लिभरपुलको सानदार जित

एजेन्सी – इंग्लिस प्रिमियर लिगमा आइतबार रातिको‌ खेलमा लिभरपुल विजयी भएको छ । लिभरपुलले बर्नमाउथ माथि ४-० को फराकिलो जित हासिल गरेको हो ।

लिभरपुलको जितमा डार्विन नुनेज र डियोगो जोटाले समान २ गोल गरे। पहिलो हाफमा धेरै अवसर सिर्जना गरेपनि गोल गर्न नसकेको लिभरपुलले सबै गोल दोस्रो हाफमा गर्यो ।

४९औं मिनेटमा नुुनेजले पहिलो गोल गरे । जोटाको पासमा उनले तल्लो कर्नरमा सटिक प्रहार गर्दै आफ्नो टोलीलाई अग्रता दिलाए ।

७०औं मिनेटमा जोटाले दोस्रो गोल गरे । काेडी गाक्पोको रपासमा जोटाले पोस्टको नजिकबाट बायाँ खुट्टाले गरेको प्रहारले गोलमा परिणत भयो।

त्यसको नौं मिनेट पछि जोटाले नै अर्को गोल थपे । उनले कनर ब्राडलीको पासमा गरेको पहिलो प्रहार ब्लक भएपछि प्रहार गोलमा परिणत भयो । चौथो गोल इन्ज्युरी समयको तेस्रो मिनेटमा नुनेजले नै गरे ।

जित पछि लिभरपुलले पहिलो स्थानमा ५ अंकको अग्रता बनाएको छ । लिभरपुलको २१ खेलमा ४८ अंक छ भने एक खेल कम खेलेको दोस्रो स्थानको म्यानचेस्टर सिटीको ४३ अंक छ । बर्नमाउथ २० खेलमा २५ अंकसहित १२औं स्थानमा छ ।