3 months ago
February 3, 2024
एजेन्सी – बलियो प्रतिद्वन्दी अष्ट्रेलिया माथि अतिरिक्त समयमा जित हासिल गर्दै दक्षिण कोरिया कतारमा जारी एसियन कपको सेमिफाइनलमा प्रवेश गरेको छ । १० जनामा समिति अष्ट्रेलिया माथि दक्षिण कोरियाले २-१ को जित निकाल्न सफल भएको हो । खेलमा दक्षिण कोरियाले पछि परेको अवस्था उल्ट्याउँदै जित निकालेको थियो । तर सुरुवातमा दक्षिण कोरियाले अग्रता लिएपनि गोल […]
एजेन्सी – बलियो प्रतिद्वन्दी अष्ट्रेलिया माथि अतिरिक्त समयमा जित हासिल गर्दै दक्षिण कोरिया कतारमा जारी एसियन कपको सेमिफाइनलमा प्रवेश गरेको छ । १० जनामा समिति अष्ट्रेलिया माथि दक्षिण कोरियाले २-१ को जित निकाल्न सफल भएको हो ।
खेलमा दक्षिण कोरियाले पछि परेको अवस्था उल्ट्याउँदै जित निकालेको थियो । तर सुरुवातमा दक्षिण कोरियाले अग्रता लिएपनि गोल भने रद्द हुन पुग्यो । ३१औं मिनेटमा योङ-वु सियोलले गोल गरेपनि भिडियो असिस्टेन्ट रेफ्रीले अफसाइड भएका कारण सो गोल रद्द गरेका थिए ।
४१औं मिनेटमा अष्ट्रेलियाले खेलमा अग्रता लिन सफल भयो । एटकिन्सनको क्रसमा क्रेज गुडविनले भली प्रहारमा गोल गर्दै अष्ट्रेलियालाई अग्रता दिलाएका थिए ।
तर दक्षिण कोरियाले पुनः नाटकीय रूपमा खेलमा बराबरी गर्यो । प्रि-क्वाटरफाइनलमा साउदी अरेबिया विरुद्ध इन्ज्युरी समयमा बराबरी गर्दै टाईब्रेकरमा जित हासिल गरेको कोरियाले पुनः इन्ज्युरी समयमा बराबरी गोल गरेको थियो ।
इन्ज्युरी समयको पाँचौं मिनेटमा कप्तान सन ह्यूङ मिनले जितेको पेनाल्टीमा ह्वांग हि-चानले पेनाल्टीमा गोल गर्दै खेल बराबरीमा ल्याई अतिरिक्त समयमा धकेलेको थिए ।
अतिरिक्त समयको १३औं मिनेटमा कोरियाले अग्रता लियो । कप्तान सनले उत्कृष्ट फ्रिकिक प्रहारमा गोल गर्दै कोरियालाई अग्रता दिलाए ।
अतिरिक्त समयको पहिलो हाफको अन्त्यतिर एइडन ओ’निलले रातो कार्ड पाएपछि अष्ट्रेलिया १० जनामा सिमित भएको थियो । त्यसपछि पनि कोरियाले अवसरहरू सिर्जना गरेपनि थप गोल भने गर्न सकेन ।
दक्षिण कोरियाले अब सेमिफाइनलमा जोर्डन विरुद्ध खेल्ने छ । जोर्डनले शुक्रबार नै ताजिकिस्तान विरुद्ध जित हासिल गर्दै अन्तिम चारमा आफ्नो स्थान सुरक्षित गरेको थियो ।
शनिबार बाँकी दुई क्वाटरफाइनल खेल हुने छन् । साँझ ५:१५ बजे हुने खेलमा इरान र जापान भिड्ने छन् । यस्तै राति ९:१५ बजे घरेलु टोली कतार र उज्बेकिस्तानबीच खेल हुनेछ।
May 1, 2024
काठमाडौं (हाम्रो खेलकुद) – मैत्रीपूर्ण खेलका लागि तयारीमा रहेको नेपाली राष्ट्रिय फुटबल टोलीको भिसा आएपछि आजै राति इङ्ल्यान्ड त्यसतर्फ जाने भएको छ। इङ्ल्यान्ड सीसँगको मैत्रीपूर्ण खेलका लागि नेपाली टोली मंगलबार त्यसतर्फ जाने तयारी थियो। तर भिसा नआएपछि टोलीको यात्रा रोकिएको थियो। २३ खेलाडीसहितको ३० सदस्यीय टोलीको भिसा आएको अखिल नेपाल फुटबल संघ (एन्फा) को श्रोतले […]
May 1, 2024
एजेन्सी – युरोपेली च्याम्पियन्स लिग अन्तर्गत पहिलो सेमीफाइनलको पहिलो लेगमा बायर्न म्युनिख र रियल म्याड्रिडले बराबरी खेलेका छन् । घरेलु मैदान आलियान्ज एरिनामा भएको खेलमा बायर्नले खेलमा रहेको अग्रता अन्तिम तिर गुमाउन पुगेको थियो । १-० ले पछि परेको अवस्था उल्ट्याउँदै बायर्नले हाफको सुरुवातमै गोलको अग्रता बनाएको हो । तर खेलको अन्त्यतिर रियलले बराबरी गोल […]
April 30, 2024
काठमाडौं (हाम्रो खेलकुद) – सागर थिङले दोस्रो हाफमा गरेको ह्याट्रिक सहित पुल्चोक स्पोर्ट्स क्लबले सहिद स्मारक सि डिभिजन लिगमा मंगलबार सहज जित दर्ता गरेको छ । पुल्चोकले रानीवन स्पोर्ट्स क्लब माथि ४-० को सहज जित दर्ता गरेको हो । पुल्चोकका लागि सागर थिङले ह्याट्रिक गरे । उनले दोस्रो हाफमा मैदान प्रवेश गर्दा ८२औं मिनेट सहित […]