default_image

1 year ago

June 29, 2023

नेपालको फिफा वरीयता खस्कियो

162 views

0 Bookmark

काठमाडौं (हाम्रो खेलकुद) – नेपाली पुरुष फुटबल टोलीको फिफा वरियता खस्किएको छ । विश्व फुटबलको सर्वोच्च निकाय (फिफा) ले बिहीबार जारी गरेको नयाँ वरियतामा नेपाल एक स्थान तल झर्दै १ सय ७५औं स्थानमा पुगेको हो ।

यसअघिको गत अप्रिलमा नेपाल १ सय ७४औं स्थानमा रहेको थियो । फिफाले नयाँ वरीयता सार्वजनिक गर्नुअघि नेपालले साफ च्याम्पियनसिपमा तीन खेलसँगै एक अन्तर्राष्ट्रिय मैत्रीपुर्ण खेल खेलेको थियो ।

नेपालले चार खेल खेल्दा ३ हार र १ जितको नतिजा निकालेको थियो । नेपालले फिलिपिन्स, कुवेत र भारतसँग हार बेहोर्दा पाकिस्तानलाई १–० ले पराजित गरेको थियो ।

फिफा वरियता अनुसार नेपाल दक्षिण एसियाली राष्ट्रमध्यमा तेस्रो स्थानमा स्थानमा रहेको छ । शीर्ष स्थानमा रहेको भारत फिफा वरियताको १ सयौं स्थानमा छ । भारतले एक स्थान सुधार गरेको छ ।

दक्षिण एसियामा दोस्रो स्थानका रहेको माल्दिभ्स फिफा वरियतामा १ सय ५४औं स्थानमा, एक स्थान सुधार गरेको भुटान १ सय ८४औं स्थानमा रहँदा बंगलादेश १ सय ९२औं स्थानमा यथावत छ । पाकिस्तान ५ स्थान तल झर्दै २०१औं स्थानमा पुग्दा र श्रीलंका २ सय सातौं स्थानमा छ ।

विश्वकप विजेता अर्जेन्टिना शीर्षस्थानमा यथावत छ । विश्व उपविजेता फ्रान्स दोस्रो र ब्राजिल तेस्रो स्थानमा यथावत छ । एक स्थान सुधार गरेको इंग्ल्यान्ड चौथो स्थानमा उक्लदा बेल्जियम पाँचौं स्थानमा झरेको छ ।

एक स्थान सुधार गर्दै क्रोएसिया छैटौं स्थानमा उक्लदा नेदरल्यान्ड्स एक स्थान तल झरेर सातौं स्थानमा पुगेको छ । इटाली, पोर्चुगल र स्पेन क्रमशः आठौं, नवौं र १०औं स्थानमा यथावत छ । एसियामा जापान शीर्षस्थानमा यथावत छ ।

July 25, 2024

मछिन्द्र र चर्च ब्वाइज विजयी

काठमाडौं (हाम्रो खेलकुद) – ललित स्मृति यु-१८ लिगमा बिहीबार मछिन्द्र एफसी र चर्च ब्वाइज युनाइटेड विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा मछिन्द्रले एफसी खुमलटार क्लबमाथि २-१ को जित दर्ता गरेको हो । कविर तामाङ र रोनिक राना मगरले मछिन्द्रका लागि गोल गरे । यस्तै खुमलटारका लागि पवन दर्लामीले गोल फर्काएका […]

July 25, 2024

एएफसी प्लेअफ खेलमा केल्मीको बल प्रयोग हुने

काठमाडौं (हाम्रो खेलकुद) – नेपालको लिग च्याम्पियन अपि पावर चर्च ब्वाइज युनाइटेडले यसै महिनाको अन्त्यमा खेल्ने एएफसी च्यालेन्ज लिगको प्लेअफ खेलमा केल्मीको बल प्रयोग हुने भएको छ । नेपालको लागि केल्मीको आधिकारिक विक्रेता कामारु ट्रेडिङले चर्च ब्वाइजलाई प्रतियोगिता र प्रशिक्षणका लागि आवश्यक म्य्च बल उपलब्ध गराउने भएको हो । केल्मी र एएफसीबीच सन् २०२१ देखि […]

July 25, 2024

करिब दुई घण्टापछि गोल रद्द गर्दा अर्जेन्टिना पराजित

एजेन्सी – गोल गरेको करिब २ घण्टापछि गोल रद्द भएपछि पेरिस ओलम्पिकमा पुरुष फुटबलको आफ्नो पहिलो खेलमा अर्जेन्टिना पराजित भएको छ । अर्जेन्टिना मोरोक्कोसँग २-१ ले पराजित भएको हो । सोफियान रहिमीले पहिलो हाफको अन्त्यमा र ४९औं मिनेटमा गोल गर्दै मोरक्कोलाई खेलमा २ गोलको अग्रता दिलाएका थिए । ६८औं मिनेटमा जिउकियानो सिमिओनेले अर्जेन्टिनाका लागि एक […]

Success

Thank you for your time.