default_image

11 months ago

August 22, 2023

राष्ट्रिय फुटबल टोलीको व्यवस्थापक नियुक्ती विवादमा

360 views

0 Bookmark

काठमाडौं (हाम्रो खेलकुद)– राष्ट्रिय पुरुष फुटबल टोलीको व्यवस्थापक नियुक्ती पनि विवादमा परेको छ । अखिल नेपाल फुटबल संघ (एन्फा) को अध्यक्ष पंकजविक्रम नेम्वाङ र महासचिव किरण राई देशमा नभएको समयमा व्यवस्थापक नियुक्ती गरेको भन्दै एन्फाका एक उपाध्यक्षले सामाजिक सन्जालमार्फत असन्तुष्टी जनाएपछि नयाँ विवाद सृजना भएको हो ।

एन्फाका कार्यवहाक महासचिव अरुणमान जोशीले सोमबार उत्तम भण्डारीलाई राष्ट्रिय टोलीको व्यवस्थापक नियुक्तको पत्र दिएका थिए । एन्फा उपाध्यक्ष दाबा लामाले मंगलबार फेसबुकमा स्ट्याटस लेखेका छन्, ‘श्रीमान कार्यवाहक अध्यक्ष ज्यू तथा कार्यवाहक महासचिव ज्यू के तपाई हरु ले गर्नु भएको नियुक्ति विधान सम्बत छ त ? यदि छ भने मेरो भन्नु केही छैन होईन भने यो नियुक्तिको जिम्मेवारी कसले लिने ? अध्यक्ष ज्यू र महासचिव ज्यू नभएको बेला जे मन लाग्यो त्यही गर्ने ? के यस्तै नियुक्ति गर्नका निम्ति कार्यवाहकको जिम्मेवारी दिएको हो ?

एन्फाका कार्यवहाक अध्यक्ष वीरबहादुर खड्काले भने व्याध्यात्मक स्थिति सृजना भएपछि एन्फाका जिम्मेवार पदाधिकारीहरुसँगको सहमतिमै भण्डारीलाई व्यवस्थापक नियुक्त गरेको बताएका छन् । ‘ अनिल श्रेष्ठलाई दिएको जिम्मेवारीको अवधि सकिएको रहेछ । म्यानमार फुटबल संघमा राष्ट्रिय टोलीका खेलाडीको प्रशिक्षकको नाम पठाइसकिएको तर व्यवस्थापकको नाम पठाइएको रहेनछ ’ कार्यवहाक अध्यक्ष खड्काले भने,‘ हिजो मात्र व्यवस्थापकको नाम छिटो पठाउन अन्यथा आफै भिसा प्रक्रिया गर्नुपर्ने खबर आएपछि हामीले प्रक्रिया अघि बढाएका हौं ।’

खड्काले अध्यक्ष नेम्बाङसहित कार्यसमितिका अन्य पदाधिकारी र सदस्यसँग परामर्श गरेर निर्णय लिएको बताए । ‘अध्यक्ष ज्यूले तपाईहरुले हेरेर निर्णय गर्नुस् भन्नुभयो । हामीले त्यहि अनुसार प्रक्रिया अधि बढायौं । राष्ट्रिय टोलीका संयोजक मनीष जोशीले भण्डारी जीको नाम सिफारिस गर्नुभएको थियो,’ उनले थपे,‘त्यसले भण्डारी जीको नामको बारेमा मैले अध्यक्ष ज्यूलाई जानकारी गराएपछि सुरुमा प्रष्ट जवाफ दिनुभएन । उपाध्यक्ष दाबा लामाले आफ्नो असहमति छ भन्नुभयो । बाँकी धेरैले सहमति जनाएपछि हामीले नियुक्त गरेका हौं ।’

भण्डारीलाई म्यानमारसँगको दुई मैत्रीपूर्ण खेल तथा लावसविरुद्ध विश्व कप छनोटका दुई खेलसम्मका लागि व्यवस्थापकको जिम्मेवारी दिइएको बताइएको छ । नेपाल र म्यानमारबीच भदौं २२ र २५ गते म्यानमारमा मैत्रीपूर्ण खेल हुँदैछ । त्यसपछि नेपाल र लावसबीच असोज २५ गते होम (दशरथ रंगशाला) र असोज ३० गते अवे खेल हुने तय छ ।

नव नियुक्त व्यवस्थापक भण्डारीले एन्फाको प्रस्तावमा आफू व्यवस्थापकको जिम्मेवारी लिन तयार भएको बताएका छन् । ‘मलाई मनीष जोशी ज्यूमार्फत प्रस्ताव आएको हो । जुन जिम्मेवारीमा बसेर पनि नेपाली फुटबललाई सहयोग गर्नुपर्छ भन्ने मेरो पहिला देखिकै धारणा हो,’ उनले भने,‘तपाईहरुले मलाई जिम्मेवारी दिन उपयुक्त सम्झनुभएको हो भने म तयार छु भनेको हु । मलाई म्यानमारसँगको दुई खेल र विश्वकपका दुई खेलका लागि नियुक्ती दिनुभएको छ ।’

तपाईको नियुक्ती विवादमा पर्यो नि भन्ने प्रश्नको जवाफमा भण्डारीले भने, त्यसको जिम्मा मैले लिने विषय भएन । उहाँहरुले केहिको असहमति भएपछि अधिकांशको सहमतिमा तपाईलाई जिम्मेवारी दिएका हौं भन्नुभएको छ । मैले त्यसमा विश्वास नगर्नुपर्ने कारण छैन ।’
आइतबार सम्पन्न महिला विश्व कप फुटबलको फाइनल हेर्न अध्यक्ष पुगेका एन्फा अध्यक्ष नेवाङ र महासचिव राई फर्केका छैनन् ।

July 12, 2024

वर्षाका कारण चितवन जिल्ला लिग स्थगित

सुशिल पन्त क्षेत्री, चितवन सेन्ट्रल कलेज चितवन जिल्ला ए डिभिजन लिग तत्कालका लागि स्थगित भएको छ । चितवन जिल्ला फुटबल संघले आज एक सुचना जारी गर्दै लिगका खेलहरु तत्कालका लागि स्थगित भएको जानकारी दिएको हो । अविरल वर्षाका कारण लिगका खेल सञ्चालित भरतपुर ७ कृष्णपुरको मैदान हिलाम्य भएकोले अर्को सूचना जारी नभएकोसम्मका लागि स्थगित गरिएको […]

July 12, 2024

रोहित एक सिजन इन्डोनेसियामै खेल्ने 

काठमाडौं (हाम्रो खेलकुद) – नेपाली राष्ट्रिय फुटबल टोलीका अनुभवी खेलाडी रोहित चन्द अझै एक सिजन इन्डोनेसियामा नै बस्ने भएका छन् । इन्डोनेसियन लिगा वान टोली पेर्सिक केदिरीसँग सम्झौता नवीकरण गरेसँगै रोहितले व्यवसायिक फुटबलको थप एक सिजन इन्डोनेसियाको शीर्ष डिभिजनमा नै बिताउने भएका हुन् । सन् २०१३ मा पहिलो पटक इन्डोनेसिया पुगेका रोहितले बीचमा मलेसियन लिग […]

July 11, 2024

अर्जेन्टिनाले कोपा अमेरिका उपाधिका लागि कोलम्बिया विरुद्ध भिड्ने

एजेन्सी – साविक विजेता अर्जेन्टिनाले कोपा अमेरिका उपाधि रक्षा गर्नका लागि फाइनलमा कोलम्बिया विरुद्ध खेल्ने भएको छ । बिहीबार बिहान भएको दोस्रो सेमिफाइनलमा कोलम्बियाले उरुग्वे माथि १-० को जित निकालेसँगै अर्जेन्टिनाको फाइनल प्रतिद्वन्दी टुंगो लागेको हो । कोलम्बियाका लागि ३९औं मिनेटमा जेफर्सन लर्माले प्रहार गरेको हेडर नै पर्याप्त बन्यो । पहिलो हाफको अन्त्यमा डेनियल मुनोजले […]

Success

Thank you for your time.