एसियन कपमा अष्ट्रेलियासँग भारतको हार

एजेन्सी – अष्ट्रेलियाले जितका साथ एएफसी एसियन कप फुटबल प्रतियोगिताको सुरुवात गरेको छ । एसियाको सबै भन्दा ठूलो प्रतिस्पर्धाका रुपमा रहेको एसियन कपमा शनिबार अष्ट्रेलियाले भारतलाई २–० ले हरायो ।

टोलीको जितमा ज्याक्सन इर्भिन र जोर्डन बोसले गोल गरे । कतारमा शुक्रबार सुरु भएको प्रतियोगिताको अष्ट्रेलिया र भारतबीचको खेल बिन अली रंगशालामा भएको थियो । समूह बीको उक्त खेलमा दुबै गोल दोस्रो हाफमा भएको थियो ।

इर्भिनले ५०औं मिनेटमा पहिलो गोल गरे । बोसले ७३ औं मिनेटमा गोल गर्दै टोलीको अन्तरलाई बढाए । हिजो भएको उद्घाटन खेलमा आयोजक कतारले लेवनानलाई ३–० ले हराएको थियो ।

समूह ‘ए’ को खेलमा साँझ ८ः१५ बजे चीन र पहिलो पटक छनोट भएको ताजिकिस्तान भिड्ने छन् । राति ११ः१५ बजे समूह समूह बीको उक्त खेलमा दुबै गोल दोस्रो हाफमा भएको थियो ।मा रहेका सिरिया र उज्बेकिस्तान बीच प्रतिस्पर्धा हुनेछ ।