default_image

6 months ago

January 21, 2024

रियल म्याड्रिडको नाटकीय पुनरागमन

1448 views

0 Bookmark

एजेन्सी – रियल म्याड्रिडले ला लिगामा शनिबार नाटकीय जित दर्ता गरेको छ । २–० ले पछि परेको अवस्था उल्टाउने क्रममा इन्ज्युरी समयको नवौं मिनेटमा गोल गर्दै रियलले अल्मेरियालाई ३–२ हराएको हो ।

रियलको जितमा जुड बेलिङ्घम, भिनीसियस जुनियर र ड्यानी कार्भाजालले समान १ गोल गरे । रियल खेलको पहिलो मिनेटमा नै पछि परेको थियो । लार्जी रामाजानीले गोल गर्दै यो सिजन जित विहिन अल्मेरीयालाई अग्रता दिलाएका थिए । ४३ औं मिनेटमा एडगर गोन्जालेजले बक्स बाहिरबाट सानदार गोल गर्दै अग्रता दोब्बर बनाए ।

मध्यान्तरमा २ गोलले पछि परेको रियलले दोस्रो हाफमा भने पुनरागमन जित निकाल्यो । ५७औं मिनेटमा बेलिङ्घमले पेनाल्टी मार्फत गोल गर्दै अन्तर कम गराएका थिए । बक्समा अल्मेरियाका खेलाडीको ह्यान्डबल भएपछि रियलले पेनाल्टी पाएको थियो ।
६१औं मिनेटमा सर्जी आरिबासले अल्मेरियाका लागि तेस्रो गोल गरेका थिए । तर गोल गर्ने क्रममा फाउल भएपछि गोल भिडियो असिस्टेन्ट रेफ्रीले रद्द गरेका थिए ।

६७औं मिनेटमा रियलले बराबरी गोल गर्यो । भिनिसियसले गरेको सो गोल पनि विवादास्पद रह्यो । सो गोल सुरुवातमा उनले हातले गरेको भनी रेफ्रीले मान्य गरेका थिएनन् । तर भिएआरको सहायतामा रेफ्रीले आफ्नो निर्णय उल्ट्याउँदै रियललाई गोल दिएका थिए ।

रियलको तेस्रो गोल भने इन्ज्युरी समयको नवौं मिनेटमा आएको थियो । ११ मिनेट थपिएको अवस्थामा बेलिङ्घमको असिस्टमा कार्भाजालले गोल गर्दै रियलका लागि ३ अंक हासिल गरेका थिए ।

जितपछि रियल २० खेलमा ५१ अंक सहित पहिलो स्थानमा उक्लिएको छ । दोस्रो स्थानमा रहेको जिरोनाको समान २० खेलमा ५० अंक रहेको छ । २१ खेलमा कुनै जित दर्ता गर्न नसकेको अल्मेरिया भने ६ अंक सहित पुछारमा छ ।

July 12, 2024

वर्षाका कारण चितवन जिल्ला लिग स्थगित

सुशिल पन्त क्षेत्री, चितवन सेन्ट्रल कलेज चितवन जिल्ला ए डिभिजन लिग तत्कालका लागि स्थगित भएको छ । चितवन जिल्ला फुटबल संघले आज एक सुचना जारी गर्दै लिगका खेलहरु तत्कालका लागि स्थगित भएको जानकारी दिएको हो । अविरल वर्षाका कारण लिगका खेल सञ्चालित भरतपुर ७ कृष्णपुरको मैदान हिलाम्य भएकोले अर्को सूचना जारी नभएकोसम्मका लागि स्थगित गरिएको […]

July 12, 2024

रोहित एक सिजन इन्डोनेसियामै खेल्ने 

काठमाडौं (हाम्रो खेलकुद) – नेपाली राष्ट्रिय फुटबल टोलीका अनुभवी खेलाडी रोहित चन्द अझै एक सिजन इन्डोनेसियामा नै बस्ने भएका छन् । इन्डोनेसियन लिगा वान टोली पेर्सिक केदिरीसँग सम्झौता नवीकरण गरेसँगै रोहितले व्यवसायिक फुटबलको थप एक सिजन इन्डोनेसियाको शीर्ष डिभिजनमा नै बिताउने भएका हुन् । सन् २०१३ मा पहिलो पटक इन्डोनेसिया पुगेका रोहितले बीचमा मलेसियन लिग […]

July 11, 2024

अर्जेन्टिनाले कोपा अमेरिका उपाधिका लागि कोलम्बिया विरुद्ध भिड्ने

एजेन्सी – साविक विजेता अर्जेन्टिनाले कोपा अमेरिका उपाधि रक्षा गर्नका लागि फाइनलमा कोलम्बिया विरुद्ध खेल्ने भएको छ । बिहीबार बिहान भएको दोस्रो सेमिफाइनलमा कोलम्बियाले उरुग्वे माथि १-० को जित निकालेसँगै अर्जेन्टिनाको फाइनल प्रतिद्वन्दी टुंगो लागेको हो । कोलम्बियाका लागि ३९औं मिनेटमा जेफर्सन लर्माले प्रहार गरेको हेडर नै पर्याप्त बन्यो । पहिलो हाफको अन्त्यमा डेनियल मुनोजले […]

Success

Thank you for your time.