ ।

म्यानचेस्टर सिटीले मैदानभित्र एक पछि अर्को सफलता हासिल गरिरहँदा फोडेन पुत्र रोन्नी उपाधिको खुसियाली मनाउँदा समर्थकमाझ प्रिय बनेका थिए । विशेषगरी सिटीले प्रिमियर लिग उपाधि जितेपछि खुसियाली मनाउने क्रममा रोन्नी पिता फिलसँग मैदानमा देखिएका थिए । त्यसपछि इस्तानबुलमा सिटीले च्याम्पियन्स लिग जित्दा उनी नर्वेली फरवार्ड एर्लीङ हालान्डसँग रमाइरहेका देखिन्थे ।

सन् २०१९ जनवरीमा जन्मिएका उनी सिटीले नगर परिक्रमा गर्दा पनि केन्द्रमा रहेका थिए । समर्थकहरुले उनलाई सामाजिक संजालमा ‘एल वे’ को उपनाम दिएर प्रशंसा गरेका थिए । ‘एल वे’ विशेषगरी दक्षिण अमेरिकामा युवा समूहमाझ विशेष व्यक्तिलाई इंगित गर्ने शब्द हो । समर्थकले उनलाई सोहि उपनामले प्रशंसा गरेका थिए ।

रोन्नीका पिता फिलले आइतबार साँझ समर्थकको माग अनुसार छोराको नाममा इन्स्टाग्राम खाता खोलेको जानकारी दिएका थिए । छोटो समयमा नै रोन्नीको खातामा फलोअर्सको बाढी आएको छ । यो लेख तयार पार्दासम्म १३ लाख जनाले उनलाई फलो गरिसकेका छन् ।

फोडेन पुत्र रोन्नीको एक दिनमै १३ लाख फलोअर्स

Latest News

Popular News

फुटबल

झापा कपको उद्घाटन खेल-आर्मी र एलएक्स सिटी खेल्ने

एनएसएलको तेस्रो संस्करण चैतमा

फुटबलर अमिशा र गीता नगदसहित सम्मानित

चर्चित खेलहरु:

उपयोगी लिङ्कहरू

सम्पर्क

सामाजिक संजाल