default_image

6 months ago

November 20, 2023

लाकेनले यमनविरुद्ध खेल गुमाउने

750 views

0 Bookmark

काठमाडौं (हाम्रोखेलकुद) – फिफा विश्वकप छनोटको दोस्रो चरणको पहिलो खेलमा युएई विरुद्धको खेलमा घाइते भएका मिडफिल्डर लाकेन लिम्बुले यमनविरुद्ध हुने खेल गुमाउने पक्का भएको छ ।

नेपालले समूहको दोस्रो खेलमा मंगलबार यमनको सामना गर्दैछ । खेल दशरथ रंगशालामा साँझ ७ बजे सुरु हुनेछ । खेलको पूर्वसन्ध्यामा भएको पत्रकार सम्मेलनमा बोल्दै नेपालका प्रशिक्षक भिन्सेन्जो अल्बर्टो अनेसेले लाकेनले खेल गुमाउने पक्का भएको बताएका हुन् ।

अर्कोतर्फ चोटका कारण युएईविरुद्धको पहिलो खेल गुमाएका डिफेन्डर अनन्त तामाङ भने खेल्ने सम्भावना छ । अनेसेले सोमबार प्रशिक्षणपछि फिटनेसको अवस्था हेरेर निर्णय लिने बताए ।

‘अनन्तको अवस्थाबारे मेडिकल टोलीले हेरेको छ, आजको प्रशिक्षणपछि अन्तिम निर्णय लिनेछ’, अनेसेले भने। अनेसेका अनुसार फरवार्ड अन्जन विष्टको अवस्था पनि टोलीले हेरिरहेको छ । मनिष डाँगीले पनि सोमबार प्रशिक्षण नगरेका कारण खेल्ने सम्भावना कम छ ।

खेलका लागि साधारणतर्फ ४०० रुपैयाँ र भिआईपी तर्फ १००० रुपैयाँ टिकट मूल्य रहेको छ । टिकट भोलि बिहान आठ बजे देखि दशरथ रंगशाला परिसरबाट लिन सकिने एन्फाले जनाएको छ । एन्फाले समर्थकका लागि घर फर्कन गाडीको समेत व्यवस्था गरेको बताएको छ ।

May 26, 2024

पिएसजी फ्रेन्च कप च्याम्पियन

एजेन्सी – फ्रेन्च कपको उपाधि जित्दै फरवार्ड केलियन एमबाप्पेले आफ्नाे पेरिस सेन्ट जर्मेन (पिएसजी) बसाईकाे सुखद् अन्त्य गरेका छन्। पिएसजीले शनिबार लियोनमाथि २–१ को जित निकाल्दै उपाधि जित्न सफल भएको हो । पिएसजीका लागि आफ्नाे अन्तिम खेलमा भने एमबाप्पेले गाेल गर्न सकेनन् । पिएसजीका लागि अन्तिम खेल खेलिरहेका केलियन एमबाप्पेले उपाधिसहित क्लबबाट सुखद बिदाई लिएका […]

May 26, 2024

म्यानचेस्टर युनाइटेडलाई‌ एफए कप

एजेन्सी – म्यानचेस्टर युनाइटेडले एफए‌ कपको उपाधि जितेको छ। म्यानचेस्टर सिटीलाई‌ शनिबार २-१ ले हराउँदै युनाइटेडले उपाधि जितेको हो। गत वर्ष युनाइटेडलाई‌ २-१ ले नै हराउँदै सिटीले उपाधि जितेको थियो। युनाइटेडलाई‌ शनिबार जित दिलाउन अलेहान्द्रो ग्रानाचो र कोबी माइनोले गोल गरे। सिटीका जेरेमी डोकुले एक गोल फर्काए । खेलको ३० औं मिनेटमा ग्रानाचोले युनाइटेडलाई अग्रता […]

May 25, 2024

अञ्जनलाई स्पोर्ट्स कम्पनी ३६१ को साथ

काठमाडौं (हाम्रो खेलकुद) – नेपाली राष्ट्रिय फुटबल टोलीका सदस्य अञ्जन विष्टलाई चाइनिज स्पोर्ट्स पोशाक ब्रान्ड कम्पनी ३६१ डिग्रीले प्रायोजन गरेको छ । नेपालको लागि स्पोर्ट्स ब्रान्ड ३६१ का आधिकारिक विक्रेताका प्रमुख कार्यकारी अधिकृत (सिइओ) सरोज कार्की र अञ्जनबीच शनिबार सम्झौतामा हस्ताक्षर गरेका थिए । सम्झौता तीन बर्ष रहने बताइएको छ । कम्पनीले अञ्जनलाई तीन वर्षसम्म […]

Success

Thank you for your time.