default_image

2 months ago

December 16, 2023

‘अवसरवादी भने पनि खण्डन गर्दिन’- एन्फा पूर्व महासचिव तुलाधर

काठमाडौं (हाम्रो खेलकुद)– अखिल नेपाल फुटबल संघ (एन्फा) का पूर्व महासचिव इन्द्रमान तुलाधरले फुटबल राजनीतिमा आफूलाई अस्थिर वा अवसरवादीको आरोप लागेपनि त्यसलाई खण्डन नगर्ने बताएका छन् । एन्फामा पुनः प्रवेशको तयारीमा रहेका तुलाधरले एन्फा महासचिव किरण राईसँग शनिबार सातादोबाटोस्थित एन्फा मुख्यालयमा संयुक्त पत्रकार सम्मेलनमा तुलाधरले भने, ‘म फुटबलमा काम गर्न रमाउने मान्छे हु । १२ […]

326 views

0 Bookmark

काठमाडौं (हाम्रो खेलकुद)– अखिल नेपाल फुटबल संघ (एन्फा) का पूर्व महासचिव इन्द्रमान तुलाधरले फुटबल राजनीतिमा आफूलाई अस्थिर वा अवसरवादीको आरोप लागेपनि त्यसलाई खण्डन नगर्ने बताएका छन् ।

एन्फामा पुनः प्रवेशको तयारीमा रहेका तुलाधरले एन्फा महासचिव किरण राईसँग शनिबार सातादोबाटोस्थित एन्फा मुख्यालयमा संयुक्त पत्रकार सम्मेलनमा तुलाधरले भने, ‘म फुटबलमा काम गर्न रमाउने मान्छे हु । १२ वर्षको उमेरदेखि फुटबल खेले । सबै उमेर समूहमा फुटबल खेले । राष्ट्रिय टोलीबाट भने खेल्न सकिन । तेक्वान्दोाबाट राष्ट्रलाई प्रतिनिधित्व गरेर पदक जिते । मलाई कसैले अस्थिर र अवसरवादी भन्छ भने पनि म खण्डन गर्दिन । कुनै गुनासो छैन । सबैको आ आफ्नो बुझाई हो । ’

२०६३ सालबाट लगातार एन्फाको कार्यकारी भूमिकामा रहेका तुलाधार पछिल्लो निर्वाचन (२०७९) पछि एन्फाबाट बाहिरिए थिए । गणेश थापा र नरेन्द्र श्रेष्ठ अध्यक्ष रहँदा एन्फाको प्रमुख कार्यकारी अधिकृत (सिइओ) रहेका तुलाधर कर्मा छिरिङ शेर्पा अध्यक्ष हुँदाको कार्यसमितिमा महासचिव थिए । पुनः सिइओको भूमिकामा उनी एन्फा फर्कने तयारीमा रहेको बताइएको छ ।

एन्फा कार्यसमितिको सोमबार बस्ने बैठकमा उनी सिइओ र विजय घले सहायक महासचिव नियुक्त हुने सम्भावना रहेको एन्फा श्रोतले बतायो । पत्रकार सम्मेलनमार्फत तुलाधरले एन्फा अध्यक्ष पंकजविक्रम नेम्वाङसहित निर्वाचित कार्यसमितिसँग मिलेर काम गर्न आफू तयार रहेको बताएका छन् ।

‘एक वर्षसम्म नयाँ कार्यसमितिको काम हेर्यौं । राम्रो सँग चलने । हटाउने वैधानिक प्रयास गर्यौ । त्यसमा पनि सकेनौं । कात्तिक २३ गते हेटौंडामा भएको विशेष साधारण सभाले एउटा मत दिएको छ,’ उनले भने, ‘विवाद गरेर मात्र हुँदैन । साधारण सभाले एउटा निष्कर्ष निकालेको छ त्यसलाई मानेर अघि बढ्नुपर्छ भनेर सहकार्यको लागि तयार भएको छु ।’

फुटलब विकासका लागि कुनै पनि एउटा व्यक्तिलाई दुई कार्यकाल दिनुपर्ने आफ्नो विगतदेखि कै मत रहेको तुलाधरले प्रष्ट पारे । ‘नरेन्द्र श्रेष्ठ दोस्रो पटक अध्यक्ष हुनुपर्छ भन्ने मेरो मत थियो । त्यो हुन सकेन । अर्को पटक कर्मा छिरिङ शेर्पा अध्यक्ष हुँदा उहाँलाई सहयोग गरियो । अर्को पटक बनाउन सकिने,’ ए डिभिजन क्लब संकटाका अध्यक्ष समेत रहेका तुलाधरले भविष्यमा नेम्वाङलाई सघाउने संकेत गर्दै भने, ‘म अहिले पनि भन्छु । फुटबल विकासका लागि एक कार्यकाल पर्याप्त हुँदैन ।’

तुलाधरले कर्माछिरिङ समूहसँग मिलेर अध्यक्ष नेम्वाङविरुद्ध भदौं २५ गते अविश्वासको प्रस्ताव दर्ता गराएका थिए । हेटौडामा विशेष साधारण सभामा आफूहरुमा फरक मत रहेको पनि तुलाधरले प्रष्ट पारे । ‘म वहिष्कार गनुहुन्न भन्ने पक्षमा थिए । यद्दपी निर्वाचनमा मैले भाग लिइन । आफैले राखेको अविश्वासको प्रस्तावको मतदान बहिष्कार गर्नुहुन्न भन्नेमा म थिए । तर सबैलाई माउन सकिएन,’ उनले भने, ‘त्यहाँबाट हामीबीचमा केहि भिन्नता रह्यो । हाम्रा कतिपय साथीहरुले मतदानमा भाग लिनुभएको थियो । पछि अख्तियार र अदालतमा मुद्दा दर्ता भएको सुने त्यसमा मसँँग सल्लाह भएको छैन ।’ सो विशेष साधारण सभाले नेम्वाङविरुद्धको अविश्वासलाई असफल बनाएको थियो ।

तुलाधरले विवादले फुटबल विकास सम्भव नभएको भन्दै उनले सबै मिलेर जानुपर्नेमा जोड दिए । ‘ फुटबलमा तीन वटा पक्ष छन्। त्यसमा सम्भव भए सबै नत्र कम्तीमा दुई पक्ष मिल्नुपर्ने अवस्था छ। सबै मिल्दा विकास गर्न कठिन छ । विवाद गरेर विकास सम्भव छैन, आफू एन्फा फर्कने तयारीमा रहेको प्रष्ट पार्दै भने, एउटा भनाई छ लिड, फलो एन्ड क्विट । म त्यसमा विश्वास गर्छु । नेतृत्वको लागि कोसिस गरे । सफल भइन । अब फलो गर्छु । यसमा सफल नभए फुटबल छाड्छु ।’

तुलाधरले एन्फामाथि फिफाको कन्ट्रोल फन्डिङलाई फुकाउन आफु सहयोगी हुन सक्ने पनि बताएका छन् । एन्फा महासचिव राईले तुलाधरलाई धन्यवाद दिदै अन्यलाई पनि मिलेर काम गर्नका लागि आग्रह गरेका छन् । उनले काम गर्न चाहने जो कोहीलाई पनि एन्फामा स्वागत गरिने बताए ।

February 29, 2024

एनआरटी केपी ओली कपको फाइनलमा

काठमाडौं (हाम्रो खेलकुद) – न्यु रोड टिम (एनआरटी) केपी ओली कप फुटबल प्रतियोगिताको फाइनलमा प्रवेश गरेको छ । दशरथ रंगशालामा जावलाखेल युवा क्लबमाथि ३-० को जित निकाल्दै एनआरटीले उपाधि भिडन्तमा स्थान पक्का गरेको हो । एनआरटीको जितमा संजिव विष्टले दुई तथा विवेक गुरुङले १ गोल गरे । खेलको छैटौं मिनेटमा नै विवेक गुरुङले एनआरटीलाई अग्रता […]

February 29, 2024

फाइनलमा कसले लिन्छ साम्बाको स्थान?

काठमाडौं (हाम्रो खेलकुद) – वाफ महिला च्याम्पियनसिप २०२४ अन्तर्गत फाइनलमा नेपालले जोर्डनको सामना गर्दैछ । हालसम्म अपराजित रहेका यी दुई टोलीबीचको खेलमा नेपालले आफ्नो स्टार फरवार्ड सावित्रा भण्डारीको साथ भने पाउने छैन । नेपालले प्रतियोगितामा खेलेको सबै ४ खेलमा साम्बालाई नै आक्रमणमा उतारेको थियो । तर फिफा विन्डोबाहिर रहेको यस खेलका लागि साम्बा व्यावसायिक सम्झौताका […]

February 29, 2024

नेपाल र जोर्डन वाफ च्याम्पियनसिपको‌ फाइनल खेल्दै

काठमाडौं (हाम्रो खेलकुद)- नेपाल र जोर्डनको राष्ट्रिय महिला फुटबल टोली साउदी अरेबियामा जारी पश्चिम एसियाली फुटबल फेडेरेसन (वाफ) च्याम्पियनसिपको फाइनलमा आज एकअर्का विरुद्ध उत्रदैछन्। जेद्दास्थित प्रिन्स अब्दुल्लाह अल फैजल स्पोर्ट्स सिटी स्टेडियममा फाइनल नेपाली समय अनुसार राती ९ः ४५ बजेदेखि सुरु हुनेछ ।  नेपाल र जोर्डन जारी प्रतियोगिताका दुई अपराजित टोली हुन् । साविक विजेता […]

Success

Thank you for your time.