4 months ago
December 26, 2023
काठमाडौं (हाम्रो खेलकुद) – नेपाल सुपर लिग (एनएसएल) को उपाधि होडको सम्भावनालाई जीवित राख्न ललितपुर सिटी एफसी र काठमाडौं रेजर्सबीच आज (मंगलबार) प्रतिस्पर्धा हुँदैछ। खेल दशरथ रंगशालामा साँझ ५:३० बजे सुरु हुनेछ ।ललितपुर अंक तालिकाको तेस्रो र साविक विजेता काठमाडौं चौथो हुँदै प्लेअफमा पुगेको थियो । पहिलो चरणको अन्तिम खेलमा ललितपुरलाई नै १-० ले हराएर […]
काठमाडौं (हाम्रो खेलकुद) – नेपाल सुपर लिग (एनएसएल) को उपाधि होडको सम्भावनालाई जीवित राख्न ललितपुर सिटी एफसी र काठमाडौं रेजर्सबीच आज (मंगलबार) प्रतिस्पर्धा हुँदैछ।
खेल दशरथ रंगशालामा साँझ ५:३० बजे सुरु हुनेछ ।
ललितपुर अंक तालिकाको तेस्रो र साविक विजेता काठमाडौं चौथो हुँदै प्लेअफमा पुगेको थियो ।
पहिलो चरणको अन्तिम खेलमा ललितपुरलाई नै १-० ले हराएर काठमाडौंले प्लेअफको यात्रा तय गरेको थियो।
त्यसो त एनएसएलको दुई संस्करणमा काठमाडौंसँग ३ पटक भेट हुँदा ललितपुरले सबैमा हारको सामना गरेको छ ।
पहिलो संस्करणको लिग चरणमा ललितपुर काठमाडौं सँग १-० ले पराजित भएको थियो । त्यसपछि यि दुई टोलीबीच दोस्रो क्वालिफायरमा भेट भएको थियो। त्यसमा ३-० जित निकाल्दै काठमाडौं फाइनल पुगेको थियो। पहिलो क्वालिफायरमा धनगढी एफसीसँग पराजित काठमाडौं फाइनलमा उसैलाई हराएर च्याम्पियन बनेको थियो।
आजको खेल जित्ने टोलीले फाइनल प्रवेशका पोखरा थन्डर्ससँग दोस्रो क्वालिफायरमा प्रतिस्पर्धा गर्नुपर्नेछ । सोमबार भएको रोमान्चक खेलमा धनगढीसँग टाइब्रेकरमा ४-३ ले पराजित भएपछि पोखराले फेरि खेल्ने अवसर पाउनेछ।
निर्धारित र थप ३० मिनेटमा २-२ को बराबरीपछि खेलको निर्णय टाइब्रेकरबाट भएको थियो। निर्धारित समयको १-१ को बराबरीमा होस् वा थप समयमा दुबै पटक बनाएको अग्रतालाई पोखराले जोगाउन सकेन ।
उता धनगढी थप समयको अन्तिम मिनेटमा गोल गर्दैै खेलमा फर्किएको थियो। गोलकिपर ताहाले २ पेनाल्टी रोक्दै धनगढीको फाइनल यात्रा तय गराए । धनगढी दुबै संस्करणमा पहिलो क्वालिफायर जित्ने एक्लो टोली बनेको छ।
लिग चरणमा काठमाडौंसँगको हारका कारण ललितपुरले पहिलो क्वालिफायर खेल्ने मौका गुमाएको थियो। अघिल्ला ३ हारको बदला लिन नसके यसपटक ललितपुर एलिमिनेटरबाटै बाहिरिने छ । त्यसकारण ललितपुर पक्कै सचेत रहनेछ।
काठमाडौं त्यहि टोली हो जो अघिल्लो संस्करण पहिलो क्वालिफायर गुमाएरपनि फाइनलमा जित निकालेको थियो। अर्कोतर्फ ललितपुर विरुद्धको कुनै खेल गुमाएको छैन । आजको खेल गुमाएको अवस्थामा काठमाडौंसँग उपाधि रक्षाको मौका गुम्नेछ।
ललितपुरका डिफेन्डर ओमोलाजा करिम आजको खेलमा हुनेछैनन् । ३ पहिलो कार्डका कारण उनी निलम्बनमा छन् ।
काठमाडौंले पनि २ महत्वपूर्ण खेलाडी विना खेल्नु पर्नेछ । लिग चरणमा अहम भूमिका खेलेका मिडफिल्डर तोजिदिनोभ कोमिवन ३ पहेँलो र डिफेन्डर अमित तामाङले पछिल्लो खेलमा रातो कार्ड पाएका कारण निलम्बनमा छन् ।
May 2, 2024
दिपक बोहरा, पाँचथर दुई महिना अघि फिदिममा भएको चौथो पाँचथर गोल्ड कप प्रतियोगिताको हिसाब सार्वजनिक गरिएको छ । आयोजक पाँचथर क्लबले बुधबार फिदिममा पत्रकार सम्मेलन गर्दै प्रतियोगिताको आयव्यय सार्वजनिक गरेको हो । फिदिममा फागुन १२ गतेबाट १९ गते सम्म चलेको प्रतियोगितामा ४६ लाख ६४ हजार ६ सय ६० रुपैयाँ आम्दानी भएको थियो। त्यसमा ७ लाख […]
May 2, 2024
एजेन्सी – युरोपेली च्याम्पियन्स लिगको दोस्रो सेमिफाइनलको पहिलो लेगमा जर्मन टोली बोरुसिया डर्टमुण्डले अग्रता लिएको छ । घरेलु मैदानमा बुधबार भएको पहिलो लेगमा डर्टमुण्डले फ्रेन्च टोली पेरिस सेन्ट जर्मेन (पिएसजी) लाई १-० हराएको छ । डर्टमुण्डको जितमा स्ट्राइकर निकलास फुलक्रुगले खेलको ३६औं मिनेटमा गोल गरे । डिफेन्स लाइनबाट निको श्लोटरबेकले दिएको उत्कृष्ट पासमा अफसाइड ट्र्याप […]
May 1, 2024
एजेन्सी – युरोपेली च्याम्पियन्स लिग अन्तर्गत दोस्रो सेमिफाइनलको पहिलो लेगमा आज राती बोरुसिया डर्टमुण्ड र पेरिस सेन्ट जर्मान (पिएसजी) भिड्दै छन् । राती १२:४५ बजे सुरु हुने खेल डर्टमुण्डको घरेलु मैदान सिग्नल इडुना पार्कमा सुरु हुनेछ । यी दुवै टोली यसै सिजन च्याम्पियन्स लिगको एकै समूहमा रहेका थिए । समूह चरणको दुई खेल मध्य एक […]