default_image

6 months ago

January 25, 2024

दक्षिण कोरिया समूहको उपविजेतामा सिमित

1121 views

0 Bookmark

एजेन्सी – समूह चरणको अन्तिम खेलमा मलेसिया विरुद्ध रोमाञ्चक बराबरीमा रोकिएपछि दक्षिण कोरिया समूह उपविजेतामा सिमित रहँदै जारी एएफसी एसियन कपको अन्तिम १६ मा प्रवेश गरेको छ । इन्ज्युरी समयमा नै लिएको अग्रता जोगाउन नसक्दा कोरियाले ३-३ को बराबरी खेल्दै समूह विजेता बन्ने मौका गुमाएको छ ।

वु-योङ जिओंगले २१औं मिनेटमा गोल गर्दै कोरियालाई खेलमा सुरुवाती अग्रता दिलाएका थिए । तर फिफा वरियतामा आफू भन्दा १०७ स्थान माथि रहेको कोरिया विरुद्ध स्कोरलाइन उल्ट्याउँदै मलेसियाले खेलमा २-१ को अग्रता लिएको थियो ।

५१औं मिनेटमा फैसल अब्दुल हलिम र ६२औं मिनेटमा अरिफ आइमानको गोलको मद्दतले १-० ले पछि परेको अवस्था उल्ट्याउँदै मलेसियाले खेलमा अग्रता लिन सफल भयो ।

तर अग्रता जोगाउन नसक्दा मलेसिया पुनः खेलमा पछि परेको थियो । ८३औं मिनेटमा काङ्ग इन-लीको फ्रिकिक बचाउने क्रममा मलेसियाका गोलरक्षक अहमद हाज्मीले आत्मघाती गोल गरेपछि खेलमा २-२ बराबरी भयो ।

त्यसपछि इन्ज्युरी समयको तेस्रो मिनेटमा कोरियाले पेनाल्टीमा अग्रता लिने अवसर प्राप्त गर्यो । पेनाल्टीमा कप्तान सन ह्युङ-मिनले गोल गर्दै कोरियालाई जित तर्फ डोहोर्याएका थिए । तर अन्तिम समयमा कोरियाले धैर्य गुमाउन पुगेपछि खेलमा मलेसियाले बराबरी गोल गर्यो । इन्ज्युरी समयको १५औं मिनेटमा रोमेल मोरालेसले गोल गर्दै खेलमा मलेसियाका लागि उल्लेखनीय नतिजा दिलाउन सफल भए ।

बराबरी पछि कोरियाले समूहमा पहिलो स्थान हासिल गर्ने मौका गुमायो । कोरियाले समूहको तीन खेलमा ५ अंक हासिल गर्यो ।

आज नै भएको खेलमा जोर्डन माथि १-० को जित निकाल्दै बहराइनले ६ अंक सहित समुहको शीर्ष स्थान सुरक्षित गर्यो । जोर्डन पनि चार अंक सहित उत्कृष्ट चार तेस्रो स्थान हासिल गर्ने टोली मध्य एक बन्दै अन्तिम १६ मा पुगेको छ । मलेसिया भने १ अंक सहित पुछारमा रहँदै प्रतियोगिताबाट बाहिरिएको छ ।

आज नै समूह चरणका अन्तिम खेलहरुमा समूह एफ अन्तर्गतका खेलहरु हुँदै छन् । बेलुका ८:४५ बजे साउदी अरेबिया र थाइल्याण्ड भिड्दा ओमान र किर्गिस्तान पनि आमने-सामने हुने छन् । सो समूहमा साउदी ६ अंक सहित पहिलो स्थानमा रहेको छ । यस्तै थाइल्याण्ड ४ अंकसहित दोस्रो, ओमान १ अंक सहित तेस्रो र किर्गिस्तान बिना कुनै अंक पुछारमा छ । 

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.