काठमाडौं (हाम्रो खेलकुद) – भारतमा जारी १४औं साफ च्याम्पियनसिपअन्तर्गत समूह चरणको आफ्नो अन्तिम खेलमा नेपालले आज (मंगलबार) पाकिस्तानसँग प्रतिस्पर्धा गर्दैछ ।

नेपाल र पाकिस्तानबीचको खेलमा बैंग्लुरुस्थित कान्तिरभा रंगशालामा नेपाली समयअनुसार दिउँसो ३ः४५ बजेपछि हुनेछ ।साफको समूह चरणबाटै बाहिरिसकेको दुवै टोली आफ्नो अन्तिम खेलमा जित निकाल्दै सुखद् अन्त्य गर्न चहान्छ । ने

पाल र पाकिस्तानले भारत र कुवेतसँग नै हार बेहोर्दै समूह चरणबाट बाहिरिएको हो । नेपाल समूह चरणको पहिलो खेलमा कुवेतसँग ३–१ ले तथा दोस्रो खेलमा घरेलु टोली भारतसँग २–० ले पराजित भएको थियो । अ

घिल्लो सिजन फाइनल खेलेको नेपाली टोली सन् २०१५ पछि समूह चरणबाट नै बाहिरिएको हो । यता, पाकिस्तानले भने भारत र कुवेतसँग समान ४–० को पराजय भोगेको छ ।

नेपाल आज पास्कितानलाई हराएर समूहमा पहिलो जित निकाल्दै साफको सुखद अन्त्य गर्न चहान्छ । तर, टोलीसँग भारतविरुद्धको खेलमा चोट बोकेका अन्जन विष्ट टोलीमा हुनेछैनन् ।

टोलीसँग गोलरक्षक किरण चेम्जोङसँगै अग्रपङ्तिमा विमल घर्तीमगरसँगै आयुष घलान र मनिष डाँगी रहनेछन् । मिडफिल्डमा आवास लामिछाने, एरिक विष्ट र लाकेन लिम्बु रहने सम्भावना छ ।

डिफेन्समा सनिश श्रेष्ठ, रोहित चन्द, अनन्त तामाङ र देवेन्द्र तामाङ रहनेछ । वैकल्पिक खेलाडीको रुपमा दीपक राज सिंह ठकुरी, सिमन्त थापा, पुजन उपरकोटी र नवयुग श्रेष्ठ रहनेछन् ।

नेपाल र पाकिस्तान हालसम्म १७ पटक खेलेका छन् । जसमा नेपालले ५ खेल जित्दा ७ खेल पाकिस्तानले जितेको छ । ५ खेल बराबरीमा सकिएको छ ।

नेपालले पछिल्लो पटक पाकिस्तानसँग गत वर्षको कात्तिकमा मैत्रीपूर्ण खेल खेलेको थियो । उक्त खेलमा अन्जन विष्टको गोलमा नेपाल १–० ले विजयी भएको थियो ।

नेपाल रहेको समूह ‘ए’ बाट भारत र कुवेत सेमिफाइनलमा पुगिसकेका छन् । यि दुवै टोली आज नै समूह चरणको अन्तिम खेल खेल्दैछ । यो खेलले समूह विजेता र उपविजेताको टुंगो लगाउनेछ ।