default_image

1 month ago

January 22, 2024

टोरेसको ह्याट्रिकमा बार्सिलोनाको जित

एजेन्सी – फेरान टोरेसको ह्याट्रिक मद्दतले क्याटलान बार्सिलोनाले स्पेनिस लालिगा अन्तर्गत गएराति सम्पन्न खेलमा रियल बेटिसमाथि सानदार जित हात पारेको छ । ४–२ को जित निकाल्ने क्रममा बार्सिलोनाका लागि फेरानले ह्याट्रिक गर्दा जोआओ फेलिक्सले एक गोल गरे । सुरुवातमा दुई गोलको अग्रता लिएको बार्सिलोना बीचमा लय गुमाउँदै दुई गोल खान पुगेको थियो । तर खेलको […]

395 views

0 Bookmark

एजेन्सी – फेरान टोरेसको ह्याट्रिक मद्दतले क्याटलान बार्सिलोनाले स्पेनिस लालिगा अन्तर्गत गएराति सम्पन्न खेलमा रियल बेटिसमाथि सानदार जित हात पारेको छ ।

४–२ को जित निकाल्ने क्रममा बार्सिलोनाका लागि फेरानले ह्याट्रिक गर्दा जोआओ फेलिक्सले एक गोल गरे । सुरुवातमा दुई गोलको अग्रता लिएको बार्सिलोना बीचमा लय गुमाउँदै दुई गोल खान पुगेको थियो ।

तर खेलको अन्त्यतिर पुनः दुई गोल गर्दै बार्सिलोनाले जित सुनिश्चित गर्यो । २१औं मिनेटमा फेरानले गोल गर्दै बार्सिलोनालाई अग्रता दिलाएका थिए । पेड्रीको पासमा सहज रूपमा गोल गर्दै उनले अग्रता दिलाएका थिए ।

४८औं मिनेटमा उनले नै व्यक्तिगत दोस्रो गोल गरे । लामिन यमालको क्रस पोस्टमा लागेर फर्किएपछि उनले सहजै बललाई जालिमा हालेका थिए ।

तर त्यसपछि बार्सिलोनाले चार मिनेटको अन्तरालमा दुई गोल खान पुग्यो । दुवै गोल पूर्व रियल म्याड्रिडका खेलाडी इस्कोले गरेका थिए ।

५६औं मिनेटमा बक्सको दायाँ तर्फबाट आएको क्रसमा गोलरक्षक इनाकी पेना र डिफेन्डर रोनाल्ड आराउजोको तालमेल नमिल्दा बल सिधै इस्कोको खुट्टामा पुगेको थियो । उनले बलमा पहिलो पटक मै राम्रो सम्पर्क बनाउँदै गोल गरेका थिए ।

५९औं मिनेटमा उनले बराबरी गोल गरे । लुइज हर्नान्डेजको क्रसमा उत्कृष्ट फिनिश गर्दै उनले व्यक्तिगत दोस्रो र टिमको पनि दोस्रो गोल गरेका थिए ।

तर ९०औं मिनेटमा फेलिक्सले गोल गर्दै खेल बार्सिलोना तर्फ ढल्काए । फेरानकै पासमा ट्रिभेला प्रहारले उत्कृष्ट गोल गर्दै उनले पुनः बार्सिलोनाका लागि अग्रता दिलाए ।

इन्ज्युरी समयको दोस्रो मिनेटमा खेल अवधिभर उत्कृष्ट खेल खेलेका यमालको सानदार पासमा गोलकिपर रुइ सिल्भा माथि बल चिप गरेका व्यक्तिगत तेस्रो गोल गर्दै फेरानले ह्याट्रिक पूरा गर्दै जित समेत सुनिश्चित गरे ।

जित पछि बार्सिलोना २० खेलमा ४४ अंक सहित तेस्रो स्थानमा उक्लिएको छ । पहिलो स्थानमा रहेको जिरोनाको २१ खेलबाट ५२ अंक तथा दोस्रो स्थानमा रहेको रियल म्याड्रिडको ५१ अंक छ ।

February 28, 2024

प्रितीको विजयी गोल फिजियो नविनालाई समर्पण

काठमाडौं (हाम्रो खेलकुद) – स्टार मिडफिल्डर प्रिती राईले वाफ च्याम्पियनसिप २०२४ को सेमिफाइनलमा गरेको विजयी गोल फिजियोथेरापिस्ट नविना श्रेष्ठ वैद्यलाई समर्पित गरेकी छिन् । लेवनानविरुद्ध दोस्रो हाफको इन्ज्युरी समयमा प्रितीले पेनाल्टी क्षेत्र बाहिरबाट सानदार गोल गर्दै नेपालको २-१ को जित पक्का गरेकी थिइन् । उनकै गोलमा नेपालले फाइनलमा स्थान बनाएको थियो । खेलपछि बोल्दै प्रितीले […]

February 28, 2024

साम्बाले फाइनल खेल्ने अन्यौलमा!

काठमाडौं (हाम्रो खेलकुद) – नेपाली महिला राष्ट्रिय टोलीले वाफ च्याम्पियनसिप २०२४ को फाइनलमा स्थान बनाउँदा स्टार फरवार्ड सावित्रा भण्डारी साम्बाले खेल्ने-नखेल्ने अन्यौल रहेको छ । नेपालले मंगलबार सम्पन्न सेमिफाइनलमा लेवनानलाई २-१ ले पराजित गर्दै फाइनलमा स्थान बनाएको हो । उक्त खेलमा नेपालका लागि बराबरी गोल समेत गरेकी साम्बा फाइनलमा भने अनुपस्थित रहने सम्भावना छ । […]

February 28, 2024

अन्तिम समयमा प्रितीको गोलसँगै नेपाल फाइनलमा

काठमाडौं (हाम्रो खेलकुद) – इन्ज्युरी समयमा प्रिती राईले उत्कृष्ट गोलसँगै नेपाल लेबनान विरुद्ध पुनरागमन जित दर्ता गर्दै पश्चिम एसियाली फुटबल एसोसिएसन (वाफ) महिला च्याम्पियनसिपको फाइनल प्रवेश गरेको छ । साउदी अरेबियामा जारी प्रतियोगितामा मंगलबार पहिलो हाफमा १-० ले पछि परेको अवस्था उल्ट्याउँदै नेपालले प्रितीको गोलमा २-१ को नाटकीय जित दर्ता गरेको हो । खेल १-१ […]

Success

Thank you for your time.