काठमाडौं (हाम्रो खेलकुद) – मिडफिल्डरद्वय दीपा शाही र प्रिती राईले भारतीय लिगमा डेब्यु गरेको खेलमा किकस्टार्ट एफसीले सिजनमा विजयी सुरुवात गरेको छ ।

किकस्टार्टले होप्स एफसीलाई ३-० ले हराएर आफ्नो नयाँ सिजनमा विजयी सुरुवात गर्यो । जितमा युम्लेम्बम पक्पी देवीले दुई गोल गरे भने करिश्मा शिरभोईकरले एक गोल गरिन् ।

दुवै नेपाली खेलाडीले सुरुवाती रोजाइमा रहेर खेलेका थिए। प्रीतिले खेलको पुरै समय खेले पनि खेलको अन्तिम मिनेटमा दिपालाई स्थानान्तरण गरियो । उक्त खेलमा दिपाले नाममा एक असिस्ट रहेको थियो ।

दिपा र प्रीति दुवै नेपाल बाहिर आफ्नो पहिलो व्यावसायिक लिग खेल्दै छन् । दिपाले कम उमेरका कारण भारतमा पछिल्लो सिजन खेल्न पाएकी थिइनन् भने प्रीति चोटका कारण बाहिरिएकी थिइनन् ।

यसपटक भारतीय महिका लिगमा ६ नेपाली खेलाडी खेल्दैछन् । फरवार्ड रश्मीकुमारी घिसिङ र मिडफिल्डर अमृता जैसीले स्पोर्ट्स ओडिशाबाट खेल्नेछन् । सेथु एफसीको तर्फबाट गोलकिपर एन्जिला तुम्बापो सुब्बा र डिफेन्डर गीता रानाले खेल्दैछन् ।

पहिलो दिन लिगको उद्घाटन खेलमा सेथुले गोलरहित बराबरी खेलेका थिए । स्पोर्ट्स ओडिशाले आइतबार इस्ट बंगाल एफसीसँग आफ्नो सिजनको सुरुवात गर्नेछ ।