एजेन्सी – यूरोपेली च्याम्पियन्समा मंगलबार आज राति छैठौ चरणका आठ खेल हुँदैछन् ।

आज राति ११:३० बजे समूह बि का खेलहरु हुदैं छन् । लन्सले सेभिल्लाको सामना गर्दा पिएसभी आइन्डहोभनले आर्सनलसंग भिड्ने छ ।
यस समुहबाट आर्सनल ५ खेलमा १२ अंक सहित शिर्ष स्थानमा रहदै अर्को चरणमा प्रवेश गरिसकेको छ।

पिएसभीको ८ अंक रहदा लन्सको ५ अंक छ। सेभिल्ला २ अंकसहित प्रतियोगिता बाट बाहिरिसकेको छ तर तेस्रो हुदै यूरोपा लिगमा छनोट हुने दौडमा भने अझै पनि रहेको छ।

बाँकी ६ खेल राति १:४५ बजे हुने छन्। समूह ‘ए’ मा बायर्न म्युनिखले म्यानचेस्टर युनाइटेडसँग खेल्नेछ भने एफसी कोपेनहेगनले गालातासारेसँग खेल्नेछ । म्यानचेस्टर युनाइटेड अहिलेसम्म पाँच खेलमा चार अंक जोडेर समूहको चौथो स्थानमा छ । अर्को चरण प्रवेश गर्नका लागि युनाइटेडले बलियो बायर्न म्युनिख विरुद्ध जित्ने पर्ने छ र आकोपेनहेगन र गालातासारेले बराबरी खेल्नु पर्ने छ ।
बायर्नले अहिलेसम्म १३ अंकसहित अर्को चरणमा प्रवेश गरिसकेको छ भने कोपेनहेगन गालाटासारेको ५–५ अंक छ । यी दुइ टोलि पनि जित सहित अर्को चरणमा प्रवेश गर्न चाहन्छन ।

समूह ‘सी’ मा युनियन बर्लिनले रियल म्याड्रिडको सामना गर्ने छ भने नापोलीले ब्रागाविरुद्ध खेल्नेछ । यस समूहमा रियल मड्रिडले अहिलेसम्म ५ खेलमा ५ जित हात पार्दै छनोट भइसकेको छ ।
नापोलीलाई दोस्रो स्थान कायम गर्न र अन्तिम १६ मा आफ्नो स्थान पक्का गर्न बराबरी आवश्यक हुनेछ । अहिलेसम्म २ अंक जोडेको युनियनले रियल विरुद्ध जित हासिल गरेमा र ब्रागाले नापोलीसँगको खेलमा हार बेहोरेमा युरोपा लिगमा छनोट हुन सक्छ ।

समूह डी मा रियल सोसिडाड र इन्टर मिलानले एकअर्कासँग खेल्नेछन् भने आरबी साल्जबर्गले बेन्फिकासँग खेल्नेछ ।
सोसिडाड र इन्टर दुवै ११ अंकमा छन् र अन्तिम १६ मा आफ्नो स्थान सुरक्षित गरिसकेका छन् । यस खेलमा जित हासिल गर्ने टोलि समूह बिजेता बन्दै अर्को चरणमा प्रवेश गर्ने छ भने बराबरी भएमा सोसिडाडले पहिलो स्थान पक्का गर्ने छ । साल्जबर्गले अहिलेसम्म चार अंक बनाएको छ भने बेन्फिकाले एक अंक जोड्न सफल भएको छ ।