एजेन्सी – पोर्चुगिज भेट्रान फरवार्ड क्रिष्टियानो रोनाल्डोले आफ्नो व्यवसायिक करियरको १२सयौं खेलमा गोल र असिस्ट प्रदान गरेका छन् ।

साउदी प्रो लिगमा अल नासरले अल रियादलाई ४–१ ले पराजित गरेको खेलमा व्यवसायिक करियरको १२सयौं खेल खेलिरहेका रोनाल्डोले एक गोल र एक असिस्ट प्रदान गर्न सफल भएका हुन् ।

३८ वर्षीय रोनाल्डोले साडियो मानेको क्रसमा पहिलो गोल गर्दा ओटाभियोको गोलको लागि असिस्ट प्रदान गरे । रोनाल्डो यो सिजन साउदी प्रो लिगमा १५ खेलमा १६ गोलसहित सर्वाधिक गोलकर्ताको सुचीमा शीर्षस्थानमा छ ।

पुरुषतर्फ सर्वाधिक प्रतिस्पर्धात्मक खेल खेल्ने कीर्तिमान इङ्ल्यान्डका पूर्व गोलरक्षक पिटर शिल्टनको नाममा छ । उनले १३ सय ८७ प्रतिस्पर्धात्मक खेल खेलेका छन् ।

साउदी प्रो लिगले रोनाल्डोले आफ्नो व्यवसायिक करियरको १२ सयौं खेलमा गोल र असिस्ट प्रदान गरेको पुष्टि गरेका छन् । पछि रोनाल्डोले आफ्नो इन्ष्टाग्राममा ‘थप तीन अंक! मलाई मेरो १२सयौं खेलमा पुग्न मद्दत गर्ने मेरा सबै सहकर्मीहरूलाई धन्यवाद । यो यात्रा अझै सकिएको छैन ।

रोनाल्डोले फेब्रुअरी २०२० मा सिरी ‘ए’ मा युभेन्टसका लागि गोल गर्दै आफ्नो १ हजारौं खेल पूरा गरेका थिए । गत जुनमा आइसल्याण्डविरुद्ध खेल्दै उनले २०० अन्तर्राष्ट्रिय खेल खेल्ने पहिलो पुरुष खेलाडी बनेका थिए । उनी १२८ गोलका साथ पुरुषतर्फ शीर्ष अन्तर्राष्ट्रिय गोलकर्ता पनि हुन् ।

आफ्नो क्लब करिअरको कीर्तिमानमध्ये रोनाल्डो च्याम्पियन्स लिग (१८३), जसमा उनले म्यानचेस्टर युनाइटेड, रियल म्याड्रिड र युभेन्टसको प्रतिनिधित्व गरेका थिए, सबै समयको उपस्थितिको लागि सूचीमा शीर्ष स्थानमा छन् ।

रोनाल्डो शीर्ष–स्तरमा ८०० गोल गर्ने इतिहासको पहिलो खेलाडी हुन् । यस्तै उनले सन् २०२१ मा म्यानचेस्टरबाट गोल गरेपछि उनले ८५० गोलको आँकडा पारेका छन् ।

साउदी प्रो लिगमा अल नासर तालिकाको दोस्रो स्थानमा छ, टोली शीर्षस्थानको अल हिलालसँग सात अंकले पछि छ ।

रोनाल्डोको १२सयौं व्यवसायिक खेल
स्पोर्टिङ – ३१ खेल
म्यानचेस्टर युनाइटेड –२४६ खेल
रियल म्याड्रिड – ४३८ खेल
युभेन्ट्स – १३४ खेल
अल नासर – ४६ खेल
पोर्चुगल – २०५ खेल