default_image

3 weeks ago

February 5, 2024

मेस्सीको अनुपस्तिथिका कारण समर्थक आक्रोशित

एजेन्सी – हङकङमा इन्टर मियामीको प्रि-सिजन टुर अन्तर्गत हङकङ ११ विरुद्धको खेलमा लियोनल मेस्सीको अनुपस्थितिले समर्थकहरुमा आक्रोश छाएको छ । ग्लोबल सुपरस्टार मेस्सीले चोटका कारण पुरै खेल बेन्चमा बिताएपछि समर्थकहरु आक्रोशित भएका हुन् । हङकङको स्टेडियममा भएको सो खेलको ४०,००० टिकट बिक्री सुरु भएको एक घण्टा भित्रै  बिकेको थियो । तर मेस्सीको खेल हेर्ने समर्थकहरुको […]

547 views

0 Bookmark

एजेन्सी – हङकङमा इन्टर मियामीको प्रि-सिजन टुर अन्तर्गत हङकङ ११ विरुद्धको खेलमा लियोनल मेस्सीको अनुपस्थितिले समर्थकहरुमा आक्रोश छाएको छ । ग्लोबल सुपरस्टार मेस्सीले चोटका कारण पुरै खेल बेन्चमा बिताएपछि समर्थकहरु आक्रोशित भएका हुन् ।

हङकङको स्टेडियममा भएको सो खेलको ४०,००० टिकट बिक्री सुरु भएको एक घण्टा भित्रै  बिकेको थियो । तर मेस्सीको खेल हेर्ने समर्थकहरुको चाहना उनको चोटका कारण अधुरो रह्यो । विश्व कप विजेता मेस्सीले अघिल्लो दिन खुला प्रशिक्षण सत्रमा भने भाग लिएका थिए तर मियामीले हङकङ ११ विरुद्ध उनलाई मैदानमा उतार्ने जोखिम लिएन ।

फ्रन्चाइजका अध्यक्ष र सह-मालिक बेकह्यामले खेलपछि समर्थकहरुलाई अभिवादन गर्दै मियामीले हङकङ इलेभेनलाई ४-१ ले विजयी भयेपचि उनीहरूको ‘अविश्वसनीय स्वागत’को लागि धन्यवाद समेत दिएका थिए । हङकङका आक्रोशित समर्थकहरुले भने बेकह्याम माथि आक्रोश पोख्दै मेस्सीको खेल हेर्नका लागि किनेको टिकटको मुल्य फिर्ताको माग समेत गरे । मेस्सीले खेलमा भाग नलिएमा कुनै रकम फिर्ता हुने छैन भनी टिकट खरिद गर्दा प्रशंसकहरूलाई स्पष्ट भने गरिएको थियो। 

जित पछि, इन्टर मियामीका मुख्य प्रशिक्षक जेरार्डो मार्टिनोले माफी गर्दै कुनै सम्भावना रहेको भए मेस्सीलाई मैदान उतार्ने सोच रहेको बताए ।  “यदि हामीसँग उनले केही समय खेल्न सक्ने सम्भावना थियो भने हामीले त्यसो गर्ने थियौं । तर त्यसो गर्न गम्भिर जोखिम मोल्नुपर्ने हुन्थ्यो र त्यसै यो निर्णय लिएका हौं”, मार्टिनोले भने । 

यसबारे हङकङको खेलकुद मन्त्रालयले समेत स्पष्टीकरण मागेको छ । सोमबार पत्रकार सम्मेलनमा हङकङका संस्कृति, खेलकुद तथा पर्यटन सचिव केभिन येउङले खेल आयोजकसँगको सरकारको आर्थिक सहयोग सम्झौतामा सुरक्षा वा स्वास्थ्यको चिन्ता नभएसम्म मेस्सीले कम्तिमा ४५ मिनेट मैदानमा खेल्नुपर्ने रहेको बताएका छन् ।

गत हप्ता, मेस्सी क्रिस्टियानो रोनाल्डोको अल नासर विरुद्धको खेलको अन्त्यतिर आएका थिए। मेस्सी मैदान प्रवेश गर्दा मियामी ६-० ले पछि परेको थियो । इन्टर मियामीले बुधबार जापानमा भिसेल कोबेसँग खेल्दै आफ्नो एसियाली भ्रमणको समापन गर्नेछ । 

February 25, 2024

पुलिसद्वारा आर्मी टाईब्रेकरमा पराजित

काठमाडौं (हाम्रो खेलकुद) – युवा गोलकिपर अमित टमाटा नायक बनेपछि नेपाल पुलिस क्लबले त्रिभुवन आर्मी क्लब माथि टाईब्रेकरमा जित निकाल्दै केपी ओली कपको दोस्रो चरण प्रवेश गरेको छ । आर्मी माथि पेनाल्टी शूटआउटन ४-३ को जित निकाल्दै पुलिस क्वाटफाइनलमा प्रवेश गरेको हो । निर्धारित ९० मिनेट गोलरहित बराबरीतर्फ लम्किएपछि पुलिसका प्रशिक्षक चेतन घिमिरेले सत्रुघन चौधरीको […]

February 25, 2024

एनआरटी केपी ओली कपको सेमिफाइनलमा

काठमाडौं (हाम्रो खेलकुद) – न्यू रोड टिम (एनआरटी) राष्ट्रिय युवा संघद्वारा आयोजित केपी ओली कपको सेमिफाइनलमा प्रवेश गरेको छ । सातदोबाटोस्थित एन्फा कम्प्लेक्स आइतबार भएको पहिलो खेलमा थ्री स्टार क्लब माथि १-० को जित निकाल्दै एनआरटी अन्तिम चारमा प्रवेश गरेको हो । एनआरटीको जितमा विवेक गुरुङले एकमात्र गोल गरे । खेलमा धेरै अवसरहरु सिर्जना नभएपनि […]

February 25, 2024

बार्सिलोनाको सानदार जित

एजेन्सी – स्पेनिश क्लब बार्सिलोनाको गएराती सम्पन्न लालिगा अन्तर्गतको खेलमा सानदार जित हात पारेको छ । बार्सिलोनाले गेटाफे माथि ४-० को फराकिलो जित निकालेको हो । धेरै समयपछि खेलमा उत्कृष्ट प्रदर्शन गरेको बार्सिलोनाले चार गोल गर्न पुग्यो । खेलको २०औं मिनेटमा राफिन्हाले गोल गर्दै खेलमा बार्सिलोनालाई अग्रता दिलाएका थिए । जुल्स कुन्डेले आफ्नै हाफबाट खेलेको […]

Success

Thank you for your time.