पोखरा (हाम्रो खेलकुद) – पोखरामा जारी हिमालय ब्रुअरी १३ औं बगर भाइखलक फुटलब प्रतियोेगितामा सोमबार पहिलो खेलमा पोखराको एक्स वारियरले काठमाडौंको सुनाखरी ३–० ले हराएको छ । एक्सको जितमा किशोरदेव थापाले २ तथा सुशिल श्रेष्ठले १ गोल गरे ।

दोस्रो खेलमा चिया पप ठमेलले हरिवन भेट्रान सर्लाहीलाई ६–१ ले हरायो । चिया पपको जितमा सन्तोष नेपालीले २ तथा मिलन अधिकारी, रमेश गुरुङ, विपिन शाही र मित्रबहादुर बस्नेतले समान १ गोल गरे ।

प्रतिस्पर्धात्मक तेस्रो खेलमा नाइट किंग काठमाडौंले लखन ब्रदर्श बुटवललाई टाइब्रेकरमा ४–३ ले हरायो । निर्धारित समयको खेल २–२ को बराबरीमा सकिएपछि खेल टाइब्रेकरमा गएको थियो । निर्धारितमा नाइट किंगका लागि राकेश श्रेष्ठ र नवराज गौतमले तथा लखनका लागि यामु राना र भरत गुरुङले गोल गरे ।

चौथो खेलमा फ्रिडम फाइटर काठमाडौंले भारतको खेलो भेट्रान देरादुनलाई ६–२ ले हरायो । फ्रिडमका लागि राजकुमार घिसिङले ह्याट्रिक गरे । कमल विष्ट र विकर्ण श्रेष्ठले समान १ गोल गरे । देरादुनका लागि गोविन्द सिंह र मनिष शर्माले समान १ गोल गरे ।

पाँचौ खेलमा रोजरपाटी काठमाडौंले सिमरा भेट्रान माथि ३–० को जित हासिल ग¥यो । जोरपाटीका लागि सुरज सुवेदी, उमेश लामा र निमा लामाले गोल गरे । यस्तै दिनको अन्तिम खेलमा चावहिल काठमाडौंले एन.जेजे.वाई.सी सिमरालाई ४–१ ले हरायो । चवाहिलको जितमा कप्तान पासाङ शेर्पाले ह्याट्रिक गरे । सिमराका जगतमान लामाले १ गोल गरे ।